ରୁଷଠାରୁ ଭାରତର ତେଲ କିଣିବା ଉପରେ ୟୁକ୍ରେନର ଆପତ୍ତି ନାହିଁ

ନୂଆଦିଲ୍ଲୀ: ଭାରତ ଗସ୍ତରେ ଆସିଥିବା ୟୁକ୍ରେନ ବିଦେଶ ମନ୍ତ୍ରୀ ଦିମିତ୍ରୋ କୁଲେବା କିଭ୍ ଏବଂ ନୂଆଦିଲ୍ଲୀ ସମ୍ପର୍କରେ ପରିବର୍ତ୍ତନ ଦେଖୁଛନ୍ତି । ସେ କହିଛନ୍ତି ଯେ ପୂର୍ବେ ରୁଷ ମିଶି ଭାରତ ଅଧିକ କାମ କରୁଥିଲା ଏବଂ ୟୁକ୍ରେନ ସହ କମ, କିନ୍ତୁ ଏବେ ସ୍ଥିତି ବଦଳିଛି । କୁଲେବା ଭାରତୀୟ ବିଦେଶ ମନ୍ତ୍ରୀ ଏସ.ଜୟଶଙ୍କରଙ୍କ ନିମନ୍ତ୍ରଣରେ ଦୁଇ ଦିନିଆ ଭାରତ ଗସ୍ତରେ ଆସିଛନ୍ତି । ଟାଇମ୍ସ ଅଫ୍ ଇଣ୍ଡିଆକୁ ପ୍ରତିକ୍ରିୟା ଦେଇ କୁଲେବା କହିଛନ୍ତି ଯଏ ୟୁକ୍ରେନ ଯୁଦ୍ଧ ବଢିବାରେ ଲାଗିଛି । ଆକାଶରେ ରୁଷର ଅଧିପତ୍ୟ ସତ୍ତ୍ୱେ ସମୁଦ୍ରରେ ୟୁକ୍ରେନ ରୁଷଠାରୁ ଆଗରେ ଅଛି । ସେ ଆଶା ପ୍ରକାଶ କରିଛନ୍ତି ଯେ ୟୁକ୍ରେନ ପାଖରେ ପର୍ଯ୍ୟାପ୍ତ ଏୟାର ଡିଫେନ୍ସ ସିଷ୍ଟମ ଏବଂ ଯୁଦ୍ଧ ବିମାନ ମିଳିବା ପରେ ଆକାଶରେ ବି ତାର ଦବଦବା ରହିବ । ୟୁକ୍ରେନ ଭାରତ-ରୁଷ ସହଯୋଗ ବିରୋଧରେ ନାହିଁ । କୁଲେବା ଏହା ଉପରେ ସନ୍ତୋଷ ପ୍ରକାଶ କରିଛନ୍ତି ଯେ ଆମେରିକା ଏବଂ ୟୁରୋପୀୟ ଦେଶରୁ ଏବେ ବି ୟୁକ୍ରେନକୁ ସମର୍ଥନ ଏବଂ ସହଯୋଗ ମିଳୁଛି । ସେ ଭାରତ ପ୍ରତି ଆଶା ବ୍ୟକ୍ତ କରି କହିଛନ୍ତି ଯେ ଆମେ ଏପରି କ୍ଷେତ୍ରର ଅନ୍ୱେଷଣ କରୁଛୁ ଯେଉଁଠି ଭାରତ ନିଜର ଶକ୍ତିର ବ୍ୟବହାର କରି ଅନ୍ୟ ଦେଶଙ୍କ ନେତୃତ୍ୱ ନେଇପାରିବ ।

ରୁଷଠାରୁ ଭାରତର ତେଲ କିଣିବା ଉପରେ ସେ କହିଛନ୍ତି ଯେ ଭାରତ ରୁଷର ତେଲ କିଣିଛୁ କିନ୍ତୁ ଯେଉଁ ଟଙ୍କାରେ ସେ ଏହି ତେଲ କିଣିଛୁ ତାହା ରୁଷର ଅର୍ଥବ୍ୟବସ୍ଥା ଯାଏ ପହଞ୍ଚିପାରୁ ନାହିଁ । କୁଲେବା କହିଛନ୍ତି ଯେ ଭାରତ ଏବଂ ରୁଷ ସମ୍ପର୍କ ବିରୋଧରେ ୟୁକ୍ରେନ ନାହିଁ, କିନ୍ତୁ ୟୁକ୍ରେନ ତାହାକୁ ବିରୋଧ କରୁଛି ଯେଉଁମାନେ ରୁଷକୁ ଯୁଦ୍ଧ ପାଇଁ ଅର୍ଥିକ ରୂପେ ସହଯୋଗ କରୁଛନ୍ତି । ସେ ମଧ୍ୟ କହିଛନ୍ତି ଯେ ପୂର୍ବେ ଭାରତ ରୁଷ ସହ ମିଶି ଅଧିକ କାମ କରୁଥିଲା । ଏବଂ ୟୁକ୍ରେନ ସହ କମ ଥିଲା ଯାହା ଏବେ ବଦଳି ଯାଇଛି । ଏହାର ପ୍ରମାଣ ଦୁଇ ଦେଶର ନେତାଙ୍କ ମଧ୍ୟରେ ହୋଇଥିବା କଥାବର୍ତ୍ତା ଏବଂ   ସେମାନଙ୍କ ଭାରତ ଯାତ୍ରା ମଧ୍ୟ ଏହାର ପ୍ରମାଣ ।