ସରକାରକୁ ଘେରୁ ଘେରୁ ପଦାରେ ପଡିଲା ବିଜେଡି ଫାଟ : ପ୍ରସଙ୍ଗ ଗୋଟିଏ ,ହେଲେ ଦୁଇଟି ସାମ୍ବାଦିକ ସମ୍ମିଳନୀ

କନକବ୍ୟୁରୋ :  ସେପଟେ ଖୋର୍ଧାରେ ଯୋଜନା ଘୋଷଣା ହେଉଥିବାବେଳେ ଏପଟେ ମୁଖ୍ୟ ବିରୋଧୀ ଦଳ ବିଜେଡିରେ ଦେଖିବାକୁ ମିଳିଛି ରୋଚକ ପରିସ୍ଥିତି  ।  ଗୋଟିଏ ପ୍ରସଙ୍ଗରେ ବିଜେଡିର ଦୁଇ ଦୁଇଟି ସାମ୍ବାଦିକ ସମ୍ମିଳନୀ ରାଜନୈତିକ ମହଲରେ ଚର୍ଚ୍ଚାର ବିଷୟ ପାଲଟିଛି   ।  ଗୋଟିଏ ପ୍ରସଙ୍ଗ, କିନ୍ତୁ ହେଲେ ଦୁଇଟି ସାମ୍ବାଦିକ ସମ୍ମିଳନୀ ।  ବିକଶିତ ଗାଁ ବିକଶିତ ଓଡ଼ିଶା ଯୋଜନାର ଉଦଘାଟନ କରିଥିଲେ ମୁଖ୍ୟମନ୍ତ୍ରୀ ମୋହନ ମାଝି ।  କାର୍ଯ୍ୟକ୍ରମକୁ କାଂଉଟର କରିବାକୁ ବିଜେଡି ବି ପ୍ରସ୍ତୁତ ହେଉଥିଲା । ହେଲେ ଗୋଟିଏ ପ୍ରସଙ୍ଗରେ ବିଜେଡି ଦୁଇ ନେତାଙ୍କ ଭିନ୍ନ ଭିନ୍ନ ପ୍ରେସମିଟ ଚର୍ଚାକୁ ଆସିଛି  ।

ସରକାରକୁ ଘେରିବାକୁ ଯାଇ ବିଜେଡିର ଦୁଇ ନେତା ଅଲଗା ଅଲଗା ସାମ୍ବାଦିକ ସମ୍ମିଳନୀ କରିଛନ୍ତି। ନୂଆ ସରକାରକୁ କଟାକ୍ଷ ଓ ନିଶାନା କରୁଛନ୍ତି ।  ଅରୁଣ ସାହୁ କହୁଛନ୍ତି, ସରକାର ବିକଳାଙ୍ଗ ଯୋଜନା କଲେ  ।  ନୂଆ ଯୋଜନାରେ ପୋଲିଓ ରୋଗ ହେଲାଣି  ।  ରାଜା ସ୍ବାଇଁ କହୁଛନ୍ତି , ଯୋଜନାରେ ଅନୁଦାନକୁ କମାଇ ଦିଆଗଲା ।  ଯାହାଫଳରେ ଗାଁରେ ଅସନ୍ତୋଷ ବଢିଲାଣି ।

ବିଜେଡି ରାଜନୀତିରେ ରାଜା ସ୍ବାଇଁ ଓ ଅରୁଣ ସାହୁ ହେଉଛନ୍ତି ଗୁରୁ ଶିଷ୍ୟ  ।  ହେଲେ ଦୁଇ ନେତା କାହିଁକି ଭିନ୍ନ ଭିନ୍ନ ପ୍ରେସମିଟ କରିଥିଲେ? କାହାର ପ୍ରେସମିଟକୁ ମୋହର ମାରିଥିଲେ ବିଜେଡି ସୁପ୍ରିମୋ ନବୀନ ପଟ୍ଟନାୟକ?  ସରକାରଙ୍କୁ ଘେରୁ ଘେରୁ ଦୁଇଫାଳ ହୋଇଗଲା କି ବିଜେଡି ?  ଗଣମାଧ୍ୟମ କାହା ପ୍ରେସମିଟକୁ ଗ୍ରହଣ କରିବେ  ?  ଏଭଳି କିଛି ପ୍ରଶ୍ନ ଏବେ ରାଜନତୈକି ମହଲରେ ଚର୍ଚ୍ଚାର ବିଷୟ ପାଲଟିଛି  ।   ଚର୍ଚ୍ଚା ହେଉଛି, ନିର୍ବାଚନ ହାରିବା ପରେ ବିଜେଡିରେ ସମନ୍ବୟର ଅଭାବ ରହିଛି ?