ଅମିତ ଶାହଙ୍କ ଭବିଷ୍ୟବାଣୀ, ତାମିଲନାଡୁରେ ସରକାର ଗଢ଼ିବ AIADMK

ନୂଆଦିଲ୍ଲୀ: କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଦୃଢ଼ୋକ୍ତି ପ୍ରକାଶ କରିଛନ୍ତି ଯେ ୨୦୨୬ ବିଧାନସଭା ନିର୍ବାଚନ ପରେ NDA ତାମିଲନାଡୁରେ ସରକାର ଗଠନ କରିବ। ବିଜେପି ଏବଂ AIADMK ର NDA ମେଣ୍ଟ ଆସନ୍ତା ବର୍ଷ ତାମିଲନାଡୁରେ ସରକାର ଗଠନ କରିବାକୁ ଯାଉଛି। ଏନେଇ ସେ ଏକ ସାକ୍ଷାତକାରରେ କହିଛନ୍ତି।

ସେ ଆହୁରି ମଧ୍ୟ କହିଛନ୍ତି ଯେ ମୁଖ୍ୟମନ୍ତ୍ରୀ ପ୍ରାର୍ଥୀ AIADMK ରୁ ହେବେ। ତଥାପି ସେ ଦଳର ବର୍ତ୍ତମାନର ସାଧାରଣ ସମ୍ପାଦକ ଏଡାପ୍ପାଡି କେ ପଲାନିସ୍ୱାମୀ (EPS)ଙ୍କ ନାମ ନେଇ ନଥିଲେ। ଜୁନ୍ ୮ ତାରିଖରେ ମାଦୁରାଇରେ ତାଙ୍କ ରାଲି ପରେ ଶାହଙ୍କ ମନ୍ତବ୍ୟ ଆସିଛି। ଯେଉଁଠାରେ ସେ ଶାସକ DMKକୁ କଡ଼ା ସମାଲୋଚନା କରିଥିଲେ।

“ତାମିଲନାଡୁରେ DMK ସରକାର ଦୁର୍ନୀତିର ସମସ୍ତ ସୀମା ଅତିକ୍ରମ କରିଛି ବୋଲି” ସେ ଅଭିଯୋଗ କରିଛନ୍ତି। ସେ ରାଜ୍ୟ ସରକାର ଉପରେ କେନ୍ଦ୍ର ଦ୍ୱାରା ଯୋଗାଇ ଦିଆଯାଇଥିବା ୪୫୦ କୋଟି ଟଙ୍କାର ପୁଷ୍ଟିକର କିଟ୍ ଏକ ଘରୋଇ କମ୍ପାନୀକୁ ହସ୍ତାନ୍ତର କରିବା ଏବଂ “ଗରିବଙ୍କୁ ଖାଦ୍ୟରୁ ବଞ୍ଚିତ କରିବା” ଭଳି ଅଭିଯୋଗ କରିଛନ୍ତି।

The post ଅମିତ ଶାହଙ୍କ ଭବିଷ୍ୟବାଣୀ, ତାମିଲନାଡୁରେ ସରକାର ଗଢ଼ିବ AIADMK appeared first on Odisha.News.