ସିଏମ୍‌ ସିଦ୍ଦରମୈୟାଙ୍କ ସୁରକ୍ଷା ବ୍ୟବସ୍ଥାରେ ବଡ଼ ତ୍ରୁଟି: ଷ୍ଟେଜ ଉପରକୁ ଚଢ଼ିଗଲେ ଅଜଣା ବ୍ୟକ୍ତି

ବେଙ୍ଗାଲୁରୁ: କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଦରମୈୟାଙ୍କ ସୁରକ୍ଷା ବ୍ୟବସ୍ଥାରେ ବଡ଼ ତ୍ରୁଟି। ବେଙ୍ଗାଲୁରୁରେ ଆୟୋଜିତ ଏକ କାର୍ଯ୍ୟକ୍ରମରେ ଜଣେ ବ୍ୟକ୍ତି ହଠାତ୍ ମଞ୍ଚ ଉପରକୁ ଚଢ଼ିଯାଇଥିଲେ। କୁହାଯାଉଛି ଯେ ଏହି ସମୟ ମଧ୍ୟରେ ସିଏମ ସିଦ୍ଧରମୈୟା ମଧ୍ୟ ମଞ୍ଚରେ ଉପସ୍ଥିତ ଥିଲେ। ଜଣେ ଅଜ୍ଞାତ ବ୍ୟକ୍ତି ମୁଖ୍ୟମନ୍ତ୍ରୀଙ୍କ ନିକଟରେ ପହଞ୍ଚିବାକୁ ଚେଷ୍ଟା କରୁଥିଲେ। 

ତେବେ ସୁରକ୍ଷା କର୍ମୀମାନେ ତାଙ୍କୁ ଠିକ୍ ସମୟରେ ଅଟକାଇଥିଲେ। ବର୍ତ୍ତମାନ ସେହି ବ୍ୟକ୍ତିଙ୍କ ବିଷୟରେ କୌଣସି ସୂଚନା ପ୍ରକାଶ କରାଯାଇ ନାହିଁ କିମ୍ବା ସେ କେଉଁ ଉଦ୍ଦେଶ୍ୟରେ ମଞ୍ଚ ଉପରକୁ ଯାଇଛନ୍ତି ତାହା ସ୍ପଷ୍ଟ ହୋଇନାହିଁ। 

ସୁରକ୍ଷା କର୍ମୀ ସନ୍ଦିଗ୍ଧ ବ୍ୟକ୍ତିଙ୍କୁ ଧରି ପୋଲିସକୁ ହସ୍ତାନ୍ତର କରିଥିଲେ। ପୋଲିସ ତାଙ୍କୁ ଗିରଫ କରି ଯୁବକଙ୍କୁ ପଚରାଉଚରା କରୁଛି। ଅନ୍ୟପକ୍ଷରେ, ଏହା ପରେ କାର୍ଯ୍ୟକ୍ରମ ଜାରି ରହିଥିଲା।