Airtel ଆଣିଛି ଖୁସି ଖବର, ୨୬ ଟଙ୍କାରେ ମିଳୁଛି ଶସ୍ତା ପ୍ଲାନ୍‌

Airtel ନିଜ ୟୁଜର୍ସଙ୍କ ପାଇଁ ଆଣିଛି ଏକ ଖୁସି ଖବର, ଯେଉଁଥିରେ ଅଛି ୨୬ ଟଙ୍କା ମୂଲ୍ୟର ଶସ୍ତା ପ୍ଲାନ୍‌ । ଜୁଲାଇରେ ପ୍ଲାନ୍‌ ବଢ଼ିବା ପରେ, Airtel ଏହାର ବହୁ ପୁରୁଣା ପ୍ଲାନ୍‌ ହଟାଇ ଦେଇଛି କିମ୍ବା ନିଜର ପ୍ଲାନଗୁଡିକୁ ବଢ଼ାଇଦେଇଛି । ବର୍ତ୍ତମାନ Airtel ଏହାର କୋଟି କୋଟି ୟୁଜର୍ସଙ୍କ ପାଇଁ ଏହି ଶସ୍ତା ପ୍ୟାକ୍‌ ଲଞ୍ଚ କରିଛି । ଯେଉଁଥିରେ ୟୁଜର୍ସମାନେ ଇଣ୍ଟରନେଟ୍‌ ବ୍ୟବହାର କରିବା ପାଇଁ 1.5GB ହାଇସ୍ପିଡ୍‌ ଡାଟାର ଲାଭ ପାଇବେ । JIO ପରେ, ୟୁଜର୍ସଙ୍କ ଦୃଷ୍ଟରେ Airtel ଦେଶର ଦ୍ୱିତୀୟ ବୃହତ୍ତମ ଟେଲିକମ୍‌ କମ୍ପାନୀ ପାଲଟିଛି ।

Airtelର ନୂଆ ପ୍ଲାନ୍‌ : 

Airtelର ଏହି ନୂଆ ପ୍ଲାନ୍‌ ୨୬ ଟଙ୍କା ପାଇଁ ଆସିଛି । କମ୍ପାନୀ ଏହାକୁ ଏକ ଡାଟା ପ୍ୟାକ୍‌ ଭାବେ ପରିଚିତ କରିଛି । ଯଦିଓ, କମ୍ପାନୀ ପୂର୍ବରୁ ୨୨ ଟଙ୍କା ମୂଲ୍ୟର ଏକ ଡାଟା ପ୍ୟାକ୍‌ ପ୍ରଦାନ କରୁଛି, ଯେଉଁଥିରେ ୟୁଜର୍ସମାନେ 1GB ଡାଟା ପାଇପାରିବେ । Airtelର ଏହି ରିଚାର୍ଜ ପ୍ଲାନ ୧ ଦିନର ଭ୍ୟାଲିଡିଟି ସହିତ ଆସିଥାଏ । ଏହି ପ୍ଲାନରେ ୟୁଜର୍ସମାନେ 1.5GB ଡାଟା ପାଇଥାନ୍ତି । ୟୁଜର୍ସମାନେ ପୂର୍ବରୁ ଚାଲୁଥିବା ଟ୍ରୁଲି ଅନଲିମିଟେଡ୍‌ ପ୍ଲାନ ସହିତ Airtelର ଏହି ପ୍ଲାନ୍‌ଗୁଡିକୁ ବାଛିପାରିବେ । ଏହି ପ୍ଲାନରେ ୟୁଜର୍ସମାନଙ୍କୁ କୌଣସି ପ୍ରକାର ଫ୍ରି କଲିଂର ସୁବିଧା ଦିଆଯାଉନାହିଁ । ଏହା ସହ କୁହାଯାଇଛି ଯେ, ୨୨ ଏବଂ ୨୬ ଟଙ୍କା ବ୍ୟତିତ କମ୍ପାନୀର ଗୋଟିଏ ଦିନର ଭ୍ୟାଲିଡିଟି ସହିତ ଅନ୍ୟାନ୍ୟ ଡାଟା ପ୍ୟାକ୍‌ ମଧ୍ୟ ରହିଛି । କମ୍ପାନୀ ଏହାର ୩୩ ଟଙ୍କା ପ୍ଳାନରେ 2GB ଡାଟା ଏବଂ ୪୯ ଟଙ୍କା ପ୍ଲାନରେ ଅନଲିମିଟେଡ୍‌ ଡାଟା (FUP 20GB) ପ୍ରଦାନ କରିଛି ।

ଅନ୍ୟାନ୍ୟ ଡାଟା ପ୍ୟାକ୍‌ :
ଏହା ବ୍ୟତୀତ, କମ୍ପାନୀର ଅନେକ ଡାଟା ପ୍ଲାନ ରହିଛି, ଯେଉଁଥିରେ ୟୁଜର୍ସମାନେ ଦୀର୍ଘ ସମୟ ପର୍ଯ୍ୟନ୍ତ ଭ୍ୟାଲିଡିଟି ପାଇଥାନ୍ତି । କମ୍ପାନୀର ୭୭ ଟଙ୍କା ପ୍ଲାନରେ 5GB ଡାଟା ରଖିଥିବା ସହ ୧୨୧ ଟଙ୍କାରେ 6GB ଡାଟା ପ୍ରଦାନ କରାଯାଇଛି । ଏହି ଦୁଇଟି ଡାଟା ପ୍ୟାକ୍‌ ୟୁଜର୍ସମାନଙ୍କର ବର୍ତ୍ତମାନ ପ୍ଲାନଗୁଡିକ ଉପରେ କାମ କରେ ।

The post Airtel ଆଣିଛି ଖୁସି ଖବର, ୨୬ ଟଙ୍କାରେ ମିଳୁଛି ଶସ୍ତା ପ୍ଲାନ୍‌ appeared first on KNews Odisha.