ସିରିଆରୁ ଫେରିବେ ଭାରତୀୟ ସେନା

ନୂଆଦିଲ୍ଲୀ,୯।୧୨: ମିଳିତ ଜାତିସଂଘ ୧୯୭୪ରେ ଗୋଲାନ ହାଇଟ୍ସରେ ସିରିଆ ଏବଂ ଇସ୍ରାଏଲ ମଧ୍ୟରେ ଏକ ବଫର୍‌ ଜୋନ ସୃଷ୍ଟି କରି ବ୍ଲୁ ଲାଇନ ଏବଂ ରେଡ ଲାଇନ ଅଙ୍କନ କରିଥିଲା । ସିରିଆ ଏବଂ ଇସ୍ରାଏଲ ସୀମାରେ ଅସ୍ତ୍ରବିରତି ଚୁକ୍ତି କାର୍ଯ୍ୟକାରୀ ହୋଇଛି। ସିରିଆରେ ଆସାଦ ସରକାରଙ୍କ ପତନ ପରେ ସିରିଆ ସେନା ନିଜର ପଦବୀ ଖାଲି କରିଛି। ଏହି ସମୟରେ, ଇସ୍ରାଏଲ ସୈନ୍ୟ ୫୦ ବର୍ଷ ଧରି ସୃଷ୍ଟି ହୋଇଥିବା ବଫର୍‌ ଜୋନରେ ନିଜର ସୈନ୍ୟ ପଠାଇ ଏହି ଅଞ୍ଚଳକୁ କାବୁ କରି ନେଇଛନ୍ତି। ଏପରି ପରିସ୍ଥିତିରେ,୫୦ ବର୍ଷ ପୁରୁଣା ଅସ୍ତ୍ରବିରତି ଚୁକ୍ତିନାମାକୁ ଏକପାଖିଆ ଭାବରେ ସମାପ୍ତ କରି ବଫର୍‌ ଜୋନ ନିଜେ ରଦ୍ଦ ହୋଇଯାଇଛି। ଏହାର ଅର୍ଥ ହେଉଛି, ଏକ ଉପାୟରେ ଏହା ଜାତିସଂଘର ସଂକଳ୍ପର ଉଲ୍ଲଂଘନ ବୋଲି ବିବେଚନା କରାଯିବ।
ଯେଉଁଠାରେ ସିରିଆ ସେନା ନିୟୋଜିତ ହୋଇଥିଲେ ସେହି ସିରିଆ ପୋଷ୍ଟଗୁଡ଼ିକୁ କାବୁ କରିଥିଲେ। ବର୍ତ୍ତମାନ ସେହି ଅଞ୍ଚଳରେ ଭାରତୀୟ ସେନା ମଧ୍ୟ ନିୟୋଜିତ ଅଛନ୍ତି। ସେନା ସୂତ୍ର ଅନୁଯାୟୀ, ବର୍ତ୍ତମାନ ଭାରତୀୟ ସେନାର ମୋଟ ୧୪୫ ସେନା କର୍ମଚାରୀ, ସେମାନଙ୍କ ମଧ୍ୟରେ ୧୦ ଜଣ ଅଧିକାରୀ, ୧୧ ଟି ଜେସିଓ ଏବଂ ୧୨୪ ସୈନିକ ନିୟୋଜିତ ଅଛନ୍ତି। ସୂଚନାନୁସାରେ, ବର୍ତ୍ତମାନ ଜାତିସଂଘ ଆଲର୍ଟ ଲେଭଲ କୋଡ ବ୍ଲାକ ଜାରି କରିଛି, ଅର୍ଥାତ୍‌ ଏହା ସର୍ବୋଚ୍ଚ ସ୍ତରର ଆଲର୍ଟ ଅଟେ। ସେନା ସୂତ୍ର ଅନୁଯାୟୀ, ଜାତିସଂଘର କଣ୍ଟିଜେନ୍ସି ଯୋଜନା ପ୍ରସ୍ତୁତ ଏବଂ ବର୍ତ୍ତମାନ ଜାତିସଂତ୍ୱେଟ ଆଣ୍ଡ ଓ୍ବାଚ ସ୍ଥିତିରେ ଅଛି। ଜାତିସଂଘର ନିର୍ଦ୍ଦେଶ ଅନୁଯାୟୀ ସେହି ବଫର୍‌ ଜୋନ ସୁରକ୍ଷିତ କରିବା ଭାରତୀୟ ସେନାର ଦାୟିତ୍ୱ ଅଟେ। ଜାତିସଂଘର ନିଷ୍ପତ୍ତି ପରେ ହିଁ ମିଶନର ପରବର୍ତ୍ତୀ କାର୍ଯ୍ୟ ସେଠାରୁ ସ୍ଥିର ହେବ।

The post ସିରିଆରୁ ଫେରିବେ ଭାରତୀୟ ସେନା appeared first on Dharitri Odia News.