ଆସିଗଲା ନୂଆ ଆପ୍, ଏବେ ଅତି ସହଜରେ ଦେଖି ପାରିବେ ପୁରୁଣା ଫିଲ୍ମ

ଗୋଲଡେନ ଏଜ୍‌ର ସିନେମା ଓ ଗୀତଗୁଡ଼ିକ ଆଜି ବି ଦର୍ଶକଙ୍କ ମନରେ ରହିଛି । ବଲିଉଡ୍‌ରେ ଅନେକ ପୁରୁଣା ଫିଲ୍ମ ଅଛି ଯାହାକୁ ଥରେ ଦେଖିଲେ ବାରମ୍ବାର ଦେଖିବାକୁ ଇଚ୍ଛା ହୁଏ । ଏବେ ପୁରୁଣା ସିନେମା ଦେଖିବାକୁ ଯୁବପିଢ଼ିମାନେ ଅଧିକ ପସନ୍ଦ କରୁଛନ୍ତି । ଫିଲ୍ମ ସହ ପୁରୁଣା ଗୀତଗୁଡ଼ିକ ମଧ୍ୟ ଖୁବ୍‌ ଟ୍ରେଣ୍ଡରେ ରହିଛି । ଗୁରୁ ଦତ୍ତ, ରାଜ କପୁର, କିଶୋର କୁମାର, ଦେବାନନ୍ଦଙ୍କ ପରି ଏମିତି ଅନେକ କଳାକାର ଅଛନ୍ତି, ଯାହାଙ୍କ ସିନେମାରୁ ଆମକୁ ବହୁତ କିଛି ଶିଖିବାକୁ ମିଳେ ।

ଆମେ ଏହି ସିନେମା ଦେଖିବା ପାଇଁ OTT ପ୍ଲାଟଫର୍ମରେ ଖୋଜିଥାନ୍ତି । କିନ୍ତୁ ଏହି ଫିଲ୍ମଗୁଡ଼ିକ OTT ପ୍ଲାଟଫର୍ମ ସହଜରେ ମିଳିନଥାଏ । ହେଲେ ଏବେ ଆପଣଙ୍କୁ ଏନେଇ ଚିନ୍ତା କରିବାର କୌଣସି ଆବଶ୍ୟକତା ନାହିଁ । ଆଜି ଆମେ ଆପଣଙ୍କୁ ଏମିତି ଏକ ପ୍ଲାଟଫର୍ମ ବିଷୟରେ କହିବାକୁ ଯାଉଛୁ ଯେଉଁଥିରେ ସବୁ ପ୍ରକାର ଫିଲ୍ମ ଅତି ସହଜରେ ମିଳିଯିବ । ତେବେ ଆସନ୍ତୁ ସେହି ପ୍ଲାଟଫର୍ମ ବିଷୟରେ ଜାଣିବା ।

ଅଲଟ୍ରା ମିଡିଆ ଏବଂ ଏଣ୍ଟରଟେନମେଣ୍ଟ ଗ୍ରୁପ୍‌ ତରଫରୁ ଆଜି ଏକ OTT ପ୍ଲାଟଫର୍ମର ଶୁଭାରମ୍ଭ ହୋଇଛି । ସେହି ପ୍ଲାଟଫର୍ମର ନାମ ହେଉଛି ଅଲଟ୍ରା ପ୍ଲେ । ଅଲଟ୍ରା ପ୍ଲେରେ ଗୁରୁ ଦତ୍ତ, ରାଜ୍‌ କପୁର, ଶକ୍ତି ସାମନ୍ତ, ସୁଭାଷ ଘାଇ, ବିଦୁ ବିନୋଦଙ୍କ ସହ ଆହୁରି ଅନେକ କଳାକାରଙ୍କର ୨୦୦୦ରୁ ଅଧିକ ସିନେମା ରହିଛି । ଏହି ପ୍ଲାଟଫମରେ ୪୦୦୦ରୁ ଅଧିକ ପୁରୁଣା ଗୀତ ମଧ୍ୟ ରହିଛି ।

‘ବାବୁଜୀ ଧୀରେ ଚଲନା’, ‘ରୂପ ତେରା ମସ୍ତାନା’, ‘ଲଗ୍‌ ଯା ଗଲେ’,‘ ‘ଲିଖେ ଜୋ ଖତ୍‌ ତୁଝେ’ ଭଳି ଆହୁରି ଅନେକ ଗୀତ ଏଥିରେ ଶୁଣିବାକୁ ପାଇବେ । ଏହା ସହ ମରାଠୀ, ଗୁଜୁରାତୀ, ଏବଂ ଅନ୍ୟ ଭାଷାର ଗୀତ ମଧ୍ୟ ଏଥିରେ ଉପଲବ୍ଧ ଅଛି । ଏବେ ଆପଣ ଯେବେ ବି ଚାହିଁବେ ନିଜ ମନ ପସନ୍ଦର ଫିଲ୍ମ ଓ ଗୀତ ଏହି ପ୍ଲାଟଫର୍ମରେ ଦେଖିପାରିବେ ।

The post ଆସିଗଲା ନୂଆ ଆପ୍, ଏବେ ଅତି ସହଜରେ ଦେଖି ପାରିବେ ପୁରୁଣା ଫିଲ୍ମ appeared first on KNews Odisha.