ହାଣ୍ଡିଶାଳରୁ ଉଭାନ ଦରକାରୀ ପରିବା, ଗ୍ରାହକଙ୍କୁ କଷଣ ଦେଉଛି ଦର
ଭୁବନେଶ୍ୱର,୦୭/୦୯: ହାଣ୍ଡିଶାଳର ଦରକାରୀ ପଦାର୍ଥଟିଏ ରସୁଣ । ତରକାରୀ ପାଇଁ ହେଉ କି କଞ୍ଚା ଖାଇବା ଏବଂ ଓଷଧ ପାଇଁ ହେଉ ଖୋଜାପଡ଼େ ରସୁଣ । ମାତ୍ର ଏହି ରସୁଣ କିଲୋ ୪ଶହ ଛୁଇଁଲାଣି । ଖୁଚୁରା ବଜାରରେ ଅଢ଼େଇ ଶହ ଗ୍ରାମକୁ ପଡ଼ୁଛି ୧୦୦ ଟଙ୍କା । ତେଣୁ ଗ୍ରାହକ ବାଧ୍ୟ ହୋଇ ଶହେ, ଦେଢ଼ଶହ ଗ୍ରାମ କିଣି ଚଳାଇ ଦେଉଛନ୍ତି । କେବଳ ଭୁବନେଶ୍ୱର ନୁହେଁ, ସାରା ରାଜ୍ୟରେ ଏବେ ରସୁଣକୁ ନେଇ କଷଣ ବଢ଼ିଚାଲିଛି । ଅପରପକ୍ଷେ, ପିଆଜ ଓ ଅଦା ଦର ମଧ୍ୟ ଉଚ୍ଚା ରହିଛି । ଗତ ମାସେ ହେବ ପିଆଜ କିଲୋ ୫୫ରୁ ୬୦ ଓ ଅଦା କିଲୋ ୨୦୦ ଟଙ୍କା ରହିଛି । ସେହିପରି ପରିବା ଦର କଥା ନକହିବା ଭଲ । ପ୍ରାୟ ସବୁ ପରିବା କିଲୋ ୫୦ରୁ ୬୦ । ଆଳୁ କିଲୋ କେତେବେଳେ ୩୦ ତ ଆଉ କେତେବେଳେ ୩୫ଟଙ୍କା ହେଉଛି । ପାର୍ବଣ ଋତୁ ଆରମ୍ଭ ହୋଇଗଲା । ଚାରିଆଡ଼େ ପୂଜାର୍ଚ୍ଚନା ସହିତ ଭୋଜିଭାତ ଆସର ଜମେ । ହେଲେ ଦରଦାମ୍ର ଏଭଳି ସ୍ଥିତିରେ ଭୋଜି କଥା ଚିନ୍ତା କଲାବେଳକୁ ଡର ମାଡ଼ୁଛି । ବିଶେଷକରି, ଆଳୁ ସହ ପିଆଜ, ରସୁଣ ଓ ଅଦା ଗ୍ରାହକଙ୍କୁ ଅଧିକ କଷ୍ଟ ଦେଉଛି । ପିଆଜ କଥା ଯଦି ଦେଖିବା, ଆମ ରାଜ୍ୟରେ ଦୈନିକ ୧୫ଶହରୁ ୧୬ଶହ ଟନ୍ ପିଆଜ ଆବଶ୍ୟକ ପଡ଼େ । କେବଳ ଭୁବନେଶ୍ୱରରେ ୩ଶହ ଟନ୍ ପିଆଜ ଦରକାର । ବର୍ଷା ଋତୁ ବେଳେ ନାସିକ୍ ଓ ଆନ୍ଧ୍ରପ୍ରଦେଶର କାଡା଼ପଲ୍ଲିଗୁଡେମ୍ରୁ ନୂଆ ବଡ଼ ପିଆଜ ଉତ୍ପାଦନ ହୋଇଥାଏ । ତେଣୁ ନାସିକ ସହ ଆନ୍ଧ୍ରପ୍ରଦେଶରୁ ଆସୁଥିବା ପିଆଜ ଆମର ଚ
ଭୁବନେଶ୍ୱର,୦୭/୦୯: ହାଣ୍ଡିଶାଳର ଦରକାରୀ ପଦାର୍ଥଟିଏ ରସୁଣ । ତରକାରୀ ପାଇଁ ହେଉ କି କଞ୍ଚା ଖାଇବା ଏବଂ ଓଷଧ ପାଇଁ ହେଉ ଖୋଜାପଡ଼େ ରସୁଣ । ମାତ୍ର ଏହି ରସୁଣ କିଲୋ ୪ଶହ ଛୁଇଁଲାଣି । ଖୁଚୁରା ବଜାରରେ ଅଢ଼େଇ ଶହ ଗ୍ରାମକୁ ପଡ଼ୁଛି ୧୦୦ ଟଙ୍କା । ତେଣୁ ଗ୍ରାହକ ବାଧ୍ୟ ହୋଇ ଶହେ, ଦେଢ଼ଶହ ଗ୍ରାମ କିଣି ଚଳାଇ ଦେଉଛନ୍ତି । କେବଳ ଭୁବନେଶ୍ୱର ନୁହେଁ, ସାରା ରାଜ୍ୟରେ ଏବେ ରସୁଣକୁ ନେଇ କଷଣ ବଢ଼ିଚାଲିଛି ।
ଅପରପକ୍ଷେ, ପିଆଜ ଓ ଅଦା ଦର ମଧ୍ୟ ଉଚ୍ଚା ରହିଛି । ଗତ ମାସେ ହେବ ପିଆଜ କିଲୋ ୫୫ରୁ ୬୦ ଓ ଅଦା କିଲୋ ୨୦୦ ଟଙ୍କା ରହିଛି । ସେହିପରି ପରିବା ଦର କଥା ନକହିବା ଭଲ । ପ୍ରାୟ ସବୁ ପରିବା କିଲୋ ୫୦ରୁ ୬୦ । ଆଳୁ କିଲୋ କେତେବେଳେ ୩୦ ତ ଆଉ କେତେବେଳେ ୩୫ଟଙ୍କା ହେଉଛି । ପାର୍ବଣ ଋତୁ ଆରମ୍ଭ ହୋଇଗଲା । ଚାରିଆଡ଼େ ପୂଜାର୍ଚ୍ଚନା ସହିତ ଭୋଜିଭାତ ଆସର ଜମେ । ହେଲେ ଦରଦାମ୍ର ଏଭଳି ସ୍ଥିତିରେ ଭୋଜି କଥା ଚିନ୍ତା କଲାବେଳକୁ ଡର ମାଡ଼ୁଛି ।
ବିଶେଷକରି, ଆଳୁ ସହ ପିଆଜ, ରସୁଣ ଓ ଅଦା ଗ୍ରାହକଙ୍କୁ ଅଧିକ କଷ୍ଟ ଦେଉଛି । ପିଆଜ କଥା ଯଦି ଦେଖିବା, ଆମ ରାଜ୍ୟରେ ଦୈନିକ ୧୫ଶହରୁ ୧୬ଶହ ଟନ୍ ପିଆଜ ଆବଶ୍ୟକ ପଡ଼େ । କେବଳ ଭୁବନେଶ୍ୱରରେ ୩ଶହ ଟନ୍ ପିଆଜ ଦରକାର । ବର୍ଷା ଋତୁ ବେଳେ ନାସିକ୍ ଓ ଆନ୍ଧ୍ରପ୍ରଦେଶର କାଡା଼ପଲ୍ଲିଗୁଡେମ୍ରୁ ନୂଆ ବଡ଼ ପିଆଜ ଉତ୍ପାଦନ ହୋଇଥାଏ । ତେଣୁ ନାସିକ ସହ ଆନ୍ଧ୍ରପ୍ରଦେଶରୁ ଆସୁଥିବା ପିଆଜ ଆମର ଚାହିଦା ମେଣ୍ଟାଇଥାଏ । ଏବେ ଆନ୍ଧ୍ରରେ ପ୍ରବଳ ବର୍ଷା ଯୋଗୁ ପିଆଜ ଅମଳ ବାଧାପ୍ରାପ୍ତ ହୋଇଛି । ତେଣୁ ପିଆଜ ଆସୁନଥିବାରୁ ଆମର ଏଠି ପିଆଜ ନିଅଣ୍ଟ ପଡ଼ୁଛି ।
ସେହିପରି ନାସିକ୍ରେ ପିଆଜର କୁଇଣ୍ଟାଲ ଦର ୪୩ ଶହରୁ ୪୪ଶହ ଟଙ୍କା ରହିଛି । ପରିବହନ ବାବଦରେ ୫ଶହ ଖର୍ଚ୍ଚ ହେବା ବେଳକୁ ଓଡ଼ିଶାରେ ପହଞ୍ଚିବା କ୍ଷଣି ୫୦ରେ ପିଆଜ ବିକ୍ରି କରିବାକୁ ବେପାରୀ ବାଧ୍ୟ ହେଉଛନ୍ତି । ରାଜ୍ୟରେ ବାର୍ଷିକ ୫୦ ହଜାର ଟନ୍ ଅଦା ଓ ୪୦ହଜାର ଟନ୍ ରସୁଣ ଆବଶ୍ୟକ । ଓଡ଼ିଶାରେ ରସୁଣ ଉତ୍ପାଦନ ହେଉନଥିବାରୁ କାନପୁର ଓ ଗୁଜରାଟରୁ ରସୁଣ ଆସୁଥିବା ବେଳେ କୋରାପୁଟ, ବାଙ୍ଗାଲୋର ଓ ସିମିଳିଗୁଡ଼ାରୁ ଅଦା ଆସେ ।
ତେବେ ବର୍ଷା ଦିନେ ଅଦା, ରସୁଣ ଦର ସାଧାରଣତଃ ଅଧିକ ରହେ ବୋଲି ବ୍ୟବସାୟୀମାନେ କହୁଛନ୍ତି । ରାଜଧାନୀ ବ୍ୟତୀତ କଟକରେ ରସୁଣ ଦର ମଧ୍ୟ ୩୬୦ରୁ ୩୮୦ ଟଙ୍କା ରହିଥିଲା । ବଲାଙ୍ଗିରରେ ଅଦା ଦର ୧୬୦, ରସୁଣ ଦର ୩୨୦ ଓ ପିଆଜ ଦର ୬୦ ଟଙ୍କା ଥିବା ବେଳେ ସମ୍ବଲପୁରରେ ରସୁଣ ୩୬୦, ଅଦା ୨୬୦ ଟଙ୍କା ଥିଲା । ରାଉରକେଲାରେ ରସୁଣ ୩୦୦ ଓ ଅଦା ୧୭୦ ସହ ନବରଙ୍ଗପୁରରେ ଅଦା କିଲୋ ୧୬୦, ରସୁଣ ୨୮୦ରୁ ୩୦୦ ଓ ପିଆଜ କିଲୋ ୫୫ଟଙ୍କା ଥିଲା ।
ଏନେଇ କଟକ ଛତ୍ରବଜାରର ବରିଷ୍ଠ ବ୍ୟବସାୟୀ ଦେବରାଜ ସାହୁ କହିଛନ୍ତି, ରସୁଣର ପାଇକାରୀ ଦର କଟକରେ ୩ ଶହ ଟଙ୍କା ରହିଛି । ପୂର୍ବରୁ ଆମେ ଗୁଜରାଟରୁ ରସୁଣ ଆଣୁଥିଲୁ । ହେଲେ ବର୍ଷା ଯୋଗୁ ଏବେ ମଧ୍ୟପ୍ରଦେଶ ଉପରେ ନିର୍ଭର କରିବାକୁ ପଡ଼ୁଛି । ସେଠାରେ ଦର ଅଧିକ ଥିବାରୁ ପ୍ରଭାବ ସିଧାସଳଖ ଓଡ଼ିଶା ଉପରେ ପଡ଼ୁଛି ।
ଜାନୁଆରୀ ବେଳକୁ ନୂଆ ରସୁଣ ଆସିଲେ ଦର କମିଯିବ । ରାଜ୍ୟ ବ୍ୟବସାୟୀ ମହାସଂଘ ସଚିବ ସୁଧାକର ପଣ୍ଡା କହିଛନ୍ତି, ଦର ବୃଦ୍ଧି ପାଇଁ ଅନେକ କର୍ପୋରେଟ୍ ହାଉସ ଦାୟୀ । ଯେଉଁ ଖାଦ୍ୟ ସାମଗ୍ରୀର ଅଭାବ ପଡ଼ୁଛି ସେସବୁର ମନଇଚ୍ଛା ହୋର୍ଡିଂ କରି ସେମାନେ ଦର ବଢ଼ାଉଛନ୍ତି । ସରକାର ଏଦିଗରେ ଦୃଷ୍ଟି ଦେବାକୁ ସେ ଦାବି କରିଛନ୍ତି ।
