ସାଉଦିର ଶିକ୍ଷା ବ୍ୟବସ୍ଥାରେ ବଡ଼ ପରିବର୍ତ୍ତନ: ସ୍କୁଲ ପାଠ୍ୟକ୍ରମରୁ 'ଇସ୍ରାଏଲ ବିରୋଧୀ ଶିକ୍ଷା' ବାଦ୍‌

ନୂଆଦିଲ୍ଲୀ: ସାଉଦି ଆରବର ଶିକ୍ଷା ବ୍ୟବସ୍ଥାରେ ଦେଖିବାକୁ ଏକ ବଡ଼ ପରିବର୍ତ୍ତନ। ସାଉଦି ସ୍କୁଲ ପାଠ୍ୟକ୍ରମରୁ ଇସ୍ରାଏଲ ବିରୋଧୀ ଶିକ୍ଷା ତଥା ପାଠ୍ୟକ୍ରମକୁ କମାଇ ଦିଆଯାଇଛି। କୁହାଯାଉଛି ଯେ ନିକଟ ଅତୀତରେ ଇସ୍ରାଏଲ୍ ଏବଂ ସାଉଦି ମଧ୍ୟରେ ସମ୍ପର୍କ ସୁଦୃଢ ହୋଇଛି, ଯାହା ପରେ ଏହି ପରିବର୍ତ୍ତନ ଦେଖାଯାଉଛି। ଏକ ନୂତନ ଅଧ୍ୟୟନରୁ ଜଣାପଡିଛି ଯେ ସାଉଦି ଇସ୍ରାଏଲ ବିରୋଧୀ ସାମଗ୍ରୀକୁ ପାଠ୍ୟ ପୁସ୍ତକରୁ ହଟାଇ ଦେଇଛି। 

ଲଣ୍ଡନ ଇନଷ୍ଟିଚ୍ୟୁଟ୍ ଫର ମନିଟରିଂ ପିସ୍ ଏବଂ କଲଚର୍ ସ୍କୁଲ ଏଡୁକେସନ୍ (IMPACT-SE) ଦ୍ୱାରା ଏହି ଯାଞ୍ଚ କରାଯାଇଛି। ୟୁନେସ୍କୋ ମାନକ ଅନୁଯାୟୀ ଶାନ୍ତି ଏବଂ ସହନଶୀଳତାକୁ ପ୍ରୋତ୍ସାହିତ କରିବା ପାଇଁ ଏହି ଅନୁଷ୍ଠାନ ବିଶ୍ୱର ବିଭିନ୍ନ ସ୍ଥାନରୁ ପାଠ୍ୟପୁସ୍ତକ ଉପରେ ବିଶ୍ଳେଷଣ କରେ।

ସାଂପ୍ରତିକ ବର୍ଷଗୁଡିକରେ ସାଉଦି ପାଠ୍ୟପୁସ୍ତକରୁ ହିଂସାତ୍ମକ ଏବଂ ବିରୋଧୀ ସାମଗ୍ରୀକୁ ହଟାଇବା ପାଇଁ ଅନୁଷ୍ଠାନ ଅନେକ ରିପୋର୍ଟ ପ୍ରକାଶ କରିଛି। ବର୍ତ୍ତମାନ ସୁଦ୍ଧା, ଏହାକୁ ସମ୍ପୂର୍ଣ୍ଣ ରୂପେ ହଟାଯାଇ ନାହିଁ। ଯାଞ୍ଚରୁ ଦର୍ଶାଯାଇଛି ଯେ ସାଉଦିର ହାଇସ୍କୁଲରୁ ସାମାଜିକ ବିଜ୍ଞାନ ପୁସ୍ତକ ପାଠ୍ୟକ୍ରମରୁ କିଛିଟା ଅପସାରିତ ହୋଇଛି, ଯେଉଁଥିରେ ଇସ୍ରାଏଲ୍ ବିରୋଧୀ ତଥ୍ୟ ରହିଛି। IMPACT-SE ଅନୁଯାୟୀ, ସାଉଦିରେ ଇସ୍ରାଏଲ୍ ଏବଂ ଜିଓନିଜିମର ଫଟୋ ପରିବର୍ତ୍ତନ କରାଯାଇଛି।