ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ସିବିଆଇର କ୍ଲୋଜିଂ ରିପୋର୍ଟ…

ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ସହିତ ଜଡିତ ମାମଲାକୁ ସିବିଆଇ ବନ୍ଦ କରିଦେଇଛି। ସୂତ୍ର ଅନୁସାରେ, ତଦନ୍ତକାରୀ ସଂସ୍ଥା ମୁମ୍ବାଇର ଏକ କୋର୍ଟରେ ଏହାର କ୍ଲୋଜିଂ ରିପୋର୍ଟ ଦାଖଲ କରିଛି।

ରିପୋର୍ଟରେ କୁହାଯାଇଛି ଯେ ସୁଶାନ୍ତଙ୍କ ମୃତ୍ୟୁରେ କୌଣସି ପ୍ରକାରର ଷଡ଼ଯନ୍ତ୍ର କିମ୍ବା ଅପରାଧିକ ଷଡ଼ଯନ୍ତ୍ରର ପ୍ରମାଣ ମିଳିନାହିଁ।
ତେବେ ୧୪ ଜୁନ୍ ୨୦୨୦ରେ, ସୁଶାନ୍ତ ସିଂହ ରାଜପୁତ ତାଙ୍କ ବାନ୍ଦ୍ରା ଫ୍ଲାଟରେ ମୃତ ଅବସ୍ଥାରେ ମିଳିଥିଲେ। ତାଙ୍କ ମୃତ୍ୟୁ ସମଗ୍ର ଦେଶରେ ଏକ ଚାଞ୍ଚଲ୍ୟ ସୃଷ୍ଟି କରିଥିଲା।​

ଏହି ମାମଲାର ତଦନ୍ତ ମୁମ୍ବାଇ ପୋଲିସ କରିଥିବା ବେଳେ ପରେ ସିବିଆଇ ପାଖରେ ପହଞ୍ଚିଥିଲା। ମୁମ୍ବାଇର କୁପର ହସ୍ପିଟାଲରେ କରାଯାଇଥିବା ପୋଷ୍ଟମର୍ଟମରେ ମୃତ୍ୟୁର କାରଣ ଶ୍ୱାସରୁଦ୍ଧ ବୋଲି କୁହାଯାଇଥିଲା।

The post ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ସିବିଆଇର କ୍ଲୋଜିଂ ରିପୋର୍ଟ… appeared first on Odisha.News.