କିଏ ହେବେ ମଣିପୁରର ପରବର୍ତ୍ତି ମୁଖ୍ୟମନ୍ତ୍ରୀ, ଚର୍ଚ୍ଚାରେ ଏସବୁ ନାମ…

ଇମ୍ଫାଲ,୧୧।୨: ମଣିପୁରରେ ଜାତିଗତ ହିଂସା ଘଟିବାର ପ୍ରାୟ ଦୁଇ ବର୍ଷ ପରେ, ମୁଖ୍ୟମନ୍ତ୍ରୀ ଏନ ବୀରେନ ସିଂହ ରବିବାର (୯ ଫେବୃଆରୀ, ୨୦୨୫) ଇମ୍ଫାଲର ରାଜଭବନରେ ରାଜ୍ୟପାଳ ଅଜୟ କୁମାର ଭଲ୍ଲାଙ୍କୁ ତାଙ୍କ ଇସ୍ତଫାପତ୍ର ପ୍ରଦାନ କରିଛନ୍ତି। ଏବେ ପ୍ରଶ୍ନ ହେଉଛି ମଣିପୁରର ପରବର୍ତ୍ତୀ ମୁଖ୍ୟମନ୍ତ୍ରୀ ଭାବରେ ବୀରେନ ସିଂହଙ୍କ ସ୍ଥାନ କିଏ ନେବେ।
ଆସନ୍ତୁ ଜାଣିବା ଯେଉଁମାନଙ୍କୁ ମୁଖ୍ୟମନ୍ତ୍ରୀ ପଦ ପାଇଁ ଦାବିଦାର ବୋଲି ବିବେଚନା କରାଯାଉଛି। ଏମାନଙ୍କ ମଧ୍ୟରେ ଥୋଙ୍ଗାମ ବିଶ୍ୱଜିତ ସିଂହ, ୟୁମନାମ ଖେମଚାନ୍ଦ ସିଂହ, ଥୋକଚୋମ ସତ୍ୟବ୍ରତ ସିଂହ, ଥୌନାଓଜାମ ବସନ୍ତ କୁମାର ସିଂହ ଏବଂ ଗୋବିନ୍ଦାସ କନ୍ଥୌଜାମ ଅନ୍ତର୍ଭୁକ୍ତ। ଏମାନଙ୍କ ମଧ୍ୟରୁ ୟୁମନାମ ଖେମଚାନ୍ଦ ସିଂହ ଏବଂ ଥୋକଚୋମ ସତ୍ୟବ୍ରତ ସିଂହଙ୍କ ନାମ ଦୃଢ଼ ଦାବିଦାରଙ୍କ ମଧ୍ୟରେ ରହିଛି।

ୟୁମନାମ ଖେମଚାନ୍ଦ ସିଂହଙ୍କ ବିଷୟରେ କହିବାକୁ ଗଲେ, ସେ ମଣିପୁରରେ ଭାରତୀୟ ଜନତା ପାର୍ଟି (ଭାଜପା)ର ଜଣେ ବଡ଼ ନେତା ଏବଂ ୨୦୧୭ ଏବଂ ୨୦୨୨ ମଣିପୁର ବିଧାନସଭା ନିର୍ବାଚନରେ ସିଙ୍ଗଜାମେଇ ନିର୍ବାଚନମଣ୍ଡଳୀରୁ ବିଧାୟକ ନିର୍ବାଚିତ ହୋଇଥିଲେ। କେବଳ ଏତିକି ନୁହେଁ, ସେ ୨୦୧୭ ରୁ ୨୦୨୨ ପର୍ଯ୍ୟନ୍ତ ମଣିପୁର ବିଧାନସଭାର ବାଚସ୍ପତି ମଧ୍ୟ ଥିଲେ। ବର୍ତ୍ତମାନ ସେ ମଣିପୁର କ୍ୟାବିନେଟରେ ପୌର ପ୍ରଶାସନ ଗୃହ ବିକାଶ (MAHUD) ଏବଂ ଶିକ୍ଷା ବିଭାଗର ମନ୍ତ୍ରୀ ଅଛନ୍ତି।
ଥୋକଚୋମ ସତ୍ୟବ୍ରତ ସିଂହ ମଧ୍ୟ ଜଣେ ଭାଜପା ରାଜନେତା ଏବଂ ୨୦୧୭ ଏବଂ ୨୦୨୨ ମଣିପୁର ବିଧାନସଭା ନିର୍ବାଚନରେ ଦଳ ପକ୍ଷରୁ ୟୈସ୍କୁଲ ନିର୍ବାଚନମଣ୍ଡଳୀରୁ ବିଧାୟକ ଭାବରେ ନିର୍ବାଚିତ ହୋଇଛନ୍ତି। ଥୋକଚୋମ ସତ୍ୟବ୍ରତ ସିଂହ ବର୍ତ୍ତମାନ ମଣିପୁର ବିଧାନସଭାର ବାଚସ୍ପତି ଅଛନ୍ତି। ବିଶେଷ କଥା ହେଉଛି ସେ ମଣିପୁରର ଉପଭୋକ୍ତା ବ୍ୟାପାର, ଖାଦ୍ୟ ଏବଂ ସାଧାରଣ ବଣ୍ଟନ, ଆଇନ ଏବଂ ବିଧାନସଭା ବ୍ୟାପାର, ଶ୍ରମ ଏବଂ ନିଯୁକ୍ତି ରାଜ୍ୟ କ୍ୟାବିନେଟ ମନ୍ତ୍ରୀ ମଧ୍ୟ ରହିସାରିଛନ୍ତି।

The post କିଏ ହେବେ ମଣିପୁରର ପରବର୍ତ୍ତି ମୁଖ୍ୟମନ୍ତ୍ରୀ, ଚର୍ଚ୍ଚାରେ ଏସବୁ ନାମ… appeared first on Dharitri Odia News.