ଆଜି ଆସିବ ବଡ଼ ନିଷ୍ପତ୍ତି: ଟାଟା ଟ୍ରଷ୍ଟର ଚେୟାରମ୍ୟାନ ହେବେ…

ମୁମ୍ବାଇ,୧୧ା୧୦: ଟାଟା ଗ୍ରୁପ୍‌ର ପୂର୍ବତନ ଅଧ୍ୟକ୍ଷ ରତନ ଟାଟାଙ୍କ ଦେହାନ୍ତ ପରେ କିଏ ଏହି ଟ୍ରଷ୍ଟର ଚେୟାରମ୍ୟାନ୍‌ ହେବେ ସେନେଇ ନାନା କଳ୍ପନାଜଳ୍ପନା ପ୍ରକାଶ ପାଇଛି। ତେବେ ନୋଏଲ ଟାଟା ଟାଟା ଟ୍ରଷ୍ଟର ନୂତନ ଚେୟାରମ୍ୟାନ ହୋଇପାରନ୍ତି। ସେ ଏହି ରେସରେ ଆଗରେ ଅଛନ୍ତି।

ପ୍ରକାଶ ଥାଉକି, ମେହଲି ମିସ୍ତ୍ରୀ ମଧ୍ୟ ଟାଟା ଟ୍ରଷ୍ଟର ଅଧ୍ୟକ୍ଷ ପଦ ପାଇଁ ରେସ୍‌ରେ ଅଛନ୍ତି, ଯିଏକି ଅତ୍ୟନ୍ତ ସ୍ବତନ୍ତ୍ର ଏବଂ ସ୍ବର୍ଗତ ରତନ ଟାଟାଙ୍କ ନିକଟତର ଥିଲେ। ସେ ବି ଟାଟା ଟ୍ରଷ୍ଟର ଚେୟାରମ୍ୟାନ ହେବେ ବୋଲି କୁହାଯାଉଛି। ତେବେ ଏନେଇ ଶୁକ୍ରବାର ମୁମ୍ବାଇରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହେବ। ଆଜି କିଏ ଟାଟା ଟ୍ରଷ୍ଟର ଚେୟାରମ୍ୟାନ ପଦବୀ ଅଳଂକୃତ କରିବେ ଚୂଡ଼ାନ୍ତ ହେବ।

ଯଦି ନୋଏଲ ଟାଟା ଟ୍ରଷ୍ଟର ଚେୟାରମ୍ୟାନ ହୁଅନ୍ତି, ତେବେ ମେହଲିଙ୍କୁ ଟାଟା ଟ୍ରଷ୍ଟର ସ୍ଥାୟୀ ଟ୍ରଷ୍ଟି କରାଯାଇପାରିବ ବୋଲି ଏକ ସମ୍ଭାବନା ରହିଛି। ମେହଲି ମହେର ପାଲୋନଜୀ ଗ୍ରୁପର ନିର୍ଦ୍ଦେଶକ ଏବଂ ଟାଟା ଟ୍ରଷ୍ଟର କାର୍ଯ୍ୟକାରିତାକୁ ପରିଚାଳନା କରୁଥିବା କାର୍ଯ୍ୟନିର୍ବାହୀ କମିଟିର ସଦସ୍ୟ ଅଟନ୍ତି। ନିକଟ ଅତୀତରେ, ଟାଟା ଟ୍ରଷ୍ଟର କାର୍ଯ୍ୟରେ ନୋଏଲ ଟାଟାଙ୍କ ଭୂମିକା ବୃଦ୍ଧି ପାଇଥିଲା। ସେ ବର୍ତ୍ତମାନ ସାର୍‌ ରତନ ଟାଟା ଟ୍ରଷ୍ଟ ଏବଂ ଟାଟା ଟ୍ରଷ୍ଟ ଅଧୀନରେ ଆସୁଥିବା ସାର୍‌ ଦୋରାବଜୀ ଟାଟା ଟ୍ରଷ୍ଟର ଟ୍ରଷ୍ଟି ଅଟନ୍ତି। ଏହି ଟ୍ରଷ୍ଟ କେବଳ ଟାଟା ଗ୍ରୁପ୍‌ର ଚିତ୍ତାକର୍ଷକ କାର୍ଯ୍ୟକଳାପକୁ ପରିଚାଳନା କରେ ନାହିଁ, ବରଂ ଟାଟା ଗ୍ରୁପର ପ୍ୟାରେଣ୍ଟ କମ୍ପାନୀ ଥିବା ଟାଟା ସନ୍ସରେ ମଧ୍ୟ ଏହାର ବହୁ ସଂଖ୍ୟା ରହିଛି।

The post ଆଜି ଆସିବ ବଡ଼ ନିଷ୍ପତ୍ତି: ଟାଟା ଟ୍ରଷ୍ଟର ଚେୟାରମ୍ୟାନ ହେବେ… appeared first on Dharitri Odia News.