ଲଞ୍ଚ ହେଲା Infinix Mini Tri-Fold ସ୍ମାର୍ଟଫୋନ୍, ମିଳିବ ଦମଦାର୍ କ୍ୟାମେରା

ଚଳିତ ବର୍ଷ ସାଧାରଣ ସ୍ମାର୍ଟଫୋନ ସହିତ ଅନେକ ଫୋଲ୍ଡେବଲ୍ ସ୍ମାର୍ଟଫୋନ ମଧ୍ୟ ଲଞ୍ଚ ହେବାକୁ ଯାଉଛି । ନିକଟରେ ଖବର ଆସିଥିଲା ଯେ ସାମସଙ୍ଗ ଏକ ଫୋଲ୍ଡେବଲ୍ ଫୋନ ଉପରେ କାମ କରୁଛି ଯାହାକୁ ତିନିଥର ଫୋଲ୍ଡ କରାଯାଇପାରିବ । କିନ୍ତୁ ଏବେ ଇନଫିନିକ୍ସ ପକ୍ଷରୁ ଏପରି ଏକ ଖବର ଦିଆଯାଇଛି ଯାହା ସାମସଙ୍ଗର ଟେନସନକୁ ବଢ଼ାଇ ଦେଇଛି । ଇନଫିନିକ୍ସ ବର୍ତ୍ତମାନ ଏକ ଟ୍ରାଇ-ଫୋଲ୍ଡ ସ୍ମାର୍ଟଫୋନ (ଇନଫିନିକ୍ସ ମିନି ଟ୍ରାଇ-ଫୋଲ୍ଡ) ଉପରେ କାମ କରୁଛି ଯାହାକୁ ଶୀଘ୍ର ଲଞ୍ଚ କରାଯାଇପାରିବ ।

ଇନଫିନିକ୍ସ ଏହାର Infinix ZERO Series Mini Tri-Fold ଉପସ୍ଥାପନ କରିଛି । ପୂର୍ବରୁ ଇନଫିନିକ୍ସର Mini Tri-Fold ଫୋନ୍ ସମ୍ପର୍କରେ ଲିକ୍ ପ୍ରକାଶ ପାଇଥିଲା, କିନ୍ତୁ ଏବେ କମ୍ପାନୀ MWC 2025 ଆରମ୍ଭ ହେବା ପୂର୍ବରୁ ଏହାକୁ ଉନ୍ମୋଚନ କରିଛି । ଏହା କମ୍ପାନୀର ପ୍ରଥମ ଟ୍ରାଇ-ଫୋଲ୍ଡ କନସେପ୍ଟ ସ୍ମାର୍ଟଫୋନ୍ ଯାହାକୁ ଏକ ଅଲ୍ଟିମେଟ୍ ଡିଜାଇନ୍ ସହିତ ପ୍ରସ୍ତୁତ କରାଯାଇଛି । ବର୍ତ୍ତମାନ ବଜାରରେ କେବଳ Huawei ର Mate XT Ultimate Design Tri-Fold ସ୍ମାର୍ଟଫୋନ୍ ଉପଲବ୍ଧ ।

ଏବେ ସାମସଙ୍ଗ ସହିତ, ଇନଫିନିକ୍ସ ମଧ୍ୟ ଟ୍ରାଇ ଫୋଲ୍ଡ ସ୍ମାର୍ଟଫୋନ ଉପରେ କାମ କରିବା ଆରମ୍ଭ କରିଛି । ଇନଫିନିକ୍ସ ଏହି ଫୋନକୁ ଏକ ଟ୍ରିପଲ୍ ଫୋଲ୍ଡିଂ ମେକାନିଜିମ୍ ସହିତ ଡିଜାଇନ୍ କରିଛି । ଆଗାମୀ ଫୋନରେ ଦୁଇଟି ହିଞ୍ଜ ଦେଖାଯିବ । ଇନଫିନିକ୍ସର ଏହି ଟ୍ରାଇ-ଫୋଲ୍ଡ ସ୍ମାର୍ଟଫୋନ୍ ଭର୍ଟିକାଲ୍ ସେପରେ ଫୋଲ୍ଡ ଏବଂ ଅନଫୋଲ୍ଡ ହେବ, ଅର୍ଥାତ୍ ଏହା ଏକ ଫ୍ଲିପ୍ ଷ୍ଟାଇଲ୍ ଟ୍ରାଇ-ଫୋଲ୍ଡ ସ୍ମାର୍ଟଫୋନ୍ ହେବ । Infinix ZERO Series Mini Tri-Fold, Samsung ଏବଂ ଅନ୍ୟାନ୍ୟ Trii-Foldable ସ୍ମାର୍ଟଫୋନ ତୁଳନାରେ ବହୁତ ଭିନ୍ନ ଏବଂ ୟୁନିକ୍ ।

ଏହାର ଡିଜାଇନ୍ ଏହାକୁ ଏକ ମଲ୍ଟିପର୍ପଜ୍ ଡ଼ିଭାଇସ୍ କରିଥାଏ । ଇନଫିନିକ୍ସର ଏହି ଟ୍ରାଇ-ଫୋଲ୍ଡ ସ୍ମାର୍ଟଫୋନକୁ ଅନେକ ଉପାୟରେ ବ୍ୟବହାର କରାଯାଇପାରିବ । ଆପଣ ଏହାକୁ ଏକ ସ୍ମାର୍ଟଫୋନ୍, ଏକ ଫିଟନେସ୍ ଡିଭାଇସ୍ ଏବଂ ଏକ କମ୍ପାକ୍ଟ କ୍ୟାମେରା ଡିଭାଇସ୍ ଭାବରେ ବ୍ୟବହାର କରିପାରିବେ । ଏହି ଟ୍ରାଇ-ଫୋଲ୍ଡ ସ୍ମାର୍ଟଫୋନ୍ ବିଷୟରେ ସୂଚନା ଇନଫିନିକ୍ସ ଏକ ପ୍ରେସ୍ ରିଲିଜ୍ ମାଧ୍ୟମରେ ସେୟାର କରିଛି । କମ୍ପାନୀ କହିଛି ଯେ ଏହି ଟ୍ରିପଲ୍ ସ୍କ୍ରିନ୍ ଫୋଲ୍ଡେବଲ୍ ଫୋନ୍ ସହଜରେ ଡିଭାଇସକୁ ହ୍ୟାଣ୍ଡସ୍-ଫ୍ରି ଡିସପ୍ଲେ ଏବଂ କମ୍ପାକ୍ଟ କ୍ୟାମେରାରେ ବଦଳାଇ ପାରିବ ।

କମ୍ପାନୀ ଦ୍ୱାରା ସିରିଜ୍ ମିନି ଟ୍ରାଇ-ଫୋଲ୍ଡର ଅନେକ ଫଟୋ ସେୟାର କରାଯାଇଛି । ଏହି ଟ୍ରିପଲ୍ ଫୋଲ୍ଡ କନସେପ୍ଟ ଫୋନ୍ ତିନୋଟି ଭିନ୍ନ ଆକାରରେ ଦେଖାଯିବ । କମ୍ପାନୀ ଏପର୍ଯ୍ୟନ୍ତ ଏହାର ଲଞ୍ଚ ଡେଟ୍ କିମ୍ବା ସ୍ପେସିଫିକେସନ୍ସ ବିଷୟରେ କୌଣସି ସୂଚନା ଦେଇନାହିଁ ।

Also read: ୨୦୦ MP କ୍ୟାମେରା ସହିତ ଲଞ୍ଚ ହେବ Xiaomi 15 Ultra, ଜାଣନ୍ତୁ ପ୍ରାଇସ୍ ଏବଂ ଫିଚର୍ସ

The post ଲଞ୍ଚ ହେଲା Infinix Mini Tri-Fold ସ୍ମାର୍ଟଫୋନ୍, ମିଳିବ ଦମଦାର୍ କ୍ୟାମେରା appeared first on KNews Odisha.