କାହା ପାଇଁ ବିପଦରେ କେଜରିଓ୍ବାଲ? ଆଠ ଦିନ ପରେ ଛାଡିବେ ଘର-ଗାଡି

ନୂଆଦିଲ୍ଲୀ,୧୮।୯: ମଙ୍ଗଳବାର ଆମ ଆଦମୀ ପାର୍ଟିର ଜାତୀୟ ସଂଯୋଜକ ତଥା ଦିଲ୍ଲୀର କାର୍ଯ୍ୟକାରୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଲେଫ୍ଟନାଣ୍ଟ ଗଭର୍ଣ୍ଣର ଭି.କେ ସାକ୍ସେନାଙ୍କ ନିକଟରେ ଇସ୍ତଫା ପତ୍ର ଦାଖଲ କରିଛନ୍ତି। ଏବେ ସେ ଦିଲ୍ଲୀ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି। ଦଳ ମଧ୍ୟ ଅତିଶୀଙ୍କୁ ପରବର୍ତ୍ତି ମୁଖ୍ୟମନ୍ତ୍ରୀ ଭାବେ ବାଛି ସାରିଛି। ଏବେ ଏଏପି ନେତା ସଞ୍ଜୟ ସିଂ କହିଛନ୍ତି ଯେ ଇସ୍ତଫା ଦେବା ପରେ କେଜରିୱାଲ ଜନସାଧାରଣଙ୍କ ମଧ୍ୟରେ ରହିବେ। ସେ ଏହା ମଧ୍ୟ କହିଛନ୍ତି ଯେ ସେ (କେଜରିୱାଲ) କେଉଁଠାରେ ରହିବେ ତାହା ଏପର୍ଯ୍ୟନ୍ତ ସ୍ଥିର ହୋଇନାହିଁ।
ସେ ଜନସାଧାରଣଙ୍କ ମଧ୍ୟରେ ରହିବେ। ଇସ୍ତଫା ଗ୍ରହଣ ହେବାର ଆଠ ଦିନ ପରେ କେଜରିୱାଲ ତାଙ୍କ ସରକାରୀ ବାସଭବନ ଛାଡିବେ। ରାଜ୍ୟ ସଭା ଏମପି ସଞ୍ଜୟ ସିଂ କହିଛନ୍ତି ଯେ ସେ ଜନସାଧାରଣଙ୍କର ସଚ୍ଚୋଟତାର ସହ ସେବା କରିଛନ୍ତି।
କେଜରିୱାଲଙ୍କ ସୁରକ୍ଷାକୁ ନେଇ ଚିନ୍ତା ରହିଛି। କେଜରିୱାଲଙ୍କ ସୁରକ୍ଷା ଏବେ ବିପଦରେ ବୋଲି କୁହାଯାଉଛି। କେଜରିୱାଲଙ୍କୁ ଜାତୀୟ ଦଳର ଜାତୀୟ ସଭାପତି ଭାବରେ ସରକାରୀ ବାସଭବନ ପାଇଁ ଅନୁମତି ଦିଆଯିବା ପ୍ରଶ୍ନରେ ସଞ୍ଜୟ ସିଂ କହିଛନ୍ତି, ଯେ ଏପର୍ଯ୍ୟନ୍ତ ଏହା ବିଷୟରେ ଆଲୋଚନା କରାଯାଇ ନାହିଁ ଏବଂ ଯଦି କିଛି ଘଟେ ତେବେ ତାଙ୍କୁ କୁହାଯିବ।
ଦିଲ୍ଲୀରେ ନୂତନ ମୁଖ୍ୟମନ୍ତ୍ରୀଙ୍କ ଘୋଷଣା ସହିତ ଦିଲ୍ଲୀ କ୍ୟାବିନେଟରେ ଏକ ବଡ଼ ଧରଣର ପରିବର୍ତ୍ତନ ହେବାର ସମ୍ଭାବନା ମଧ୍ୟ ପ୍ରକାଶ ପାଇଛି। ଆମ ଆଦମୀ ପାର୍ଟିର ନେତୃତ୍ୱ ଦିଲ୍ଲୀ କ୍ୟାବିନେଟରେ ପରିବର୍ତ୍ତନ କରି ଦିଲ୍ଲୀର ବିକାଶକୁ ତ୍ୱରାନୱିତ କରିବାକୁ ଚାହୁଁଛନ୍ତି। ଦୁଇଟି ନୂଆ ଚେହେରା ଅତିଶୀ ମାର୍ଲେନାଙ୍କ କ୍ୟାବିନେଟରେ ଅନ୍ତର୍ଭୁକ୍ତ କରାଯାଇପାରେ। ତିନି ନେତାଙ୍କ ନାମ ଆଗକୁ ଯାଉଛି। ଯାହାଙ୍କୁ ଅତିଶୀଙ୍କ କ୍ୟାବିନେଟରେ ଅନ୍ତର୍ଭୂକ୍ତ କରାଯାଇପାରେ।

The post କାହା ପାଇଁ ବିପଦରେ କେଜରିଓ୍ବାଲ? ଆଠ ଦିନ ପରେ ଛାଡିବେ ଘର-ଗାଡି appeared first on Dharitri Odia News.