ସିନ୍ଦ୍ ନଦୀରେ ଓଲଟିଲା କାର ; ୪ ମୃତ, ୨ ନିଖୋଜ

ନୂଆଦିଲ୍ଲୀ ୨୯।୦୪: ରବିବାର ସନ୍ଧ୍ୟାରେ ଜାମ୍ମୁ କାଶ୍ମୀରରେ ଏକ ବଡ଼ ଦୁର୍ଘଟଣା ଘଟିଛି। ସିନ୍ଦ୍‌ ନଦୀରେ ଏକ ଟ୍ରାଭେରା ଗାଡି ଓଲଟି ପଡିଥିଲା। ସୂଚନା ଅନୁଯାୟୀ,୩ ଜଣଙ୍କୁ ଉଦ୍ଧାର କରାଯାଇଥିବା ବେଳେ, ୪ ଜଣଙ୍କର ମୃତ୍ୟୁ ହୋଇଛି ଏବଂ ୨ଜଣ ନିଖୋଜ ଅଛନ୍ତି। ବର୍ତ୍ତମାନ, NDRF ଏବଂ SDRF ର ଉଦ୍ଧାରକାରୀ ଦଳ ଲୋକଙ୍କୁ ଉଦ୍ଧାର କରିବାରେ ବ୍ୟସ୍ତ ଅଛନ୍ତି । କୁହାଯାଉଛି ଯେ ନଦୀରେ ଖସିପଡିଥିବା ବେଳେ ଟ୍ରାଭେରାରେ ୯ଜଣ ଲୋକ ବସିଥିଲେ। ବର୍ତ୍ତମାନ ନିଖୋଜ ଲୋକଙ୍କୁ ଉଦ୍ଧାର କରିବା ପାଇଁ ଉଦ୍ୟମ ଚାଲିଛି।

ସୂଚନା ଅନୁଯାୟୀ, ଜାମ୍ମୁ କାଶ୍ମୀରର ଏହି ସମଗ୍ର ବିଷୟ ସୋନମାର୍ଗର ଅଟେ। ଏଠାରେ ଗାଙ୍ଗଙ୍ଗିର ଅଞ୍ଚଳରେ ଶ୍ରୀନଗର-ଲେ ରାଜପଥର ସିନ୍ଧ ନଦୀକୁ ଏକ ଟ୍ରାଭେରା ଗାଡି ଓଲଟି ପଡିଥିଲା। ପ୍ରଶାସନିକ ଅଧିକାରୀମାନେ ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ଉଦ୍ଧାରକାରୀ ଦଳକୁ ତୁରନ୍ତ ଘଟଣାସ୍ଥଳକୁ ପଠାଯାଇଥିଲା। ଅପରାହ୍ନରେ ଆରମ୍ଭ ହୋଇଥିବା ଉଦ୍ଧାର କାର୍ଯ୍ୟରେ ୩ଜଣଙ୍କୁ ସୁରକ୍ଷିତ ଭାବେ ପାଣିରୁ ବାହାର କରାଯାଇଛି। ଏବଂ ୯ ଜଣ ଯାତ୍ରୀଙ୍କ ମଧ୍ୟରୁ ୨ଜଣ ନିଖୋଜ ଥିବା ଜଣାପଡିଛି। ଉଦ୍ଧାର କାର୍ଯ୍ୟ ପାଇଁ ପୋଲିସ ଟିମ୍, ଆସାମ ରାଇଫଲ୍ସ କର୍ମଚାରୀ, ଟ୍ରାଫିକ୍ ଗ୍ରାମୀଣ ପୋଲିସ, ସ୍ଥାନୀୟ ପ୍ରଶାସନିକ ଅଧିକାରୀ, SDRF ଏବଂ NDRF ଘଟଣାସ୍ଥଳରେ ପହଞ୍ଚିଛନ୍ତି। ଏତଦ୍ ବ୍ୟତୀତ ଉଦ୍ଧାର କାର୍ଯ୍ୟରେ କିଛି ସ୍ଥାନୀୟ ଲୋକ ମଧ୍ୟ ସାମିଲ ହୋଇଥିଲେ।