୧୦୮ ବର୍ଷ ବୟସରେ ମହିଳାଙ୍କ ବିଶ୍ବ ରେକର୍ଡ

ନନ୍ଦିଘୋଷ ବ୍ୟୁରୋ : ଇଚ୍ଛା ଶକ୍ତି ଆଗରେ ହାର ମାନିଛି ବୟସ । ଏହା ଜାପାନର ଶିତସୁଇ ହାକୋଇଶି ପ୍ରମାଣ କରିଛନ୍ତି। ୧୦୮ ବର୍ଷ ବୟସରେ ମଧ୍ୟ, ସେ ତାଙ୍କ ସେଲୁନରେ ଗ୍ରାହକମାନଙ୍କ କେଶ ଷ୍ଟାଇଲ୍ କରନ୍ତି। ଏଥି ପାଇଁ ତାଙ୍କୁ ଗିନିଜ୍ ୱାର୍ଲ୍ଡ ରେକର୍ଡସ୍ ଦ୍ୱାରା ବିଶ୍ୱର ସବୁଠାରୁ ବୟସ୍କା ମହିଳା ହେୟାର ଡ୍ରେସର୍ ଭାବରେ ସ୍ୱୀକୃତି ମିଳିଛି। କିନ୍ତୁ ଏହି ସଫଳତା ସତ୍ତ୍ୱେ, ତାଙ୍କର ଅବସର ନେବାର କୌଣସି ଇଚ୍ଛା ନାହିଁ  । ସେ ତାଙ୍କର କଇଁଚି ଛାଡିବାକୁ ପ୍ରସ୍ତୁତ ନୁହଁନ୍ତି।

ଏହି ସପ୍ତାହରେ, ହାକୋଇଶି ଗିନିଜ୍ ୱାର୍ଲ୍ଡ ରେକର୍ଡସ୍ ଠାରୁ ଆନୁଷ୍ଠାନିକ ପ୍ରମାଣପତ୍ର ପାଇଲେ । ଗିନିଜ୍ ୱାର୍ଲ୍ଡ ରେକର୍ଡସରେ ପୁରୁଷ ହେୟାର ଡ୍ରେସରଙ୍କ ପାଇଁ ଏକ ଅଲଗା ବର୍ଗ ରହିଛି । ୨୦୧୮ ମସିହାରେ, ଆମେରିକାର ଆନ୍ଥୋନି ମାନସିନେଲି ୧୦୭ ବର୍ଷ ବୟସରେ ଏହି ରେକର୍ଡ କରିଥିଲେ । କିନ୍ତୁ ତାଙ୍କ ମୃତ୍ୟୁ ପରେ, ହାକୋଇଶି ବର୍ତ୍ତମାନ ଏହି ରେକର୍ଡର ଅଧିକାରୀ ହୋଇଥିବା ଏକମାତ୍ର ହେୟାର ଡ୍ରେସର୍ ।

ଶିତସୁଇ ହାକୋଇଶିଙ୍କ ଜନ୍ମ ୧୯୧୬ ନଭେମ୍ବର ୧୦ ତାରିଖରେ ଜାପାନର ନାକାଗାୱା ସହରରେ ଏକ କୃଷକ ପରିବାରରେ ହୋଇଥିଲା। ସେ ମାତ୍ର ୧୪ ବର୍ଷ ବୟସରେ ହେୟାର ଡ୍ରେସର୍ ହେବାକୁ ନିଷ୍ପତ୍ତି ନେଇଥିଲେ  । ତାଲିମ ପାଇଁ ଟୋକିଓ ଯାଇଥିଲେ। ୨୦ ବର୍ଷ ବୟସରେ ଆନୁଷ୍ଠାନିକ ଭାବରେ ତାଙ୍କର ହେୟାର ଡ୍ରେସର୍ ଲାଇସେନ୍ସ ହାସଲ କରିଥିଲେ।

ତାଙ୍କର କଠିନ ପରିଶ୍ରମ ଏବଂ ନିଷ୍ଠା ବଳରେ, ସେ ତାଙ୍କ ସ୍ୱାମୀଙ୍କ ସହିତ ମିଶି ଏକ ସେଲୁନ୍ ଖୋଲିଥିଲେ  । ଏହାକୁ ସଫଳତାର ସହିତ ଚଲାଇଥିଲେ। ଏବେ, ୧୦୮ ବର୍ଷ ବୟସରେ ମଧ୍ୟ, ସେ ନିୟମିତ ଭାବରେ ଗ୍ରାହକଙ୍କ କେଶ କାଟନ୍ତି  । ସେ ଏହି କାମ କରିବାକୁ ଭଲ ପାଆନ୍ତି। ହାକୋଇଶି ବିଶ୍ୱାସ କରନ୍ତି ଯେ ଯେପର୍ଯ୍ୟନ୍ତ ସେ ସୁସ୍ଥ ଅଛନ୍ତି, ସେପର୍ଯ୍ୟନ୍ତ ସେ ତାଙ୍କ ବୃତ୍ତି ସହିତ ଜଡିତ ରହିବେ।

The post ୧୦୮ ବର୍ଷ ବୟସରେ ମହିଳାଙ୍କ ବିଶ୍ବ ରେକର୍ଡ appeared first on .