କନଫର୍ମ ହେଲା ‘କ୍ରିଶ-୪’, ଫିଲ୍ମର ନିର୍ଦ୍ଦେଶନା ଦେବେ ହ୍ରିତିକ୍ ରୋଶନ

ମୁମ୍ଵାଇ ୨୮।୦୩; ହ୍ରିତିକ ରୋଶନଙ୍କ ପ୍ରଶଂସକଙ୍କ ଅପେକ୍ଷାର ଅନ୍ତ ଘଟିଛି । 'କ୍ରିଶ୍ ୪' ନେଇ ବଡ଼ ଅପଡେଟ ସାମ୍ନାକୁ ଆସିଛି ବହୁତ ଦିନ ଧରି 'କ୍ରିଶ୍ ୪' ପାଇଁ ପ୍ରଶଂସକ ଉତ୍ସାହର ସହିତ ଅପେକ୍ଷା କରିଥିଲେ । ଏବେ କନଫର୍ମ ହୋଇଛି ଯେ ଫିଲ୍ମ "କ୍ରିଶ୍ ୪" ନିର୍ମିତ ହେବାକୁ ଯାଉଛି। 'କ୍ରିଶ ୪' ଆଉ କେହି ନୁହେଁ ବରଂ ରାକେଶ ରୋଶନଙ୍କ ଦ୍ୱାରା ନିର୍ମିତ ହେବାକୁ ଯାଉଛି । ଏହି ବିଗ୍‌ ବଜେଟ୍ ଫିଲ୍ମକୁ ୟଶ ରାଜ ଫିଲ୍ମସ୍ ମାଲିକ ଆଦିତ୍ୟ ଚୋପ୍ରାଙ୍କ ସମର୍ଥନ ମିଳିଛି । ରାକେଶ ରୋଶନ ଏବଂ ଆଦିତ୍ୟ ଚୋପ୍ରା ମିଳିତ ଭାବରେ କ୍ରିଶ୍ ୪ ନିର୍ମାଣ କରୁଛନ୍ତି । 

BIGGG NEWS – IT'S OFFICIAL... RAKESH ROSHAN - ADITYA CHOPRA TO JOINTLY PRODUCE 'KRRISH 4'... HRITHIK ROSHAN TURNS DIRECTOR... #HrithikRoshan turns director for #India's biggest superhero franchise #Krrish4.#Krrish4 will be produced by #AdityaChopra [#YashRajFilms] in… pic.twitter.com/HYYsqrXDbF— taran adarsh (@taran_adarsh) March 28, 2025

'କ୍ରିଶ୍ ୪'ର ନିର୍ଦ୍ଦେଶନା ହ୍ରିତିକ ରୋଶନ ଦେବେ । ଏହି ଖୁସି ଖବରଟି ବରିଷ୍ଠ ଟ୍ରେଡ ଆନାଲିଷ୍ଟ ତରୁଣ ଆଦର୍ଶଙ୍କ ଦ୍ୱାରା ସେୟାର କରାଯାଇଛି। ତରୁଣ ଆଦର୍ଶ ତାଙ୍କର ସମସ୍ତ ସୋସିଆଲ ମିଡିଆ ହ୍ୟାଣ୍ଡେଲରେ 'କ୍ରିଶ୍ ୪' ର ଖୁସି ଖବର ସେୟାର କରିଛନ୍ତି। ଏନେଇ ସେ ଲେଖିଛନ୍ତି, 'ବଡ଼ ଖବର, ରାକେଶ ରୋଶନ ଏବଂ ଆଦିତ୍ୟ ଚୋପ୍ରା ମିଳିତ ଭାବରେ ଫିଲ୍ମ 'କ୍ରିଶ ୪' ନିର୍ମାଣ କରିବେ। ହ୍ରିତିକ ରୋଶନ ପ୍ରଥମ ଥର ପାଇଁ ଫିଲ୍ମ ନିର୍ଦ୍ଦେଶନା ଦେବାକୁ ଯାଉଛନ୍ତି। ଏହା ଭାରତର ସବୁଠାରୁ ବଡ଼ ସୁପରହିରୋ ଫ୍ରାଞ୍ଚାଇଜ୍ 'କ୍ରିଶ ୪'। ବର୍ତ୍ତମାନ ଫିଲ୍ମର ଷ୍ଟାରକାଷ୍ଟ ପ୍ରକାଶ କରାଯାଇ ନାହିଁ । କୁହାଯାଉଛି ଯେ ଏହି ଫିଲ୍ମଟି ୨୦୨୬ ପ୍ରାରମ୍ଭରେ ସୁଟିଂ ଆରମ୍ଭ ହେବ।

କହିବାକୁ ଗଲେ ରାକେଶ ରୋଶନ ୨୦୦୩ ମସିହାରେ ଫିଲ୍ମ "କୋଇ ମିଲ୍ ଗୟା" ନିର୍ଦ୍ଦେଶନା ଦେଇଥିଲେ। ଯାହାର ଡିଷ୍ଟ୍ରିବ୍ୟୁଟର ଥିଲା ୟଶ ରାଜ ଫିଲ୍ମସ୍ । ସେ ୨୦୦୬ ମସିହାରେ "କ୍ରିଶ୍" ଏବଂ ୨୦୧୩ ମସିହାରେ "କ୍ରିଶ୍ ୩" ନିର୍ଦ୍ଦେଶନା ଦେଇଥିଲେ। ଏବେ 'କ୍ରିଶ୍ ୪'ର ନିର୍ଦ୍ଦେଶନା ହ୍ରିତିକ ରୋଶନ ଦେବେ । ଏହି ଫିଲ୍ମ ସହ ହ୍ରିତିକ ନିର୍ଦ୍ଦେଶନାରେ ଡେବ୍ୟୁ କରିବେ। ଏହି ଖବର ଶୁଣିବା ପରେ ଫ୍ୟାନ୍ସଙ୍କ ମଧ୍ୟରେ ଉତ୍ସାହ ବଢିଯାଇଛି ।