୫ ବର୍ଷରେ ସୃଷ୍ଟି ହୋଇଛି ୮ କୋଟି ଚାକିରି, ଶ୍ରମ ମନ୍ତ୍ରଣାଳୟ କହିଲା କେଉଁଠୁ ଆସିଲା ରୋଜଗାର

ନୂଆଦିଲ୍ଲୀ: ଗ୍ଲୋବାଲ କ୍ୟାପେବିଲିଟି ସେଣ୍ଟର୍ସ (ଜିସିସି) ଏବଂ ଷ୍ଟାର୍ଟଅପ୍ସ ଭାରତରେ ନୂଆ ନିଯୁକ୍ତି ସୃଷ୍ଟି କରିବାରେ ପ୍ରମୁଖ ଖେଳାଳି ଭାବେ ଉଭା ହୋଇଛନ୍ତି । ଶ୍ରମ ଏବଂ ରୋଜଗାର ମନ୍ତ୍ରଣାଳୟର ସଚିବ ସୁମୀତା ଡାବରା ଏହି ସୂଚନା ଦେଇଛନ୍ତି । ତାଙ୍କ କହିବା ଅନୁସାରେ ଏହି ଦୁଇ ମିଶି ଗତ ପାଞ୍ଚ ବର୍ଷରେ ପ୍ରାୟ ୮ କୋଟି ନୂଆ ଚାକିରି ସୃଷ୍ଟି କରିଛନ୍ତି ।

ଗ୍ଲୋବାଲ କ୍ୟାପେବିଲିଟି ସେଣ୍ଟର ସାଧାରଣତଃ ସାରା ଦୁନିଆରେ ସଂଗଠନ କରିଥାଏ । ଏହାର ଉଦ୍ଦେଶ୍ୟ ବୈଶ୍ୱିକ ପ୍ରତିଭା, ସଂସାଧନ ଏବଂ ବିଶେଷଜ୍ଞଙ୍କ ସହ ସଠିକ୍ ବ୍ୟବହାର କରିବା ହୋଇଥାଏ । ଏହା ମୁଖ୍ୟତଃ ବଡ଼ କର୍ପୋରେସନ ଅଂଶ ହୋଇଥାଏ ଏବଂ ଆର ଆଣ୍ଡ ଡି, ଆଇଟି ସର୍ଭିସେସ୍, ବିଜନେସ୍ ପ୍ରୋସେସ ଆଉଟସୋର୍ସିଂ, ଇଞ୍ଜିନିୟରିଂ ସର୍ଭିସେସ୍ ପରି ଅନେକ ସେବା ଉପଲବ୍ଧ କରାଇଥାଏ ।

ଶ୍ରମ ମନ୍ତ୍ରଣାଳୟର ସଚିବ ସୁମୀତା ଡାବରା ସିଆଇଆଇ ଏବଂ ଇଏଫଆଇର କାର୍ଯ୍ୟକ୍ରମ ପିଏଲଏଫଏସକୁ ଆଧାର କରି କହିଛନ୍ତି ଯେ ଗତ ୫ ବର୍ଷରେ ୮ କୋଟି ନିଯୁକ୍ତି ସୁଯୋଗ ସୃଷ୍ଟି ହୋଇଛି । ଡାବରା ଶ୍ରମ ଆଇନକୁ ଅପରାଧମୁକ୍ତ କରିବା ଏବଂ ମହିଳା କାର୍ଯ୍ୟବଳ ଭାଗିଦାରୀ ବୃଦ୍ଧି ନେଇ ମଧ୍ୟ ଖୁଲାସା କରିଛନ୍ତି । ସେ କହିଛନ୍ତି ଯେ ମନ୍ତ୍ରଣାଳୟ ବ୍ୟବସାୟକୁ ସହଜ କରିବା ପାଇଁ ଅନେକ ସୁଧାର କରିଛି । ଡାବରା କହିଛନ୍ତି, ସାମାଜିକ ସୁରକ୍ଷା ଏବଂ ଶ୍ରମ କଲ୍ୟାଣ ପରି ସୁଧାରରେ ଭାରତରେ ସମାବେଶୀ ବିକାଶକୁ ବଳ ମିଳିବାର ଆଶା ରହିଛି ।