ଲଞ୍ଚ ହୋଇଛି Suzuki Avenisର ନୂଆ ସ୍କୁଟର, ଅପଡେଟେଡ୍ ଇଞ୍ଜନ୍ ସହିତ ରହିଛି ଜବରଦସ୍ତ ମାଇଲେଜ୍

Suzuki ମୋଟରସାଇକେଲ୍ ଇଣ୍ଡିଆ ଭାରତୀୟ ବଜାରରେ ଏହାର ପପୁଲାର ସ୍କୁଟର Avenisର ନୂଆ ଷ୍ଟାଣ୍ଡାର୍ଡ ଭାରିଆଣ୍ଟ ଲଞ୍ଚ୍ କରିଛି । ଏହି ନୂଆ ମଡେଲଟି ଭାରତ ସରକାରଙ୍କ ଦ୍ୱାରା ନିର୍ଦ୍ଧାରିତ OBD-2B (ଅନ୍-ବୋର୍ଡ ଡାଇଗ୍ନୋଷ୍ଟିକ୍ସ 2B) ନର୍ମସ ଅନୁଯାୟୀ ସ୍ୱତନ୍ତ୍ର ଭାବରେ ଡିଜାଇନ୍ କରାଯାଇଛି, ଯାହା ଏହାକୁ କେବଳ ଅଧିକ ଏନଭାଓରମେଣ୍ଟ ଫ୍ରେଣ୍ଡଲି କରିଥାଏ ନାହିଁ ବରଂ ଏହାର ପରଫରମାନ୍ସ ଉପରେ ମଧ୍ୟ କଡ଼ା ନଜର ରଖିଥାଏ ।

ଏଥି ସହ ଆପଣମାନେ ଜାଣିରଖନ୍ତୁ ଯେ, ଏହାର ମୂଲ୍ୟ ୯୧,୪୦୦ ଟଙ୍କା ଏହାକୁ ଆଭେନ୍ସିସ୍ ଲାଇନଅପରେ ସବୁଠାରୁ ସୁଲଭ ଏବଂ ବଜେଟ୍-ଫ୍ରେଣ୍ଡଲି ମଡେଲ୍ କରିଥାଏ । ଏହାର ପରବର୍ତ୍ତୀ ଭାରିଆଣ୍ଟ ଏହାଠାରୁ ପ୍ରାୟ ୧୮୦୦ ଟଙ୍କା ଅଧିକ ।

ଇଞ୍ଜିନ ଏବଂ ପରଫରମାନ୍ସ :
ଏହି ନୂଆ ଭାରିଆଣ୍ଟରେ ଇଞ୍ଜିନର ବେସିକ୍ ମେକାନିଜ୍ ସମାନ ରଖାଯାଇଛି, କିନ୍ତୁ ଏହାକୁ ଏବେ OBD-2B ଏମିସନ୍ ନର୍ମସ ଅନୁଯାୟୀ ଅପଡେଟ୍ କରାଯାଇଛି । ଏହାର ଅର୍ଥ ହେଉଛି ଯେ ଏବେ ଏହି ସ୍କୁଟର କେବଳ ଭଲ ମାଇଲେଜ୍ ଦେବ ନାହିଁ, ବରଂ ଇଞ୍ଜିନ୍ ପରଫରମାନ୍ସକୁ ଟ୍ରାକ୍ କରିବା ମଧ୍ୟ ସହଜ ହୋଇଯାଇଛି । ଏଥିରେ ସମାନ ୧୨୪cc, ସିଙ୍ଗଲ୍-ସିଲିଣ୍ଡର ଇଞ୍ଜିନ୍ ବ୍ୟବହାର କରାଯାଇଛି ଯାହା ୮.୭hp ପାୱାର ଏବଂ ୧୦Nm ଟର୍କ ଜେନେରେଟ୍ କରେ । ଏଥି ସହ ଏହି ଇଞ୍ଜିନଟି ସହର ଟ୍ରାଫିକ୍ ଏବଂ ଦୈନନ୍ଦିନ ଯାତାୟାତ ପାଇଁ ଉପଯୁକ୍ତ । ଏହି କାରଣରୁ, ଏହି ସ୍କୁଟରଟି କେବଳ ଏକ ସ୍ମୁଥ୍ ରାଇଡ୍ ପ୍ରଦାନ କରେ ନାହିଁ ବରଂ ଲଙ୍ଗ ଟର୍ମରେ ମେଣ୍ଟେନାନ୍ସ କମ୍ ଆବଶ୍ୟକ କରେ ।

ନିକଟରେ OBD-2B (ଅନ୍-ବୋର୍ଡ ଡାଇଗ୍ନୋଷ୍ଟିକ୍ସ 2B) ହେଉଛି ଭାରତ ସରକାରଙ୍କ ଦ୍ୱାରା କାର୍ଯ୍ୟକାରୀ କରାଯାଇଥିବା ଏକ ନୂଆ ଏମିସନ୍ ନର୍ମସ, ଯାହା ଯାନବାହାନର ପ୍ରଦୂଷଣ ସ୍ତର ନିରୀକ୍ଷଣ କରିବା ପାଇଁ ମର୍ଡନ ଟେକ୍ନୋଲୋଜୀ ପ୍ରଦାନ କରେ । ଏହି ସିଷ୍ଟମ ସ୍କୁଟରର ଇଞ୍ଜିନ ଉପରେ ନଜର ରଖେ ଏବଂ କୌଣସି ତ୍ରୁଟି ହେଲେ ତୁରନ୍ତ ସତର୍କତା ପ୍ରଦାନ କରେ । ଏହାର ସିଧାସଳଖ ଲାଭ ହେଉଛି ଯେ ପରିବେଶରେ ପ୍ରଦୂଷଣ କମ୍ ବ୍ୟାପିଥାଏ, ବରଂ ସ୍କୁଟରର ପରଫରମାନ୍ସକୁ ମଧ୍ୟ ପ୍ରକୃତ ସମୟରେ ମନିଟର କରାଯାଇପାରିବ । ଏହି ଟେକ୍ନୋଲୋଜୀ ଖାସ୍ ଭାବରେ ସେହି ୟୁଜର୍ସଙ୍କ ପାଇଁ ବେଷ୍ଟ ହେବ ଯେଉଁମାନେ ଭଲ ମାଇଲେଜ୍ ଏବଂ ଲଙ୍ଗ ଟାଇମ ପାଇଁ ସ୍ମୁଥ୍ ରାଇଡ୍ ଚାହାଁନ୍ତି ।

ଡିଜାଇନ୍ ଏବଂ କଲର ଅପ୍ସନ୍ :
ଜାଣିରଖନ୍ତୁ ଯେ, ଡିଜାଇନରେ କୌଣସି ବଡ଼ ପରିବର୍ତ୍ତନ ହୋଇନାହିଁ, ହେଲେ ଏହି ନୂଆ ଷ୍ଟାଣ୍ଡାର୍ଡ ଭାରିଆଣ୍ଟ ଏକ ଜବରଦସ୍ତ ଲୁକ୍ ପ୍ରଦାନ କରେ । ଏଥି ସହ ଏହି ସ୍କୁଟରଟି LED ହେଡଲାଇଟ୍ ଏବଂ ଟେଲଲାଇଟ୍ ସହିତ ଲେସ୍, ଯାହା ରାତିରେ ଉତ୍କୃଷ୍ଟ ଦୃଶ୍ୟମାନତା ପ୍ରଦାନ କରେ । ଏହା ସହିତ, ଏଥିରେ ଏକ ଡିଜିଟାଲ୍ ଇନଷ୍ଟ୍ରୁମେଣ୍ଟ କ୍ଲଷ୍ଟର ମଧ୍ୟ ରହିଛି, ଯାହା ଫ୍ୟୁଏଲ୍ ଲେଭଲ, ସ୍ପିଡ୍, ଟ୍ରିପ୍ ମିଟର ଭଳି ସମସ୍ତ ଇନଫରମେସନ୍ ଡିଜିଟାଲ୍ ଫାର୍ମରେ ଦେଖାଏ । ଏହି ସ୍କୁଟରଟି ଚାରୋଟି ଦମଦାର୍ କଲରରେ ଉପଲବ୍ଧ ଯାହା ହେଉଛି- ହ୍ବାଇଟ୍ ସହିତ ବ୍ଲାକ୍, ରେଡ୍ ସହିତ ବ୍ଲାକ୍, ବ୍ଲାକ୍ ସହିତ ୟେଲୋ ଏବଂ ଗ୍ଲସି ବ୍ଲାକ୍ ରହିଛି । ଏଥି ସହ ଏହାକୁ ଯୁବପିଢ଼ିଙ୍କୁ ମନରେ ରଖି ସ୍ୱତନ୍ତ୍ର ଭାବରେ ଡିଜାଇନ୍ କରାଯାଇଛି ।

ସୁଜୁକି ଆଭେନ୍ସିସ୍ ଷ୍ଟାଣ୍ଡାର୍ଡ ଭାରିଆଣ୍ଟର ମୂଲ୍ୟ ୯୧,୪୦୦ ଟଙ୍କା ରହିଛି । ଏହାକୁ ଆଭେନ୍ସିସ୍ ସିରିଜର ସବୁଠାରୁ ସୁଲଭ ମଡେଲ୍ କରିଥାଏ । ଆଫର୍ଡେବଲ୍ ପ୍ରାଇସରେ ଏକ ଷ୍ଟାଇଲିସ୍ ଏବଂ ଇକୋ-ଫ୍ରେଣ୍ଡଲି ସ୍କୁଟର ଖୋଜୁଥିବା ଗ୍ରାହକମାନଙ୍କ ପାଇଁ ଏହା ଏକ ବେଷ୍ଟ ଅପ୍ସନ ।

The post ଲଞ୍ଚ ହୋଇଛି Suzuki Avenisର ନୂଆ ସ୍କୁଟର, ଅପଡେଟେଡ୍ ଇଞ୍ଜନ୍ ସହିତ ରହିଛି ଜବରଦସ୍ତ ମାଇଲେଜ୍ appeared first on KNews Odisha.