ଅଭିଷେକ ଏବଂ ଐଶ୍ୱର୍ଯ୍ୟାଙ୍କର ହେବ ନାହିଁ ଛାଡପତ୍ର, ନିକଟତର ବନ୍ଧୁ କଲେ ଖୁଲାସା

ମୁମ୍ଵାଇ ୧୭।୧୧; ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟ ବଚ୍ଚନ। ବର୍ତ୍ତମାନ ଦୁହେଁ ଚର୍ଚ୍ଚାରେ ଅଛନ୍ତି। ଦୀର୍ଘ ଦିନ ଧରି ଚର୍ଚ୍ଚା ଚାଲିଛି ଯେ ଦମ୍ପତିଙ୍କ ସମ୍ପର୍କରେ ମତଭେଦ ଦେଖାଦେଇଛି । ସେମାନେ ଯେକୌଣସି ସମୟରେ ଛାଡପତ୍ର ନେଇ ପାରନ୍ତି। କେତେକ ରିପୋର୍ଟରେ ଦର୍ଶାଯାଇଛି ଯେ ଏହି ଦମ୍ପତି ଏପର୍ଯ୍ୟନ୍ତ ଅଲଗା ଘରେ ରହୁଛନ୍ତି। ଦୁହେଁ ଏପର୍ଯ୍ୟନ୍ତ ଏହି ସମସ୍ତ ଖବର ଉପରେ ନୀରବତା ବଜାୟ ରଖିଛନ୍ତି। ଏହି ସମୟରେ ଅଭିଷେକ ଏବଂ ଐଶ୍ୱର୍ଯ୍ୟାଙ୍କ ସମ୍ପର୍କ ବିଷୟରେ ନିଖିଲ ଦ୍ୱିବେଦୀ କିଛି କହିଛନ୍ତି। 

ନିକଟରେ ଏକ ସାକ୍ଷାତକାର ସମୟରେ ନିଖିଲ ଦ୍ୱିବେଦୀଙ୍କୁ ଏକ ଫିଲ୍ମରେ ଦମ୍ପତିଙ୍କ ସହ କାମ କରିବା ବିଷୟରେ ପଚରାଯାଇଥିଲା, ଯେଉଁଥିରେ ନିଖିଲ କହିଥିଲେ - 'ଏହି ଦମ୍ପତି ଏକାଠି କାମ କରିବା ସମୟରେ ଫିଲ୍ମ ସେଟରେ ବୃତ୍ତିଗତ ଭାବରେ ଆଚରଣ କରୁଥିଲେ।'ଯେତେବେଳେ ସେଟରେ ତାଙ୍କ ଆଚରଣ ବିଷୟରେ ତାଙ୍କୁ ପଚରାଗଲା, ନିଖିଲ କହିଥିଲେ - ଦୁହେଁ ବିବାହିତ ତ ସବୁବେଳେ ପତି-ପତ୍ନୀ ହୋଇ ରହିବ । ଆମେ ସେମାନଙ୍କୁ କେବେ ଅଲଗା ଦେଖି ନାହୁଁ। ସେମାନଙ୍କର ସମ୍ପର୍କ କଦାପି ସେମାନଙ୍କ କାର୍ଯ୍ୟରେ ବାଧା ସୃଷ୍ଟି କରେ ନାହିଁ।

ଦୀର୍ଘ ଦିନ ଧରି ଆଲୋଚନା ହୋଇଆସୁଥିଲା ଯେ ଅଭିଷେକ ବଚ୍ଚନ ତାଙ୍କର ଦଶବି କୋ-ଷ୍ଟାର ନିମରତ କୌରଙ୍କୁ ଡେଟ କରୁଥିଲେ। ଯାହା ବିଷୟରେ ଐଶ୍ୱର୍ଯ୍ୟା ରାୟ ଜାଣିଥିଲେ । ପରେ ସେମାନଙ୍କ ସମ୍ପର୍କ ଖରାପ ହୋଇଯାଇଥିଲା। ଏହା ପରେ ପ୍ରାୟତଃ ଉଭୟ ଅଲଗା ଅଲଗା ଦେଖିବାକୁ ମିଳିଲେ। ଅଭିନେତ୍ରୀଙ୍କ ଜନ୍ମଦିନ ଅବସରରେ ବଚ୍ଚନ ପରିବାରର କୌଣସି ସଦସ୍ୟ ଐଶ୍ୱର୍ଯ୍ୟା ରାୟ ବଚ୍ଚନଙ୍କୁ ଅଭିନନ୍ଦନ ଜଣାଇ ନାହାଁନ୍ତି। ଅଭିଷେକ ଏବଂ ଐଶ୍ୱର୍ଯ୍ୟା ୨୦ ଏପ୍ରିଲ ୨୦୦୭ରେ ବିବାହ କରିଥିଲେ। ଏହି ଦମ୍ପତି ୧୬ ନଭେମ୍ବର ୨୦୧୧ ରେ ଝିଅ ଆରଧ୍ୟାଙ୍କୁ ସ୍ୱାଗତ କରିଥିଲେ।