ଇରାନୀ କପ୍‌ରେ ଦ୍ୱିଶତକ ମାରିବାରେ ସରଫରାଜ ଚତୁର୍ଥ ଯୁବ ବ୍ୟାଟର, ହାସଲ କଲେ ଏହି ଖାସ୍ ଉପଲବ୍ଧି

ନୂଆଦିଲ୍ଲୀ: ମୁମ୍ୱାଇ ପାଇଁ ବ୍ୟାଟର ସରଫରାଜ ଖାନ ରେଷ୍ଟ ଅଫ୍ ଇଣ୍ଡିଆ ବିପକ୍ଷରେ ଚମତ୍କାର ବ୍ୟାଟିଂ କରି ଦ୍ୱିଶତକ ହାସଲ କରିଛନ୍ତି । ୨୬ ବର୍ଷ ୩୪୬ ଦିନ ବୟସର ସରଫରାଜ ଇରାନୀ କପରେ ଦ୍ୱିଶତକ ହାସଲ କରିବାରେ ଚତୁର୍ଥ ଯୁବ ବ୍ୟାଟର ହୋଇଛନ୍ତି । ଏହାସହ ଇରାନୀ କପରେ ଏପରି କରିବାରେ ସେ ପ୍ରଥମ ବ୍ୟାଟର ହୋଇଛନ୍ତି । ସରଫରାଜଙ୍କ ଦ୍ୱିଶତକ ବଳରେ ମୁମ୍ୱାଇ ପ୍ରଥମ ଇନିଂସରେ ବିଶାଳ ସ୍କୋର କରିଛି ।

ସେହିପରି ଇରାନୀ କପରେ ମୁମ୍ୱାଇ ପକ୍ଷରୁ ସର୍ବାଧିକ ରନ୍ କରିଥିବା ବ୍ୟାଟର ହୋଇଛନ୍ତି । ସେ ଏହି ମାମଲାରେ ରାମନାଥ ପାରକରଙ୍କୁ ପଛରେ ପକାଇଛନ୍ତି । ୧୯୭୨ ମସିହାରେ ପାରକର ୧୯୫ ରନ୍ କରିଥିଲେ । ସରଫରାଜ ପ୍ରଥମ ଶ୍ରେଣୀ କ୍ରିକେଟରେ ୧୫ ଶତକ ମାରି ସାରିଛନ୍ତି ଏବଂ ଘରୋଇ କ୍ରିକେଟରେ ନିଜ ଛାପ ଛାଡ଼ି ଆସୁଛନ୍ତି । ସରଫରାଜଙ୍କ ପୂର୍ବରୁ ଯଶସ୍ୱୀ ଜୈସ୍ୱାଲ ୨୧ ବର୍ଷ ୬୩ ଦିନ ବୟସରେ ଇରାନୀ ଟ୍ରଫିରେ ଦ୍ୱିଶତକ ମାରିଥିଲେ । ଏହି ଦୁଇ ବ୍ୟାଟରଙ୍କ ବ୍ୟତୀତ ଇରାନୀ କପରେ ଦ୍ୱିଶତକ ମାରିଥିବା ସବୁଠୁ ଯୁବ ବ୍ୟାଟର ପ୍ରବୀଣ ଆମରେ (୨୨ ବର୍ଷ ୮୦ ଦିନ) ଏବଂ ଗୁଣ୍ଡପ୍ପା ବିଶ୍ୱନାଥ (୨୫ ବର୍ଷ ୨୫୫ ଦିନ) ସାମିଲ ଅଛନ୍ତି ।

???? turns into 2⃣0⃣0⃣ ????

A sensational double century for Sarfaraz Khan✌️

He becomes the 1⃣st Mumbai player to score a double ton in #IraniCup ????

The celebrations say it all ????#IraniCup | @IDFCFIRSTBank

Follow the match ▶️ https://t.co/Er0EHGOZKh pic.twitter.com/225bDX7hhn— BCCI Domestic (@BCCIdomestic) October 2, 2024

ସରଫରାଜଙ୍କ ଜମଦାର ବ୍ୟାଟିଂ ବଳରେ ମୁମ୍ୱାଇ ଦ୍ୱିତୀୟ ଦିନ ଖେଳ ଶେଷ ସୁଦ୍ଧା ୯ ୱିକେଟ୍ ହରାଇ ୫୩୬ ରନ କରିବାରେ ସଫଳ ହୋଇଛି । ଷ୍ଟମ୍ପ ସୁଦ୍ଧା ସରଫରାଜ ୨୭୬ ବଲରେ ୨୫ ଚୌକା ଏବଂ ଚାରି ଛକା ବଳରେ ୨୨୧ ରନ୍ କରି ଅପରାଜିତ ଅଛନ୍ତି । ନିଜର ଏହି ଇନିଂସ ବଳରେ ସଚିନ ତେନ୍ଦୁଲକର, ରାହୁଲ ଦ୍ରାବିଡ଼, ଶିଖର ଧାୱନ ଏବଂ ଜୈସ୍ୱାଲଙ୍କ ପରି ବ୍ୟାଟରଙ୍କ କ୍ଲବରେ ସରଫରାଜ ସାମିଲ ହୋଇଛନ୍ତି ।