ରୋହିତଙ୍କ ପରେ ଟେଷ୍ଟ କ୍ରିକେଟ୍‌କୁ ବାଏ ବାଏ କହିବେ ବିରାଟ କୋହଲି: BCCIକୁ ଦେଳେ ସୂଚନା

ନୂଆଦିଲ୍ଲୀ,୧୦।୫: ଭାରତୀୟ କ୍ରିକେଟ ଦଳର ଅଧିନାୟକ ରୋହିତ ଶର୍ମା ଟେଷ୍ଟ କ୍ରିକେଟରୁ ଅବସର ନେବା ପରେ, ଏବେ ତାଙ୍କ ସାଥୀ ବିରାଟ କୋହଲି ମଧ୍ୟ ଏହି ଫର୍ମାଟକୁ ବାଏ ବାଏ କହିବାକୁ ନିଷ୍ପତ୍ତି ନେଇଛନ୍ତି। ସେ ଭାରତୀୟ କ୍ରିକେଟ ନିୟନ୍ତ୍ରଣ ବୋର୍ଡ(ବିସିସିଆଇ)କୁ ଜଣାଇଛନ୍ତି ଯେ, ସେ ଟେଷ୍ଟ କ୍ରିକେଟରୁ ଅବସର ନେବାକୁ ଚାହୁଁଛନ୍ତି। ତଥାପି, ଏବେ ଉଚ୍ଚ ଅଧିକାରୀମାନେ ତାଙ୍କୁ ଏହି ନିଷ୍ପତ୍ତି ବିଷୟରେ ଚିନ୍ତା କରିବାକୁ ଅନୁରୋଧ କରିଛନ୍ତି।

ପୂର୍ବତନ ଭାରତୀୟ ଅଧିନାୟକ ବିରାଟ କୋହଲି ଇଂଲଣ୍ଡ ଗସ୍ତ ପୂର୍ବରୁ ଏକ ବଡ଼ ନିଷ୍ପତ୍ତି ନେଇଛନ୍ତି। ସୂଚନା ଅନୁଯାୟୀ, ଏହି ଅଭିଜ୍ଞ ଖେଳାଳିଙ୍କୁ ଆଉ କ୍ରିକେଟର ଲମ୍ବା ଫର୍ମାଟରେ ଖେଳିବାର ଦେଖାଯିବ ନାହିଁ। ସେ ମନ ସ୍ଥିର କରିଛନ୍ତି ଏବଂ ବୋର୍ଡକୁ ଜଣାଇ ଦେଇଛନ୍ତି ଯେ ସେ ଟେଷ୍ଟ କ୍ରିକେଟରୁ ଅବସର ନେବେ। ଇଂଲଣ୍ଡର ଗୁରୁତ୍ୱପୂର୍ଣ୍ଣ ଗସ୍ତ ଆସୁଥିବାରୁ ବିସିସିଆଇ ତାଙ୍କୁ ପୁନର୍ବିଚାର କରିବାକୁ ଅନୁରୋଧ କରିଛି। ସେ ଏପର୍ଯ୍ୟନ୍ତ ଅନୁରୋଧର ଜବାବ ଦେଇନାହାଁନ୍ତି।

କିଛି ଦିନ ପୂର୍ବରୁ ରୋହିତ ଶର୍ମା ଟେଷ୍ଟ କ୍ରିକେଟରୁ ଅବସର ନେବା ପରେ କୋହଲିଙ୍କ ଏହି ନିଷ୍ପତ୍ତି ଆସିଛି। ଆସନ୍ତା ମାସରେ ଇଂଲଣ୍ଡରେ ହେବାକୁ ଥିବା ପାଞ୍ଚଟିକିଆ ଟେଷ୍ଟ ସିରିଜ ପାଇଁ ଦଳ ବାଛିବା ପାଇଁ ଭାରତୀୟ ଚୟନକର୍ତ୍ତାମାନେ କିଛି ଦିନ ମଧ୍ୟରେ ବୈଠକ କରିବାର କାର୍ଯ୍ୟକ୍ରମ ରହିଛି।

ଯଦି କୋହଲି ତାଙ୍କ ମନ ପରିବର୍ତ୍ତନ ନ କରନ୍ତି ଏବଂ ରୋହିତ ମଧ୍ୟ ଦଳରେ ନାହାଁନ୍ତି, ତେବେ ଭାରତର କେଏଲ ରାହୁଲ, ଶୁବମନ ଗିଲ ଏବଂ ଯଶସ୍ବୀ ଜୟସ୍ବାଲଙ୍କ ସହିତ ଏକ ଅନଭିଜ୍ଞ ମଧ୍ୟମ କ୍ରମ ରହିବ। ଡିସେମ୍ବର ୨୦୧୪ରେ କୋହଲି ଏବଂ ଫେବୃଆରୀ ୨୦୨୨ରେ ରୋହିତ ଭାରତର ଟେଷ୍ଟ ଅଧିନାୟକ ହୋଇଥିଲେ।

The post ରୋହିତଙ୍କ ପରେ ଟେଷ୍ଟ କ୍ରିକେଟ୍‌କୁ ବାଏ ବାଏ କହିବେ ବିରାଟ କୋହଲି: BCCIକୁ ଦେଳେ ସୂଚନା appeared first on Dharitri Odia News.