ହକିରେ ଭାରତର ଦମଦାର ପ୍ରଦର୍ଶନ, ୨ ମ୍ୟାଚ ବାକିଥାଇ କ୍ୱାଟର ଫାଇନାଲରେ ପ୍ରବେଶ

ପ୍ୟାରିସ,୩୧।୭: ପ୍ୟାରିସ ଅଲିମ୍ପିକ୍ସରେ ଦମଦାର ପ୍ରଦର୍ଶନ ସହ ଭାରତୀୟ ହକି ଦଳ କ୍ୱାର୍ଟର ଫାଇନାଲରେ ପ୍ରବେଶ କରିଛି। ଟିମ ଇଣ୍ଡିଆ ମଧ୍ୟ ଏହାର ଗ୍ରୁପ ବିରେ ଶେଷ ୮ରେ ସ୍ଥାନ ପାଇଥିବା ପ୍ରଥମ ଦଳ ହୋଇପାରିଛି। ଭାରତ ଏପର୍ଯ୍ୟନ୍ତ ତିନୋଟି ମ୍ୟାଚ ଖେଳିଛି, ସେଥିମଧ୍ୟରୁ ଦୁଇଟି ଜିତିଛି ଏବଂ ଗୋଟିଏ ଡ୍ର ରହିଛି। ଭାରତ ବ୍ୟତୀତ ବେଲଜିୟମ ଦଳ ମଧ୍ୟ କ୍ୱାର୍ଟର ଫାଇନାଲରେ ପ୍ରବେଶ କରିଛି।

ଭାରତ ବ୍ୟତୀତ ବେଲଜିୟମ, ଅଷ୍ଟ୍ରେଲିଆ, ଆର୍ଜେଣ୍ଟିନା, ନ୍ୟୁଜିଲ୍ୟାଣ୍ଡ ଏବଂ ଆୟର୍ଲାଣ୍ଡର ଦଳ ବି ପ୍ୟାରିସ ଅଲିମ୍ପିକ୍ସ ୨୦୨୪ରେ ଅଛନ୍ତି। ଏହି ଦଳ ମଧ୍ୟରେ ଭାରତୀୟ ଦଳ ଆୟର୍ଲାଣ୍ଡ ଏବଂ ନ୍ୟୁଜିଲ୍ୟାଣ୍ଡକୁ ପରାସ୍ତ କରିଛି। ଆର୍ଜେଣ୍ଟିନା ସହିତ ଏହାର ମ୍ୟାଚ ୧-୧ ଗୋଲରେ ଡ୍ର ହୋଇଥିଲା। ଭାରତ ବର୍ତ୍ତମାନ ୩ ଟି ମ୍ୟାଚରୁ ୭ ପଏଣ୍ଟ ପାଇଛି।
ମଙ୍ଗଳବାର ଆୟର୍ଲାଣ୍ଡକୁ ୨-୦ରେ ପରାସ୍ତ କରି ଭାରତ ୩ ପଏଣ୍ଟ ହାସଲ କରିଛି। ଏହା ସହ ସେ ୭ ପଏଣ୍ଟ ସହ ଦଳର ଶୀର୍ଷରେ ପହଞ୍ଚିଥିଲେ । ଭାରତର ବିଜୟର ପ୍ରାୟ ୪ଘଣ୍ଟା ପରେ ଆର୍ଜେଣ୍ଟିନା ନ୍ୟୁଜିଲ୍ୟାଣ୍ଡକୁ ୨-୦ରେ ପରାସ୍ତ କରିଛି। ଏହା ନ୍ୟୁଜିଲ୍ୟାଣ୍ଡର ତୃତୀୟ ପରାଜୟ ଥିଲା। ଆୟର୍ଲାଣ୍ଡ ମଧ୍ୟ ୩ ଟି ମ୍ୟାଚ ହାରିଛି। ୩-୩ ମ୍ୟାଚ ହାରିବା ସହିତ ନିଷ୍ପତ୍ତି ନିଆଗଲା ଯେ ନ୍ୟୁଜିଲ୍ୟାଣ୍ଡ ଏବଂ ଆୟର୍ଲାଣ୍ଡ ବର୍ତ୍ତମାନ ସର୍ବାଧିକ ୭ପଏଣ୍ଟ ସ୍କୋର କରିପାରିବେ, ଯାହା ଭାରତଠାରୁ କମ ହେବ।

The post ହକିରେ ଭାରତର ଦମଦାର ପ୍ରଦର୍ଶନ, ୨ ମ୍ୟାଚ ବାକିଥାଇ କ୍ୱାଟର ଫାଇନାଲରେ ପ୍ରବେଶ appeared first on Dharitri Odia News.