ଏହି ଅଭିନେତ୍ରୀଙ୍କୁ ଡେଟ୍‌ କରୁଛନ୍ତି ଆହାନ! ଭାଇରାଲ ହେଉଛି I Love You ପୋଷ୍ଟ

ମୁମ୍ବାଇ: ମୋହିତ ସୁରିଙ୍କ ନିର୍ଦ୍ଦେଶିତ ‘ସାୟାରା’ ବକ୍ସ ଅଫିସରେ ଧମାକା କରୁଛି। ଫିଲ୍ମରେ ଆହାନ ପାଣ୍ଡେ ଏବଂ ଅନୀତ ପଡ୍ଡା ମୁଖ୍ୟ ଭୂମିକାରେ ଅଛନ୍ତି। ସାୟାରାକୁ ନେଇ ସବୁଠି ଆଲୋଚନା ହେଉଛି। ଫିଲ୍ମଟି ସକାରାତ୍ମକ ସମୀକ୍ଷା ପାଇଛି। ଏହି ସମୟରେ, ଆହାନ ପାଣ୍ଡେଙ୍କ ପ୍ରେମ ଜୀବନ ବିଷୟରେ ଖବର ଆସିବା ଆରମ୍ଭ ହୋଇଛି। ନିକଟରେ ଶ୍ରୁତି ଚୌହାନ ସାୟାରାକୁ ପ୍ରଶଂସା କରିଛନ୍ତି। ତାଙ୍କର ଏହି ପୋଷ୍ଟ ପରେ, ଆହାନ ଏବଂ ଶ୍ରୁତିଙ୍କ ସମ୍ପର୍କର ଖବର ବ୍ୟାପିଛି। ପ୍ରକୃତରେ, ଶ୍ରୁତି ପୋଷ୍ଟରେ ଆହାନଙ୍କୁ ଆଇ ଲଭ ୟୁ ଲେଖିଥିଲେ।

ଶ୍ରୁତି ଚୌହାନ ଫିଲ୍ମ ସାୟାରା ସମୀକ୍ଷା କରିଛନ୍ତି। ସେ ଲେଖିଛନ୍ତି, ’ପୁଣି ଥରେ ମୋହିତ ସୁରିଙ୍କ ଯାଦୁ ସିନେମାରେ ବ୍ୟାପିଛି ଏବଂ ମୁଁ ଏଥିରୁ ବାହାରି ପାରୁନାହିଁ। ଅନୀତ ପଡ୍ଡା ତୁମେ ଚମତ୍କାର ଅଭିନୟ କରିଛ । ଶାନୁ ଶର୍ମା ତୁମର କଠିନ ପରିଶ୍ରମ ଏବଂ ବିଶ୍ୱାସ। ସମଗ୍ର ଦଳକୁ ଅଭିନନ୍ଦନ।’

ଯେଉଁ ପୁଅ ସାରା ଜୀବନ ଏହି ସ୍ବପ୍ନ ଦେଖିଥିଲା, ଯେଉଁ ପୁଅ ଯେତେବେଳେ କେହି ଦେଖି ନଥିଲେ, ସେ ନିଜ ଉପରେ ବିଶ୍ୱାସ କରିଥିଲା। ଯେଉଁ ପୁଅ ଏସବୁ ପାଇଁ ସବୁକିଛି ଦେଇଥିଲା। ଯିଏ ଏହା ସବୁକିଛି ପାଇବାକୁ ଯୋଗ୍ୟ ଥିଲା। ଆହାନ ପାଣ୍ଡେ ଆଇ ଲଭ୍‌ ୟୁ। ମୁଁ ତୁମ ପାଇଁ ବହୁତ ଗର୍ବିତ। ମୁଁ କାନ୍ଦୁଛି, ଚିତ୍କାର କରୁଛି ଏବଂ ତୁମ ପାଇଁ ଆହୁରି କାମନା କରୁଛି। ଦୁନିଆ ଏବେ ତୁମକୁ ଏବଂ ତୁମେ କ’ଣ କରିପାରିବ ତାହା ଜାଣିସାରିଛି। ସବୁବେଳେ ଭଲ ପାଇବା।
ଶ୍ରୁତିଙ୍କ ଏହି ଲେଖି ଜୋରସୋରରେ ଭାଇରାଲ ହେବାରେ ଲାଗିଛି।

The post ଏହି ଅଭିନେତ୍ରୀଙ୍କୁ ଡେଟ୍‌ କରୁଛନ୍ତି ଆହାନ! ଭାଇରାଲ ହେଉଛି I Love You ପୋଷ୍ଟ appeared first on Dharitri Odia News.