ଶକ୍ତିଶାଳୀ ଭୂକମ୍ପରେ ଥରିଲା କାରବିଆନା ଉପକୂଳ; ରିକ୍ଟର ସ୍କେଲ୍‌ରେ ତୀବ୍ରତା ୭.୬, ସୁନାମି ଆର୍ଲଟ

ମୁମ୍ଵାଇ ୦୯।୦୨; ଶନିବାର କାରିବିଆନ୍ ସାଗରରେ ୭.୬ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଘଟିଛି। ସ୍ଥାନୀୟ ସମୟ ରାତି ୬.୨୩ ରେ କେମାନ ଦ୍ୱୀପପୁଞ୍ଜର ଦକ୍ଷିଣ-ପଶ୍ଚିମ ଦିଗରେ ଏହି ଭୂକମ୍ପ ଅନୁଭୂତ ହୋଇଥିଲା । ଏହାର ଗଭୀରତା ୧୦ କିଲୋମିଟରରେ ମାପ କରାଯାଇଥିଲା। ଯାହା ସାଧାରଣ ଭୂକମ୍ପ ପାଇଁ ବିବେଚନା କରାଯାଏ । ଭୂକମ୍ପର କେନ୍ଦ୍ରସ୍ଥଳ ଜର୍ଜ ଟାଉନ୍ ଠାରୁ ପ୍ରାୟ ୨୦୯ କିଲୋମିଟର ଦୂରରେ ଥିଲା। ଏହି ଭୂକମ୍ପ ପରେ ଆମେରିକାର ଜାତୀୟ ସୁନାମି ଚେତାବନୀ କେନ୍ଦ୍ର (NTWC) ସୁନାମି ସତର୍କ ସୂଚନା ଜାରି କରିଛି। ଯେଉଁ କାରଣରୁ ଉପକୂଳବର୍ତ୍ତୀ ଅଞ୍ଚଳବାସୀ ଚିନ୍ତିତ ଅଛନ୍ତି।

ଭୂକମ୍ପ ପରେ ସୁନାମି ହେବାର ଆଶଙ୍କା ଅଛି କି?

ଏହି ଭୂକମ୍ପ ପରେ ଆମେରିକାର ଜାତୀୟ ସୁନାମି ଚେତାବନୀ କେନ୍ଦ୍ର (NTWC) ସୁନାମି ସତର୍କ ସୂଚନା ଜାରି କରିଛି। ଯେଉଁ କାରଣରୁ ଉପକୂଳବର୍ତ୍ତୀ ଅଞ୍ଚଳବାସୀ ଚିନ୍ତିତ ଅଛନ୍ତି। ତେବେ ପ୍ରଶାନ୍ତ ସୁନାମି ଚେତାବନୀ କେନ୍ଦ୍ର ଚେତାବନୀ ଦେଇଛି ଯେ ଏହି ଭୂକମ୍ପ କେମାନ ଦ୍ୱୀପପୁଞ୍ଜ, ଜାମାଇକା, କ୍ୟୁବା, ମେକ୍ସିକୋ, ବାହାମା, ବେଲିଜ, ହାଇତି, କୋଷ୍ଟାରିକା, ପାନାମା, ନିକାରାଗୁଆ ଏବଂ ଗୁଆଟେମାଲା ଭଳି ଦେଶ ଉପକୂଳରେ ସୁନାମି ତରଙ୍ଗ ସୃଷ୍ଟି କରିପାରେ। ଏହି ତରଙ୍ଗଗୁଡ଼ିକ ଭୂକମ୍ପର କେନ୍ଦ୍ରଠାରୁ ପ୍ରାୟ ୬୨୦ ମାଇଲ (୧୦୦୦ କିଲୋମିଟର) ବ୍ୟାସାର୍ଦ୍ଧରେ ହୋଇପାରେ ।

ଏପର୍ଯ୍ୟନ୍ତ ଏହି ଭୂକମ୍ପ ଯୋଗୁଁ କୌଣସି କ୍ଷୟକ୍ଷତି କିମ୍ବା ଆହତ ହେବାର ଖବର ଆସିନାହିଁ। କିନ୍ତୁ ସ୍ଥାନୀୟ ପ୍ରଶାସନ ପରିସ୍ଥିତି ଉପରେ ନଜର ରଖିଛି। ଲୋକଙ୍କୁ ସତର୍କ ରହିବାକୁ ଏବଂ ସତର୍କତା ଅବଲମ୍ବନ କରିବାକୁ ପ୍ରଶାସନ ନିବେଦନ କରିଛି। ଏହା ମଧ୍ୟ କୁହାଯାଇଛି ଯେ ଯଦି କୌଣସି ଅଞ୍ଚଳରେ ସୁନାମି ହେବାର ସମ୍ଭାବନା ବଢିଯାଏ ତେବେ ସେଠାରେ ଥିବା ବାସିନ୍ଦାଙ୍କୁ ତୁରନ୍ତ ସତର୍କ କରାଯିବ।