PM Internship Schemeରେ ବହୁ ପରିମାଣରେ ଆବେଦନ! ଗୋଟିଏ ଦିନରେ ଦେଢ ଲକ୍ଷରୁ ଅଧିକ ରେଜିଷ୍ଟ୍ରେଶନ

ନୂଆଦିଲ୍ଲୀ,୧୪।୧୦: PM Internship Schemeର ସୁଯୋଗ ନେବାକୁ ଯୁବକମାନଙ୍କ ମଧ୍ୟରେ ପ୍ରତିଯୋଗିତା ରହିଛି। ସେଥିପାଇଁ ଏହି ଯୋଜନା ପାଇଁ ମାତ୍ର ଗୋଟିଏ ଦିନରେ ୧.୫ଲକ୍ଷରୁ ଅଧିକ ଆବେଦନ ଗ୍ରହଣ କରାଯାଇଛି। ଏହି ଯୋଜନା ଅଧୀନରେ ଯୁବକମାନେ ଦେଶର ଶୀର୍ଷ କମ୍ପାନୀଗୁଡିକରେ ଇଣ୍ଟର୍ନସିପ କରିବାର ସୁଯୋଗ ପାଇବେ। ଏହା ସହିତ ସେମାନଙ୍କୁ ପ୍ରତି ମାସରେ କିଛି ଟଙ୍କା ମଧ୍ୟ ଦିଆଯିବ। ସୂଚନାଯୋଗ୍ୟ, କେନ୍ଦ୍ର ଏହି ଯୋଜନାକୁ କିଛି ଦିନ ପୂର୍ବରୁ ଘୋଷଣା କରିଥିଲା ଏବଂ ଏହା ସହିତ ଏହା ପାଇଁ ଏକ ପୋର୍ଟାଲ ମଧ୍ୟ ଲଞ୍ଚ କରିଥିଲା। ଯାହା ମାଧ୍ୟମରେ ଯୁବକମାନେ ଆବେଦନ କରିପାରିବେ।

ସୂଚନା ଅନୁଯାୟୀ, ଗତ ୨୪ଘଣ୍ଟା ମଧ୍ୟରେ ଏହି ଯୋଜନା ପାଇଁ ଏକ ଲକ୍ଷ ୫୫ହଜାରରୁ ଅଧିକ ଆବେଦନ ଗ୍ରହଣ କରାଯାଇଛି। ଯଦି ଗଣମାଧ୍ୟମର ରିପୋର୍ଟକୁ ବିଶ୍ୱାସ କରାଯାଏ, ତେବେ ଏହି ଯୋଜନା ଅଧୀନରେ ଯୁବକମାନେ ଦେଶର ୫୦୦ ଟି କମ୍ପାନୀରେ ଇଣ୍ଟର୍ନସିପ କରିବାର ସୁଯୋଗ ପାଇବେ। ଏହି ଯୋଜନା ଅଧୀନରେ ବର୍ତ୍ତମାନ ପର୍ଯ୍ୟନ୍ତ ମାରୁତି ସୁଜୁକି ଇଣ୍ଡିଆ, ଆଇଚର୍‌ ମୋଟର ଲିମିଟେଡ, ଜୁବିଲାଣ୍ଟ ଫୁଡ ୱାର୍କସ, ଲାରସେନ ଆଣ୍ଡ ଟୁବ୍ରୋ ଲିମିଟେଡ, ରିଲାଏନ୍ସ ଇଣ୍ଡଷ୍ଟ୍ରିଜ ଏବଂ ମୁଥୁଟ ଫାଇନାନ୍ସ ଭଳି ୧୯୩ଟି କମ୍ପାନୀ ଇଣ୍ଟର୍ନସିପ ପ୍ରଦାନ କରିଛନ୍ତି। ପ୍ରମୁଖ ଘରୋଇ କ୍ଷେତ୍ର କମ୍ପାନୀଗୁଡିକ ମଧ୍ୟ ଏଥିରେ ଅନ୍ତର୍ଭୁକ୍ତ।

The post PM Internship Schemeରେ ବହୁ ପରିମାଣରେ ଆବେଦନ! ଗୋଟିଏ ଦିନରେ ଦେଢ ଲକ୍ଷରୁ ଅଧିକ ରେଜିଷ୍ଟ୍ରେଶନ appeared first on Dharitri Odia News.