ଲୋକଙ୍କ ଖାଦ୍ୟ ସୁରକ୍ଷା ପାଇଁ ୭୦୦ ବନ୍ୟପ୍ରାଣୀଙ୍କୁ ହତ୍ୟା କରିବ ଏହି ଦେଶ, ଜାଣନ୍ତୁ ପୂରା ମାମଲା

ନୂଆଦିଲ୍ଲୀ: ନାମିବ୍ୟା ବନ୍ୟପ୍ରାଣୀଙ୍କ ଉପରେ କ୍ରୁରତା ପାଇଁ ଏକ ଅଜବ ନିଷ୍ପତ୍ତି ନିଆଯାଇଛି । ନାମିବ୍ୟାରେ ୭୦୦ରୁ ଅଧିକ ବନ୍ୟପ୍ରାଣୀଙ୍କୁ ମାରିବା ପାଇଁ ନିଷ୍ପତ୍ତି ନିଆଯାଇଛି, ଯେଉଁଥିରେ ହାତୀ, ହିପ୍ପୋ ଏବଂ ଜେବ୍ରା ସାମିଲ ଅଛନ୍ତି । ଦେଶରେ ଜଳ ସଂକଟ ଏବଂ ଖାଦ୍ୟ ଅଭାବର ମୁକାବିଲା ପାଇଁ ଏହି ନିଷ୍ପତ୍ତି ନିଆଯାଇଛି ।

ଦକ୍ଷିଣ-ପଶ୍ଚିମ ଆଫ୍ରିକାରେ ସ୍ଥିତି ନାମିବ୍ୟା ବର୍ତ୍ତମାନ ନିଜ ଇତିହାସ ସବୁଠାରୁ ଭୟଙ୍କର ଜଳ ସଂକଟର ସାମନା କରୁଛି । ଦେଶର ଜନସଂଖ୍ୟାର ଅଧା ଲୋକ ବର୍ତ୍ତମାନ ସମୟରେ ଖାଦ୍ୟ ସଂକଟର ସାମନା କୁରଛନ୍ତି । ଦେଶର ମରୁଡ଼ି ସ୍ଥିତି ଯୋଗୁଁ ଫସଲ ଉତ୍ପାଦନ ଏବଂ ପଶୁପାଳନ ଉପରେ ଗଭୀର ପ୍ରଭାବ ପଡ଼ିଛି ।

ନାମିବ୍ୟାର ଜଙ୍ଗଲ, ପରିବେଶ ଏବଂ ପର୍ଯ୍ୟଟନ ମନ୍ତ୍ରଣାଳୟ ଘୋଷଣା ଅନୁସାରେ ୮୩ ହାତୀ, ୩୦ ହିପ୍ପୋ, ୬୦ ଜଙ୍ଗଲୀ ମଇଁଷି, ୧୦୦ ବ୍ଲୁ ୱାଇଲ୍ଡବିଷ୍ଟ, ୩୦୦ ଜେବ୍ରାକୁ ହତ୍ୟା କରାଯିବ । ରାଷ୍ଟ୍ରୀୟ ଉଦ୍ୟାନ ଏବଂ ଆବାସିକ କ୍ଷେତ୍ରରୁ ଏହି ଜୀବଙ୍କ ସଂଖ୍ୟା ସ୍ଥାୟୀ ରୂପେ କମ କରାଯିବ । ଏହି ଯୋଜନାର ମୁଖ୍ୟ ଉଦ୍ଦେଶ୍ୟ ମରୁଡ଼ି ପ୍ରଭାବିତ ନାଗରିକଙ୍କୁ ମାଂସ ପହଞ୍ଚାଇବା । ମନ୍ତ୍ରଣାଳୟ କହିଛି ଯେ ପ୍ରାକୃତିକ ଉତ୍ସର ଉପଯୋଗ କରି ନାଗରିକଙ୍କୁ ଲାଭ ପହଞ୍ଚାଯିବ । ବର୍ତ୍ତମାନ ସୁଦ୍ଧା ୧୫୦ରୁ ଅଧିକ ବନ୍ୟପ୍ରାଣୀଙ୍କୁ ହତ୍ୟା କରି ୧୨୫୦୦୦ ପାଉଣ୍ଡରୁ ଅଧିକ ମାଂସ ଲୋକଙ୍କ ମଧ୍ୟରେ ବଣ୍ଟା ସରିଛି ।