ଏବେ କ’ଣ କରିବେ ଶେଖ ହାସିନା? ୟୁନୁସ୍‌ ସରକାର ନେଲେ ବଡ଼ ନିଷ୍ପତ୍ତି, ବାତିଲ କଲେ…

ଢାକା,୨୨।୮: ବାଂଲାଦେଶର ମଧ୍ୟବର୍ତ୍ତୀକାଳୀନ ସରକାର ପୂର୍ବତନ ପ୍ରଧାନମନ୍ତ୍ରୀ ଶେଖ ହାସିନାଙ୍କ କୂଟନୈତିକ ପାସପୋର୍ଟକୁ ବାତିଲ କରିଦେଇଛନ୍ତି। ଏହା ସହିତ ତାଙ୍କର ଅନ୍ୟ ସହଯୋଗୀମାନଙ୍କର କୂଟନୈତିକ ପାସପୋର୍ଟ ମଧ୍ୟ ବାତିଲ କରାଯାଇଛି। କୂଟନୈତିକ ପାସପୋର୍ଟ ବାତିଲ ହେବା ପରେ ଶେଖ ହାସିନାଙ୍କ ପାଇଁ ଅନ୍ୟ ଦେଶ ଗସ୍ତ କରିବା ଅଧିକ କଷ୍ଟସାଧ୍ୟ ହୋଇପଡିଛି।

ଏକ ପ୍ରମୁଖ ନିଷ୍ପତ୍ତି ନେଇ ବାଂଲାଦେଶର ମଧ୍ୟବର୍ତ୍ତୀକାଳୀନ ସରକାର ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କ କୂଟନୈତିକ ପାସପୋର୍ଟକୁ ବାତିଲ କରିଛନ୍ତି। ପାସପୋର୍ଟ ବାତିଲ କରିବା ପଛରେ ଦିଆଯାଇଥିବା କାରଣ ହେଉଛି ଯେ ବର୍ତ୍ତମାନ ପର୍ଯ୍ୟନ୍ତ ଶେଖ ହାସିନାଙ୍କ ବିରୋଧରେ ୪୪ଟି ଅପରାଧିକ ମାମଲା ରୁଜୁ ହୋଇଛି। ଏହା ସହିତ, ଆହୁରି କିଛି ମାମଲା ଦାଖଲ ହୋଇପାରେ ବୋଲି କୁହାଯାଉଛି। ଏଭଳି ପରିସ୍ଥିତିରେ ତାଙ୍କ ଉପରେ ପ୍ରତିବନ୍ଧକ ଲଗାଇବା ପାଇଁ ତାଙ୍କର କୂଟନୈତିକ ପାସପୋର୍ଟକୁ ବାତିଲ କରିଛନ୍ତି ମଧ୍ୟବର୍ତ୍ତୀକାଳୀନ ସରକାର।

ଶେଖ ହସିନା ବର୍ତ୍ତମାନ ଭାରତରେ ଆଶ୍ରୟ ନେଉଛନ୍ତି ଏବଂ ସେ ଅନ୍ୟ କେତେକ ଦେଶରେ ମଧ୍ୟ ଆଶ୍ରୟ ନେବାକୁ ଯୋଜନା କରୁଛନ୍ତି। ବାଂଲାଦେଶର ମଧ୍ୟବର୍ତ୍ତୀକାଳୀନ ସରକାର ତାଙ୍କ କୂଟନୈତିକ ପାସପୋର୍ଟ ବାତିଲ କରିବା ପରେ ତାଙ୍କ ପାଇଁ ବିଦେଶରେ ଆଶ୍ରୟ ନେବା କଷ୍ଟକର ହେବ। ଏହା ସହିତ ତାଙ୍କର ଅନେକ ସହଯୋଗୀଙ୍କ କୂଟନୈତିକ ପାସପୋର୍ଟକୁ ବାତିଲ କରିଦେଇଛନ୍ତି, ଯାହାଦ୍ୱାରା ସେମାନେ ବାଂଲାଦେଶକୁ ପଳାୟନ କରିପାରିବେ ନାହିଁ କିମ୍ବା ଯଦି ସେମାନଙ୍କ ମଧ୍ୟରୁ କେତେକ ବାହାରକୁ ଚାଲିଯାଇଛନ୍ତି, ସେମାନେ ଅନ୍ୟ ଦେଶକୁ ଯାତ୍ରା କରିବାକୁ ସକ୍ଷମ ହେବେନାହିଁ।

The post ଏବେ କ’ଣ କରିବେ ଶେଖ ହାସିନା? ୟୁନୁସ୍‌ ସରକାର ନେଲେ ବଡ଼ ନିଷ୍ପତ୍ତି, ବାତିଲ କଲେ… appeared first on Dharitri Odia News.