ସୋନାକ୍ଷୀଙ୍କୁ ପ୍ରଶଂସାରେ ପୋତି ପକାଇଛନ୍ତି ସଞ୍ଜୟ ଲୀଲା ଭନସାଲୀ, କହିଲେ-ତାଙ୍କ ଅଭିନୟରେ ଦମ୍ ଅଛି

ମୁମ୍ଵାଇ ୦୩।୦୬: ନେଟ୍‌ଫ୍ଲିକ୍ସରେ ସଞ୍ଜୟ ଲୀଲା ଭନ୍‌ସାଲିଙ୍କ ୱେବ୍‌ ସିରିଜ୍‌ ‘ହୀରାମଣ୍ଡି:  ଦ ଡାଏମଣ୍ଡ ବାଜାର’ ସବୁଠି ଲୋକପ୍ରିୟତା ହାସଲ କରିଛି । ଏଥିରେ ବେଶ୍‌ ଖୁସି ପ୍ରକଟ କରିଛନ୍ତି ନିର୍ଦ୍ଦେଶକ । ଏହି ଖୁସିରେ ସେ ଅଭିନେତ୍ରୀ  ସୋନାକ୍ଷୀ ସିହ୍ନାଙ୍କୁ ଖୁବ୍‌ ପ୍ରଶଂସା କରିଛନ୍ତି। ସୋନାକ୍ଷୀଙ୍କ ଷ୍ଟାର୍‌ ପାୱାର ଓ ଆକର୍ଷଣୀୟ ପ୍ରଦର୍ଶନକୁ ଖୁବ୍‌  ପ୍ରଶଂସା କରି ତାଙ୍କ କାମକୁ ମଧ୍ୟ ପ୍ରଶଂସାରେ  ପୋତି ପକାଇଛନ୍ତି ସଞ୍ଜୟ । 

ସେ କହିଛନ୍ତି,  ସୋନାକ୍ଷୀଙ୍କ ଆକର୍ଷଣୀୟ ପ୍ରଦର୍ଶନ,  ଜବରଦସ୍ତ ଷ୍ଟାର ପାୱାର କାରଣରୁ  ତାଙ୍କ ସହ କାମ କରିବାକୁ ଚାହୁଁଥିଲି । ସୋନାକ୍ଷୀଙ୍କ ଆଖିରେ, ଚାଲିରେ,  ସଂଳାପ କହିବାରେ କେବେ ନ ଲିଭିବା  ଭଳି ନିଆଁ ରହିଛି । ସେ ବାସ୍ତବରେ  ବଲିଉଡ ଭାରତୀୟ ସିନେମା,  ମୁଖ୍ୟସ୍ରୋତର ବେଷ୍ଟ ଷ୍ଟାର ।  ବିଲକୁଲ ବୈଜୟନ୍ତୀମାଲା ଓ  ଶ୍ରୀଦେବୀଙ୍କ ଭଳି ସୋନାକ୍ଷୀ ମଧ୍ୟ  ଷ୍ଟାରଡମ୍‌ ଓ ଆକର୍ଷଣୀୟ ଉଚ୍ଚତାର । ସେ   ଜଣେ ଖୁବ୍‌ ସୁନ୍ଦର ଝିଅ ।’ଏହି ୱେବ ସିରିଜ୍‌ରେ ସୋନାକ୍ଷୀଙ୍କ  ଚରିତ୍ରଟି ଏଭଳି, ଯାହା ‘ହୀରାମଣ୍ଡି: ଦ ଡାଏମଣ୍ଡ   ବାଜାର’ର ମୁଖ୍ୟ କାହାଣୀକୁ ଗତିଶୀଳ କରେ । 

ସମୀକ୍ଷକ  ଓ ଦର୍ଶକ ସୋନାକ୍ଷୀଙ୍କ ଡବଲ୍‌ ରୋଲ୍‌ ଓ ତାଙ୍କର  ରହସ୍ୟମୟ, ଦମ୍‌ଦାର ସ୍କ୍ରିନ୍‌ ପ୍ରେଜେନ୍ସରେ ମନ୍ତ୍ରମୁଗ୍ଦ  ହୋଇପଡ଼ିଛନ୍ତି । ସୂଚନାଯୋଗ୍ୟ, ଭନ୍‌ସାଲିଙ୍କ ଏହି   ୱେବ୍‌ ସିରିଜ୍‌ ଆରମ୍ଭ ଦିନରୁ ଆଜିଯାଏଁ ବେଶ୍‌ ଚର୍ଚ୍ଚାରେ  ରହିଛି । ଏହାର ସୁଟିଂ ପଛର କଥା ମଧ୍ୟ ସୋସିଆଲ  ମିଡିଆରେ ଭାଇରାଲ୍‌ ହେଉଛି । ଯେମିତିକି ରୁଚା  ଚଢ୍‌ଢା ଥରେ କହିଥିଲେ ଯେ ମଦ୍ୟପାନ ଦୃଶ୍ୟକୁ  ଜୀବନ୍ତ କରିବା ପାଇଁ ସେ ନିଜେ ଅଳ୍ପ ମଦ  ପିଇଥିଲେ । କିନ୍ତୁ ଅସଲ ଜୀବନରେ ସେ କେବେ  ମଦ୍ୟପାନ କରନ୍ତି ନାହିଁ ।