ଅନୁଗୁଳରେ ମାତିଛି ପାଗଳ କୁକୁର: ଯାହାକୁ ଦେଖୁଛି କାମୁଡ଼ିଛି, ୨୨ରୁ ଅଧିକ ଆହତ

ଅନୁଗୁଳ: ଅନୁଗୁଳରେ ମାତିଛି ପାଗଳ କୁକୁର ।  ପାଗଳ କୁକୁର କାମୁଡାରେ ୨୨ରୁ ଅଧିକ ଆହତ ହୋଇଛନ୍ତି ।  ଜିଲ୍ଲା ମୁଖ୍ୟ ଚିକିତ୍ସାଳୟରେ ସମସ୍ତ ଆହତଙ୍କୁ ଭର୍ତ୍ତି କରାଯାଇଛି ।  ଗୁରୁତର ମାନେ ହେଲେ କୃଷ୍ଣ ଚନ୍ଦ୍ର ବେହେରା, ଆୟୁଷ୍ମାନ ଦେହୁରୀ, ଅଭିରାମ ମାଝୀ, ଗୋଲଖ ନାଏକ, ବାବୁ ଦାସ, ଲକ୍ଷ୍ମୀ ପ୍ରିୟା ବେହେରାଙ୍କ ପରିଚୟ ମିଳି ପାରିଥିବା ବେଳେ ଅନ୍ୟ ମାନଙ୍କ ପରିଚୟ ମିଳିପାରିନାହିଁ ।

ସୂଚନା ଅନୁସାରେ , ଅନୁଗୁଳ ସହରରେ ଗୋଟିଏ ପାଗଳ କୁକୁର ବୁଲୁଛି । ଯାହା ଫଳରେ ଯାହାକୁ ଦେଖୁଛି, ତାଙ୍କୁ କାମୁଡି ରକ୍ତାକ୍ତ କରୁଛି । ଛୋଟ ଛୁଆ ଠାରୁ ଆରମ୍ଭକରି ବଡ଼ ଲୋକ ପର୍ଯ୍ୟନ୍ତ ତଥା ପାଖାପାଖି ୨୨ ରୁ ଅଧିକ ଗୁରୁତର ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି ।  ଶୁଶୁଡା, କଲେଜ ଛକ, ହାଟ ଛକ, ହୁଲୁରିସିଂହା, ହେମସୁରପଡା ଅଞ୍ଚଳରେ ଏହି ପାଗଳ କୁକୁରଟି ବୁଲି ବୁଲି ଯାହାକୁ ଦେଖୁଛି ତାକୁ କାମୁଡ଼ି ଦେଉଛି  ।  ପାଗଳ କୁକୁର କାମୁଡ଼ାରେ ବହୁ ଲହୁଲୁହାଣ ହୋଇଥିବା ଜଣା ପଡିଛି ।

ଆହୁରି ପଢ଼ନ୍ତୁ : ପାନ ଦୋକାନରେ ଲାଗିଲା ନିଆଁ, ମହିଳା ଜୀବନ୍ତ ଦଗ୍ଧ

The post ଅନୁଗୁଳରେ ମାତିଛି ପାଗଳ କୁକୁର: ଯାହାକୁ ଦେଖୁଛି କାମୁଡ଼ିଛି, ୨୨ରୁ ଅଧିକ ଆହତ appeared first on KNews Odisha.