ଲାଲୁଙ୍କୁ ଟାର୍ଗେଟ କଲେ ଚିରାଗ

ନୂଆଦିଲ୍ଲୀ,୬।୭: ରାଷ୍ଟ୍ରୀୟ ଜନତା ଦଳର ୨୮ତମ ପ୍ରତିଷ୍ଠା ଦିବସରେ ଲାଲୁ ଯାଦବ କେନ୍ଦ୍ର ସରକାରଙ୍କୁ ଟାର୍ଗେଟ କରି କହିଛନ୍ତି ଯେ କେନ୍ଦ୍ର ସରକାର ଦୁର୍ବଳ ଏବଂ ଅଗଷ୍ଟ ସୁଦ୍ଧା ଏହି ସରକାର ଭାଙ୍ଗିଯିବ। ତାଙ୍କ ବୟାନ ପରେ ଏକ ରାଜନୈତିକ ଉତ୍ତେଜନା ଦେଖାଦେଇଛି।
ବର୍ତ୍ତମାନ ଚିରାଗ ପାସୱାନ ଲାଲୁଙ୍କ ବୟାନକୁ ନେଇ ଆରଜେଡିକୁ ଟାର୍ଗେଟ କରିଛନ୍ତି। ସେ କହିଛନ୍ତି ଯେ ତାଙ୍କ କର୍ମୀମାନଙ୍କୁ ଦ୍ୱନ୍ଦ୍ୱରେ ପକାଇବା ଏବଂ ଫାନ୍ଦରେ ପକାଇବା ପାଇଁ ସେ ଏପରି ବିବୃତ୍ତି ଦେଉଛନ୍ତି।

ଆରଜେଡି ମୁଖ୍ୟ ଲାଲୁ ଯାଦବଙ୍କ ବୟାନକୁ ବିରୋଧ କରି କେନ୍ଦ୍ର ମନ୍ତ୍ରୀ ଚିରାଗ ପାସୱାନ କହିଛନ୍ତି, ତାଙ୍କର (ଲାଲୁ ଯାଦବ) କର୍ମୀମାନେ ପାଞ୍ଚ ବର୍ଷ ମଧ୍ୟରେ ପ୍ରସ୍ତୁତ ହୋଇପାରିନଥିଲେ। ଫଳାଫଳ ସମସ୍ତଙ୍କ ସାମ୍ନାରେ ଅଛି, କେତେ ସିଟ ଲଢିଛି ଏବଂ କେତେ ସିଟ ଜିତିଛି, ସମସ୍ତେ ଜାଣନ୍ତି ଯେ ସେମାନଙ୍କ କର୍ମୀମାନଙ୍କୁ ଦ୍ୱନ୍ଦରେ ପକାଇବା ଏବଂ ଫାନ୍ଦରେ ପକାଇବା ପାଇଁ ସେମାନେ ଅଗଷ୍ଟ ତାରିଖ ଦେଇଛନ୍ତି ଏବଂ ତା’ପରେ ଡିସେମ୍ବର ପୁଣି ଆସନ୍ତା ୫ ବର୍ଷ ତାରିଖ ଦେବେ। ଯେଉଁ ଶକ୍ତି ସହିତ ଏହି ସରକାର ଚାଲୁଛି ଆସନ୍ତା ପାଞ୍ଚ ବର୍ଷ ମଧ୍ୟରେ ଏହି ସରକାର ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଅନେକ ବଡ଼ ଏବଂ କଠୋର ନିଷ୍ପତ୍ତି ନେବେ ବୋଲି ସେ କହିଛନ୍ତି।

The post ଲାଲୁଙ୍କୁ ଟାର୍ଗେଟ କଲେ ଚିରାଗ appeared first on Dharitri Odia News.