ରୁଷିଆରେ ଏହି ବଲିଉଡ୍‌ ଗୀତ ଗାଇ ଶୁଣାଇଲେ ମୋଦି

ମସ୍କୋ,୯।୭: ଆଜିକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରୁଷିଆ ଗସ୍ତରେ ଅଛନ୍ତି। ସେ ମଙ୍ଗଳବାର ମସ୍କୋରେ ଭାରତୀୟମାନଙ୍କୁ ମଧ୍ୟ ସମ୍ବୋଧିତ କରିଥିଲେ। ଏହି ସମୟରେ ପ୍ରଧାନମନ୍ତ୍ରୀ ମୋଦି ଭାରତ ଏବଂ ରୁଷିଆର ବନ୍ଧୁତାକୁ ଦର୍ଶାଇ ରାଜ କପୁରଙ୍କ ଫିଲ୍ମର ଗୀତ ‘ସର୍‌ ପର ଲାଲ ଟୋପି ରୁଷି…ଫିର୍‌ ବି ଦିଲ୍‌ ହୈ ହିନ୍ଦୁସ୍ତାନୀ’ ଗୀତ ମଧ୍ୟ ଗାଇଥିଲେ।
ରୁଷିଆ ସହିତ ଭାରତର ସମ୍ପର୍କ ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ମୋଦି କହିଛନ୍ତି, ରୁଷିଆ ଶବ୍ଦ ଶୁଣିବା ପରେ ପ୍ରତ୍ୟେକ ଭାରତୀୟଙ୍କ ମନକୁ ଆସୁଥିବା ପ୍ରଥମ ଶବ୍ଦସୁଖ ଏବଂ ଦୁଃଖରେ ଭାରତର ସାଥୀ, ଭାରତର ବିଶ୍ୱସ୍ତ ବନ୍ଧୁ। ଏହି ସମ୍ପର୍କ ପାରସ୍ପରିକ ବିଶ୍ୱାସ ଏବଂ ସମ୍ମାନର ଏକ ଦୃଢ ମୂଳଦୁଆ ଉପରେ ଗଠିତ।
ମୋଦି ଆହୁରି ମଧ୍ୟ କହିଛନ୍ତି, ସର୍‌ ପର ଲାଲ ଟୋପି ରୁଷି…ଫିର୍‌ ବି ଦିଲ୍‌ ହୈ ହିନ୍ଦୁସ୍ତାନୀ… ଏହି ଗୀତ ପ୍ରତ୍ୟେକ ଘରେ ଗାନ କରାଯାଉଥିଲା। ଏହି ଗୀତଟି ପୁରୁଣା ହୋଇଥାଇପାରେ, କିନ୍ତୁ ଏହାର ଭାବନା ସବୁବେଳେ ସବୁଜ।
ପ୍ରଧାନମନ୍ତ୍ରୀ ମୋଦି ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ମଧ୍ୟ ପ୍ରଶଂସା କରିଥିଲେ। ଦୁଇ ଦଶନ୍ଧିରୁ ଅଧିକ ସମୟ ଧରି ଏହି ସହଭାଗିତାକୁ ମଜଭୁତ କରିବାରେ ସେ ବହୁତ ଭଲ କାମ କରିଛନ୍ତି। ମୁଁ ଗତ ୧୦ ବର୍ଷ ମଧ୍ୟରେ ଷଷ୍ଠ ଥର ପାଇଁ ରୁଷିଆକୁ ଆସିଛି ଏବଂ ଏହି ବର୍ଷ ମଧ୍ୟରେ ଆମେ ୧୭ ଥର ପରସ୍ପରକୁ ଭେଟିଛୁ।

The post ରୁଷିଆରେ ଏହି ବଲିଉଡ୍‌ ଗୀତ ଗାଇ ଶୁଣାଇଲେ ମୋଦି appeared first on Dharitri Odia News.