ସାରା ଦେଶରେ ଅମୁଲ କ୍ଷୀର ମହଙ୍ଗା, ଲିଟର ପିଛା ବଢିଲା ଏତେ ଟଙ୍କା

ନୂଆଦିଲ୍ଲୀ ୦୩/୦୬: ମାସ ଆରମ୍ଭରୁ ଗ୍ରାହକଙ୍କୁ ଝଟ୍‌କା । ବଢିଲା ଅମୁଲ କ୍ଷୀରର ମୂଲ୍ୟ । ଲିଟର ପିଛା ୨ ଟଙ୍କା ବୃଦ୍ଧି କରିଛନ୍ତି ସରକାର । ଅମୁଲ ଗୋଲ୍ଡ, ଅମୁଲ ଶକ୍ତି, ଅମୁଲ ଚା ସ୍ପେଶାଲ କ୍ଷୀରର ମୂଲ୍ୟ ବୃଦ୍ଧି ହୋଇଛି । ବର୍ତ୍ତମାନ ଅମୁଲ ଗୋଲ୍ଟ ମୂଲ୍ୟ ଲିଟର ପିଛା ୬୪ରୁ ୬୬ ଟଙ୍କା ବୃଦ୍ଧି ପାଇଛି । 

ଯେଉଁଠାରେ ଅମୁଲ ଚା ସ୍ପେସିଆଲର ମୂଲ୍ୟ ଲିଟର ପିଛା ୬୨ ରୁ ୬୪ ଟଙ୍କା ବୃଦ୍ଧି ପାଇଛି । ଅମୁଲ ପକ୍ଷରୁ ଏ ବାବଦରେ କୁହାଯାଇଛି ଯେ ବର୍ଦ୍ଧିତ ମୂଲ୍ୟ କେବଳ ୩ ରୁ ୪ % ବୃଦ୍ଧି ହୋଇଛି ।  ଯାହା ଖାଦ୍ୟ ମୁଦ୍ରାସ୍ଫୀତିଠାରୁ ବହୁତ କମ୍ ଅଟେ । ଫେବୃଆରୀ ୨୦୨୩ ଠାରୁ ମୂଲ୍ୟ ବୃଦ୍ଧି ହୋଇନଥିଲା । ତେଣୁ ବୃଦ୍ଧି ଆବଶ୍ୟକ ଥିଲା । 

ଦୁଗ୍ଧ ଉତ୍ପାଦନ ଏବଂ କାର୍ଯ୍ୟ ମୂଲ୍ୟ ବୃଦ୍ଧି ହେତୁ ମୂଲ୍ୟ ବୃଦ୍ଧି କରାଯାଇଛି ବୋଲି ଅମୁଲ ଦାବି କରିଛନ୍ତି । ଗତ ବର୍ଷ ଅମୁଲଙ୍କ ଦୁଗ୍ଧ ୟୁନିଅନ ଚାଷୀଙ୍କ ମୂଲ୍ୟ ହାରାହାରି ୬-୮% ବୃଦ୍ଧି କରିଥିଲା। ଅମୁଲଙ୍କ ନୀତି ଅନୁଯାୟୀ, ଗ୍ରାହକଙ୍କ ଦ୍ୱାରା ପ୍ରଦାନ କରାଯାଇଥିବା ୧ ଟଙ୍କା ମଧ୍ୟରୁ ୮୦ ପଇସା କ୍ଷୀର ଉତ୍ପାଦନକାରୀଙ୍କ ନିକଟକୁ ଯାଇଥାଏ । 

ଏହା ବ୍ୟତୀତ ଦହିର ମୂଲ୍ୟ ମଧ୍ୟ ବୃଦ୍ଧି ପାଇଛି । ଏ ବାବଦରେ ଅମୁଲଙ୍କ ଦ୍ୱାରା କୌଣସି ସରକାରୀ ସୂଚନା ଦିଆଯାଇ ନାହିଁ, କିନ୍ତୁ ଗୁଜୁରାଟ କୋଅପରେଟିଭ୍ ମିଲ୍କ ମାର୍କେଟିଂ ଫେଡେରେସନ୍ (ଜିସିଏମ୍ଏମ୍ଏଫ୍) ଏହାର ବିତରକମାନଙ୍କ ନିକଟରେ ନୂତନ ମୂଲ୍ୟ ସହିତ ଏକ ତାଲିକା ପଠାଇଛି, ଯେଉଁ କାରଣରୁ ଏହି ଖବର ସାମ୍ନାକୁ ଆସିଛି ।