IND vs ENG: ପ୍ରଥମ ଦିନରେ ବେନ ଷ୍ଟୋକ୍ସଙ୍କ ଏହି ଭୁଲ ପାଇଁ ମ୍ୟାଚ ହାରିପାରେ ଇଂଲଣ୍ଡ

ସିଡ଼ନୀ,୨୬।୧: ଭାରତ ଏବଂ ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ ଷ୍ଟାଡିୟମରେ ଚାଲିଛି। ମ୍ୟାଚର ଆଜି ହେଉଛି ୨ୟ ଦିନ। ତେବେ ପ୍ରଥମ ଦିନରେ ଆୟୋଜକ ଭାରତ ଇଂରାଜୀ ଦଳ ଉପରେ ପ୍ରାଧାନ୍ୟ ବିସ୍ତାର କରିଥିଲା। ମ୍ୟାଚରେ ଇଂଲଣ୍ଡର ଅବସ୍ଥା ପୂର୍ବରୁ ଦୁର୍ବଳ ଥିଲା, ଯେତେବେଳେ ଅଧିନାୟକ ବେନ ଷ୍ଟୋକ୍ସ ଏକ ବଡ଼ ଭୁଲ କରି ତାଙ୍କ ଦଳକୁ ଅଧିକ ଅସୁବିଧାରେ ପକାଇଥିଲେ। ଅଧିନାୟକଙ୍କ ଏହି ଭୁଲ ଯୋଗୁ ଇଂଲଣ୍ଡ ମଧ୍ୟ ମ୍ୟାଚ ହାରିପାରେ।

ବାସ୍ତବରେ, ଇଂଲଣ୍ଡ ଅଧିନାୟକ ବେନ ଷ୍ଟୋକ୍ସ ଇନିଂସର ପ୍ରଥମ ୮୦ ବଲରେ ଏକ ଇନିଂସ ପାଇଁ ଉପଲବ୍ଧ ସମସ୍ତ ତିନୋଟି ଡିଆରଏସ୍‌ ସମାପ୍ତ କରିଥିଲେ ଏବଂ ତାଙ୍କର ସମସ୍ତ ନିଷ୍ପତ୍ତି ଭୁଲ ପ୍ରମାଣିତ ହୋଇଥିଲା। ପ୍ରଥମ ଦିନର ଶେଷ ପର୍ଯ୍ୟନ୍ତ ବ୍ୟାଟିଂ କରିଥିବା ଟିମ ଇଣ୍ଡିଆ ମାତ୍ର ଗୋଟିଏ ଉଇକେଟ୍‌ ହରାଇଥିଲା। ଏଭଳି ପରିସ୍ଥିତିରେ ଇଂଲଣ୍ଡକୁ ଡିଆରଏସ୍‌ ବିନା ଭାରତର ଅବଶିଷ୍ଟ ୯ ଉଇକେଟ୍‌ ହଟାଇବାକୁ ପଡିବ, ଯାହା ସେମାନଙ୍କ ପାଇଁ ଏତେ ସହଜ ହେବ ନାହିଁ।

The post IND vs ENG: ପ୍ରଥମ ଦିନରେ ବେନ ଷ୍ଟୋକ୍ସଙ୍କ ଏହି ଭୁଲ ପାଇଁ ମ୍ୟାଚ ହାରିପାରେ ଇଂଲଣ୍ଡ appeared first on Dharitri Odia News.