ହିଣ୍ଡନ ଏୟାରବେସରେ ପହଞ୍ଚିଲେ ଶେଖ ହସିନା; ଭାରତରୁ ଲଣ୍ଡନ ଯାଇ ପାରନ୍ତି

ନୂଆଦିଲ୍ଲୀ,୫।୮: ଦେଶରେ ଛାତ୍ର ଆନ୍ଦୋଳନ ହିଂସାତ୍ମକ ହେବା ପରେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇ ଶେଖ ହସିନା ଆସି ଭାରତରେ ପହଞ୍ଚିଛନ୍ତି। ମିଡ଼ିଆ ରିପୋର୍ଟ ଅନୁଯାୟୀ ଶେଖ ହସିନାଙ୍କ ବିମାନ ହିଣ୍ଡନ ଏୟାର ବେସରେ ଅବତରଣ କରିଛି। ବିମାନଟି ହିଣ୍ଡନ୍ ଏୟାରବେସରେ ଅପରାହ୍ନ ୫:୩୬ ରେ ଅବତରଣ କରିଥିଲା। ସେଠାରେ ବାୟୁସେନାର ବରିଷ୍ଠ ଅଧିକାରୀମାନେ ଶେଖ ହସିନାଙ୍କୁ ସ୍ୱାଗତ କରିଥିଲେ। ଶେଖ ହସିନାଙ୍କୁ ନେଇ ଆସିଥିବା ସି-୧୩୦ଜେ ବିମାନକୁ ହିନ୍ଦନରେ ଅବତରଣ କରିବାକୁ ପ୍ରାଧାନ୍ୟ ଦିଆଯାଇଥିଲା।

ଏହାରି ମଧ୍ୟରେ ବାଂଲାଦେଶକୁ ସଂଯୋଗ କରୁଥିବା ରେଳ ସେବାକୁ ବାତିଲ କରିବା ପରେ ବର୍ତ୍ତମାନ ଢାକାକୁ ବିମାନ ସେବା ମଧ୍ୟ ସ୍ଥଗିତ ରଖାଯାଇଛି। ଏୟାର ଇଣ୍ଡିଆ ଢାକା ବିମାନ ସେବାକୁ ସ୍ଥଗିତ ରଖିଛି। ଏହିପରି ଭାବରେ ବାଂଲାଦେଶକୁ ଭାରତରୁ ବିମାନ ଯୋଗେ ବିଚ୍ଛିନ୍ନ କରାଯାଇଛି।

ତେବେ ବାଂଲାଦେଶରେ ହିଂସାତ୍ମକ ବିରୋଧ ମଧ୍ୟରେ ବଡ ଖବର ସାମ୍ନାକୁ ଆସିଛି। ବୈଦେଶିକ ମନ୍ତ୍ରୀ ଏସ. ଜୟଶଙ୍କର ପ୍ରଧାନମନ୍ତ୍ରୀ ମୋଦିଙ୍କୁ ଭେଟିଛନ୍ତି। ସୋମବାର ସନ୍ଧ୍ୟାରେ ଏସ. ଜୟଶଙ୍କର ମୋଦିଙ୍କୁ ଭେଟି ବାଂଲାଦେଶର ପରିସ୍ଥିତି ସମ୍ପର୍କରେ ଏକ ଅଦ୍ୟତନ ଦେଇଥିଲେ।

The post ହିଣ୍ଡନ ଏୟାରବେସରେ ପହଞ୍ଚିଲେ ଶେଖ ହସିନା; ଭାରତରୁ ଲଣ୍ଡନ ଯାଇ ପାରନ୍ତି appeared first on Dharitri Odia News.