୨୦ ହଜାର ଲୋକଙ୍କ ପାଇଁ ଭବ୍ୟ ଆୟୋଜନ,ଖର୍ଚ୍ଚ ହୋଇଛି ପ୍ରାୟ ୩୮ ଲକ୍ଷ

ନୂଆଦିଲ୍ଲୀ ୨୨/୧୧: ପାକିସ୍ତାନ ଗୁଜରାନୱାଲାରୁ ଆସିଛି ଚମକାଇ ଦେଲା ପରି ଖବର । ଯାହା ସୋସିଆଲ ମିଡିଆରେ ହୋଇଛି ଟ୍ରେଣ୍ଡିଂ ନ୍ୟୁଜ। ଜଣେ ଭିକ୍ଷୁକ ପରିବାର ଦେଇଛନ୍ତି ରାଜକୀୟ ଭୋଜି । ଯାହା ଅନେକ କୋଟିପତି ଓ ଅରବପତିଙ୍କ ହୃଦୟକୁ ଛୁଇଁଚି । ୨୦ ହଜାର ଲୋକଙ୍କ ପାଇଁ କରାଯାଇଥିଲା ଆୟୋଜନ ।  ଅତିଥିଙ୍କୁ ଭୋଜି ସ୍ଥାନରେ ପହଞ୍ଚାଇବା ପାଇଁ ୨ହଜାରରୁ ଅଧିକ ସୁସଜ୍ଜିତ ଗାଡିର ବ୍ୟବସ୍ଥା ହୋଇଥିଲା । ଜାଣିଲେ ଆଶ୍ଚର୍ଯ୍ୟ ହେବେ କି ପରିବାର ଏହି ଭୋଜିରେ ଯେତିକି ଖର୍ଚ୍ଚ କରିଥିଲେ ତାହା ଭାରତୀୟ ମୁଦ୍ରାରେ ପ୍ରାୟ୩୮ ଲକ୍ଷ ପାଖାପାଖି ହେବ ।

ଜେଜେମାଆଙ୍କ ୪୦ ତମ ଶ୍ରାଦ୍ଧ ବାର୍ଷିକୀରେ ଏମିତି ରାଜକୀୟ ଭୋଜିର  ଆୟୋଜନ କରିଥିଲେ ।ଭୋଜିରେ ଅତିଥିଙ୍କ ପାଇଁ ଥିଲା ବିରିୟାନୀ,ମଟନ,କୋରମା ସହ ବିଭିନ୍ନ ପ୍ରକାର ସୁସ୍ବାଦୁ ମିଠା ।  ମଟନ ପାଇଁ ୨୫୦ ଜଣ ଛେଳିଙ୍କୁ ମରାଯାଇଥିବା କୁହାଯାଉଛି । ମଧ୍ୟାହ୍ନ ଭୋଜନଠାରୁ ଆରମ୍ଭ କରି ରାତ୍ରି ଭୋଜନ ଯାଏ ବ୍ୟବସ୍ଥା ହୋଇଥିଲା । ସୋସିଆଲ ମିଡିଆରେ ଭାଇରାଲ ହୋଇଥିବା ଭିଡିଓକୁ ନେଇ ଭିୟୁର୍ସଙ୍କ କମେଣ୍ଟ ଆସିଛି । ଅନେକ ଏହାକୁ ପ୍ରଶଂସା କରିଥିବାବେଳେ ଆଉ କେହି କେହି ଏତେ ପଇସା କେଉଁଠୁ ଆଣିଲେ ବୋଲି ପ୍ରଶ୍ନ କରିଛନ୍ତି ।