ଅନେକ ରୋଗରୁ ମୁକ୍ତିଦିଏ ହୋମିଓପ୍ୟାଥି

ହୋମିଓପ୍ୟାଥିର ପ୍ରତିଷ୍ଠାତା ଡ.ସାମୁଏଲ ହାନିମାନଙ୍କ ଜନ୍ମ ବାର୍ଷିକୀ ପାଳନ ପାଇଁ ପ୍ରତିବର୍ଷ ୧୦ ଏପ୍ରିଲରେ ବିଶ୍ୱ ହୋମିଓପ୍ୟାଥି ଦିବସ ପାଳନ କରାଯାଏ। ଏହି ଦିବସ ପାଳନର ମୁଖ୍ୟ ଉଦ୍ଦେଶ୍ୟ ହେଉଛି ହୋମିଓପ୍ୟାଥି ଔଷଧ ବିଷୟରେ ଲୋକଙ୍କୁ ସଚେତନ କରାଇବା ଏବଂ ଏହି ବିକଳ୍ପ ବ୍ୟବସ୍ଥାର ବ୍ୟବହାରକୁ ପ୍ରୋତ୍ସାହିତ କରିବା।

ସ୍ବାସ୍ଥ୍ୟ ବିଶେଷଜ୍ଞମାନେ କୁହନ୍ତି, ହୋମିଓପ୍ୟାଥି ହେଉଛି ଏକ ଚିକିତ୍ସା ବ୍ୟବସ୍ଥା, ଯାହା ଶରୀର ନିଜେ ନିଜକୁ ସୁସ୍ଥ କରିପାରେ। ଆରୋଗ୍ୟ ପ୍ରକ୍ରିୟାକୁ ପ୍ରୋତ୍ସାହିତ କରିବା ପାଇଁ ରୋଗ ଉପରେ ନିର୍ଭର କରି ଔଷଧ ଦିଆଯାଏ, ଯାହା ଦ୍ୱାରା ଶରୀର ଏହି ଦୋଷକୁ ନିଜେ ଭଲ କରିପାରେ।

ବିଶ୍ୱ ହୋମିଓପ୍ୟାଥି ଦିବସ ପାଳନର ମୁଖ୍ୟ ଉଦ୍ଦେଶ୍ୟ ହେଲା ହୋମିଓପରିବାର: ଏକ ସ୍ବାସ୍ଥ୍ୟ, ଏକ ପରିବାର। ବିଶେଷଜ୍ଞମାନେ କହିଛନ୍ତି, ହୋମିଓପ୍ୟାଥିକ ଔଷଧ ଏବଂ ଏହାର ସଫଳତା ହାର ବିଷୟରେ ସଚେତନତା ବଢ଼ାଇ ଅନେକ ପ୍ରକାରର ସମସ୍ୟା ଉପଶମ ହୋଇପାରିବ।

ବିଶେଷଜ୍ଞମାନେ କହିଛନ୍ତି, ହୋମିଓପ୍ୟାଥି ପଛରେ ଏକ ମୌଳିକ ଧାରଣା ହେଉଛି ଶରୀରର ପ୍ରାକୃତିକ ପ୍ରତିରକ୍ଷା ପ୍ରଣାଳୀକୁ କରାୟତ କରି ରୋଗର ଚିକିତ୍ସା କରିବା। ଉଦାହରଣ ସ୍ବରୂପ, ପିଆଜ ଆପଣଙ୍କ ଆଖିରେ ପାଣି ଆଣିଥାଏ। ତେଣୁ ଏହା ଆଖି ଆଲର୍ଜି ଚିକିତ୍ସାରେ ବ୍ୟବହୃତ ହୋଇପାରେ। ହୋମିଓପ୍ୟାଥି ବିଶ୍ୱାସ କରେ ଯେ, ଏହାର ମାତ୍ରା କମ୍‌ ହେଲେ ଔଷଧ ଅଧିକ ଶକ୍ତିଶାଳୀ ହୋଇଥାଏ।

ଅନେକ ପ୍ରକାରର ସ୍ବାସ୍ଥ୍ୟ ସମସ୍ୟା ଦୀର୍ଘବର୍ଷ ଧରି ଏହି ବିକଳ୍ପ ଔଷଧ ମାଧ୍ୟମରେ ଚିକିତ୍ସା କରାଯାଇ ଉପକୃତ ହୋଇଛି। ଯଥା ଆଲର୍ଜି, ମାଇଗ୍ରେନ, ଡିପ୍ରେସନ, କ୍ରନିକ ଫଟିଗ୍‌ ସିଣ୍ଡ୍ରୋମ, ରିମାଟଏଡ୍‌ ଆର୍ଥ୍ରାଇଟିସ, ଅନ୍ତଃନଳୀ ରୋଗ ଏବଂ ପ୍ରିମେନ୍‌ଷ୍ଟ୍ରୁଆଲ ସିଣ୍ଡ୍ରୋମ ଭଳି ସମସ୍ୟାରେ ହୋମିଓପ୍ୟାଥିର ବ୍ୟବହାର ଉପକାରୀ ବୋଲି ବିବେଚନା କରାଯାଏ।

The post ଅନେକ ରୋଗରୁ ମୁକ୍ତିଦିଏ ହୋମିଓପ୍ୟାଥି appeared first on Dharitri Odia News.