ରିଲିଜ୍ ପୂର୍ବରୁ ବିବାଦରେ ‘ଛାବା’; ମହାରାଷ୍ଟ୍ର ମନ୍ତ୍ରୀଙ୍କ ଡିମାଣ୍ଡ, ହଟାଯାଉ ଆପତ୍ତିଜନକ ସିନ୍ ନଚେତ୍...

ମୁମ୍ଵାଇ ୨୭।୦୧; ଭିକି କୌଶଲଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଛାବା’। ଏହାର ରିଲିଜକୁ ଦର୍ଶକ ଆଗ୍ରହ ସହ ଅପେକ୍ଷା କରିଛନ୍ତି। ଜାନୁଆରୀ ୨୨ ରେ ଫିଲ୍ମର ଟ୍ରେଲର ରିଲିଜ ହୋଇଥିଲା। ଫିଲ୍ମରେ ଭିକି ସମ୍ଭାଜୀ ମହାରାଜଙ୍କ ଭୂମିକାରେ ନଜର ଆସିବେ। ବର୍ତ୍ତମାନ ଏହି ଫିଲ୍ମକୁ ନେଇ ମହାରାଷ୍ଟ୍ର ମନ୍ତ୍ରୀ ଉଦୟ ସାମନ୍ତ କହିଛନ୍ତି ଯେ ‘ଛାବା’ ରିଲିଜ୍ ହେବା ପୂର୍ବରୁ ଏହାକୁ ଏକ୍ସପର୍ଟ୍ସଙ୍କୁ ଦେଖାଯାଉ।

ଲକ୍ଷ୍ମଣ ଉତେକରଙ୍କ ନିର୍ଦ୍ଦେଶିତ ଏହି ଐତିହାସିକ ଡ୍ରାମାକୁ ନେଇ ଉଦୟ ସାମନ୍ତ ତାଙ୍କ ଏକ୍ସ ଆକାଉଣ୍ଟରୁ ପୋଷ୍ଟ କରିଛନ୍ତି। ସେ ମରାଠୀରେ ଲେଖିଛନ୍ତି, “ଧର୍ମ ଏବଂ ସ୍ୱାଧୀନତାର ରକ୍ଷକ ଛତ୍ରପତି ସମ୍ଭାଜୀ ମହାରାଜଙ୍କ ଜୀବନୀ ଉପରେ ଆଧାରିତ ହିନ୍ଦୀ ଫିଲ୍ମ ନିର୍ମାଣ କରିବା ଅତ୍ୟନ୍ତ ଆନନ୍ଦଦାୟକ ବିଷୟ। ଛତ୍ରପତିଙ୍କ ଇତିହାସକୁ ଦୁନିଆକୁ ବୁଝାଇବା ପାଇଁ ଏଭଳି ପ୍ରୟାସ ଆବଶ୍ୟକ । ତେବେ ଫିଲ୍ମରେ କିଛି ଆପତ୍ତିଜନକ ଦୃଶ୍ୟକୁ ନେଇ ଅନେକ ଲୋକ ନିଜର ମତ ପ୍ରକାଶ କରିଛନ୍ତି।"

धर्मरक्षक,स्वराज्यरक्षक छत्रपती संभाजी महाराज यांच्या जीवनावर आधारित हिंदी चित्रपट बनणे ही आनंदाची गोष्ट आहे, छत्रपतींचा इतिहास जगाला समजावा यासाठी असे प्रयत्न आवश्यक आहे. मात्र या चित्रपटात काही आक्षेपार्ह दृश्ये असल्याबाबत अनेकांनी मते व्यक्त केली आहेत. हा चित्रपट तज्ज्ञ आणि…— Uday Samant (@samant_uday) January 25, 2025

ସେ ଆହୁରି ଲେଖିଛନ୍ତି, ମୋ ଅନୁଯାୟୀ ଫିଲ୍ମଟିକୁ ଏକ୍ସପର୍ଟଙ୍କୁ ନ ଦେଖାଇ ରିଲିଜ୍‌ କରିବା ଅନୁଚିତ୍‌ । ମହାମହିମଙ୍କ ସମ୍ମାନକୁ ଆଘାତ କରୁଥିବା କୌଣସି ଜିନିଷକୁ ବରଦାସ୍ତ କରାଯିବ ନାହିଁ। ଆମର ଦାବି ହେଉଛି ଯେ ଫିଲ୍ମର ନିର୍ମାତା ଏବଂ ନିର୍ଦ୍ଦେଶକ ଏ ବାବଦରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ଆପତ୍ତିଜନକ ଜିନିଷଗୁଡ଼ିକୁ ହଟାଇବା ଉଚିତ୍। ଫିଲ୍ମ ଦେଖିବା ପରେ ପରବର୍ତ୍ତୀ ନିଷ୍ପତ୍ତି ନିଆଯିବ, ନଚେତ୍ ଏହି ଫିଲ୍ମ ରିଲିଜ ହେବ ନାହିଁ!

ଛାବା କେବେ ରିଲିଜ ହେବ?

ଲକ୍ଷ୍ମଣ ଉତେକରଙ୍କ ନିର୍ଦ୍ଦେଶିତ ଫିଲ୍ମ "ଛାବା" ଚଳିତ ବର୍ଷ ଫେବୃଆରୀ ୧୪ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। ଫିଲ୍ମରେ, ଭିକି କୌଶଳ ସମ୍ଭାଜୀ ଭୂମିକାରେ ଏବଂ ରଶ୍ମିକା ମୟେସୁବାଇ ଭୂମିକାରେ ଅଭିନୟ କରୁଛନ୍ତି। ଅନ୍ୟପକ୍ଷରେ, ଅକ୍ଷୟ ଖାନ୍ନା ଔରଙ୍ଗଜେବଙ୍କ ଖଳନାୟକ ଭୂମିକାରେ ଅଭିନୟ କରୁଥିବାର ନଜର ଆସିବେ। ଦେଖିବାକୁ ବାକି ରହିଲା ଏହା ଥିଏଟରରେ କ’ଣ ଚମତ୍କାର କରିବ।