ଲଞ୍ଚ ହେଲା ନୂଆ ମାରୁତି Alto-800, ୩୫ କିଲୋମିଟର ମାଇଲେଜ ସହ ମିଳୁଛି ବଜେଟ ଅନୁକୂଳ ମୂଲ୍ୟରେ

ନୂଆଦିଲ୍ଲୀ ୧୬।୧୨: ନୂଆ ଅଲ୍ଟୋ-୮୦୦ ଲଞ୍ଚ ସହିତ ମାରୁତି ସୁଜୁକି ପୁଣି ଥରେ ବଜେଟ ଅନୁକୂଳ କାର ସେଗମେଣ୍ଟରେ ନିଜର ନେତୃତ୍ୱ ଜାହିର କରିଛି। ଏହି ପ୍ରିୟ ହ୍ୟାଚବ୍ୟାକ୍‌ର ନବୀନ ସଂସ୍କରଣ ଆଧୁନିକ ଟେକ୍ନୋଲଜି, ଉନ୍ନତ ଇନ୍ଧନ ଦକ୍ଷତା ଓ ଶସ୍ତା ମୂଲ୍ୟ ନିର୍ଦ୍ଧାରଣ ଯୋଗୁ ଏକ ଆଦର୍ଶ ବିକଳ୍ପରେ ପରିଣତ ହୋଇଛି, ଯାହା ପ୍ରଥମ ଥର କାର କ୍ରୟ କରୁଥିବା ପରିବାର ଓ ବଜେଟ ପ୍ରତି ସଚେତନ ପରିବାର ନିମନ୍ତେ ଉପଯୁକ୍ତ ବୋଲି କୁହାଯାଇପାରେ। 

ଦୀର୍ଘ ବର୍ଷରୁ ଅଲ୍ଟୋ-୮୦୦ ଭାରତୀୟ ଅଟମୋବାଇଲ ବଜାରରେ ଏକ ପ୍ରିୟ ନାମ ହୋଇ ରହିଛି। ନୂଆ ଅପଡେଟ ସହିତ ଛୋଟ କାର ସେଗମେଣ୍ଟରେ ମାଇଲ ଖୁଣ୍ଟ ସ୍ଥାପନା କରିବା ମାରୁତି ସୁଜୁକିର ଲକ୍ଷ୍ୟ। ତେବେ ଆସନ୍ତୁ ଜାଣିବା ଏହି କାରର ବିଶେଷତା କ’ଣ?

ପାରମ୍ପରିକ ଓ ଆଧୁନିକତାର ମିଶ୍ରଣ
ଅଲ୍ଟୋ-୮୦୦ ନିଜର ବିଶ୍ୱସନୀୟତା, ସାମର୍ଥ୍ୟ ଓ କମ ରକ୍ଷଣାବେକ୍ଷଣ କାରଣରୁ ଭାରତୀୟ ଘରମାନଙ୍କରେ ଦୀର୍ଘ ସମୟରୁ ଲୋକପ୍ରିୟ। ନୂଆ ସଂସ୍କରଣରେ ମାରୁତି ସୁଜୁକି ଆଧୁନିକ ଫିଚର୍ସ, ଆକର୍ଷଣୀୟ ଡିଜାଇନ ଓ ଉନ୍ନତ ଇଞ୍ଜିନ ସଂଯୁକ୍ତ କରିଛି, ଯାହା ଛୋଟ କାର ସେଗମେଣ୍ଟରେ ନିଜକୁ ଏକ ଦାବିଦାର କରିପାରିଛି। ନୂଆ ମାରୁତି ଅଲ୍ଟୋ-୮୦୦ଏପରି ସୁବିଧା ସହ ଆସୁଛି ଯାହା ସହରରେ ଡ୍ରାଇଭିଂ ଓ ପରିବାର ସହିତ ବୁଲିବା ପାଇଁ ସମ୍ପୂର୍ଣ୍ଣ ଉପଯୁକ୍ତ। 

ସୁରକ୍ଷା ସୁବିଧା

ଡୁଆଲ ଏୟାରବ୍ୟାଗ୍, ଇବିଡି(ଇଲେକ୍ଟ୍ରୋନିକ ବ୍ରେକ୍ ଫୋର୍ସ ଡିଷ୍ଟ୍ରବ୍ୟୁସନ) ସହିତ ଏବିଏସ୍ (ଆଣ୍ଟି ଲକ୍ ବ୍ରେକିଂ ସିଷ୍ଟମ) ଓ ଏହାର ରିଭର୍ସ ପାର୍କିଂ ସେନସର   ଯାତ୍ରୀ ସୁରକ୍ଷାକୁ ବଢାଉଛି। ଏଲଇଡି ଡିଆରଏଲ( ଡେ ଟାଇମ ରନିଂ ଲାଇଟସ୍) ଆଦି ରହିଛି। ସେହିପରି ବାହାର ଡିଜାଇନରେ ବୋଲ୍ଡ ଗ୍ରିଲ, ତୀବ୍ର ହେଡଲ୍ୟାମ୍ପ  ଏରୋ ଡାଇନାମିକ ଲାଇନ ରହିଛି। ନୂଆ ମାରୁତି ଅଲ୍ଟୋ-୮୦୦ର ଇନ୍ଧନ ଦକ୍ଷତା ଏହାର ଆକର୍ଷକ ବିଶେଷତା ମଧ୍ୟରୁ ଏକ। ଏହା ଗୋଟିଏ ଲିଟର ପେଟ୍ରୋଲରେ ୩୫ କିଲୋମିଟର ପର୍ଯ୍ୟନ୍ତ ଚାଲି ପାରୁଛି। ୭୯୬ ସିସି ଇଞ୍ଜିନ ବିଏସ-୬ ଅନୁକୂଳ ହୋଇଥିବା ବେଳେ ମାନୁଆଲ ଟ୍ରାନ୍ସମିସନ ସହିତ ଏକ୍ସ ସୋ ରୁମ ପ୍ରାଇସ୍ ୪.୫ଲକ୍ଷରୁ ଆରମ୍ଭ ହେଉଛି।