କେଜ୍‌ରିଓ୍ବାଲଙ୍କ ଜାମିନ ଆବେଦନ ରାୟକୁ ସଂରକ୍ଷିତ ରଖିଲେ ହାଇକୋର୍ଟ

ନୂଆଦିଲ୍ଲୀ,୨୯ା୭: ଅବକାରୀ ନୀତି ସହ ଜଡ଼ିତ ଦୁର୍ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ଜାମିନ ଆବେଦନ ଉପରେ ଦିଲ୍ଲୀ ହାଇକୋର୍ଟ ସୋମବାର ରାୟ ସଂରକ୍ଷିତ ରଖିଛନ୍ତି। ଆମ୍‌ ଆଦ୍‌ମୀ ପାର୍ଟି ଆବାହକ ଏବଂ ତଦନ୍ତକାରୀ ସଂସ୍ଥା ସିବିଆଇ ଓକିଲଙ୍କ ଯୁକ୍ତି ଶୁଣିବା ପରେ ଜଷ୍ଟିସ୍‌ ନୀନା ବଂଶଲ କ୍ରିଷ୍ଣାଙ୍କ ଖଣ୍ଡପୀଠ ରାୟ ସଂରକ୍ଷିତ ରଖିଥିଲେ। କେଜ୍‌ରିଓ୍ବାଲ ଅବକାରୀ ଦୁର୍ନୀତିର ସୂତ୍ରଧର ବୋଲି ଦର୍ଶାଇ ସିବିଆଇ ତାଙ୍କ ଜାମିନକୁ ବିରୋଧ କରିଥିଲା। ସେ ଜାମିନରେ ବାହାରିଲେ ସାକ୍ଷୀଙ୍କୁ ପ୍ରଭାବିତ କରିବେ ବୋଲି ତଦନ୍ତକାରୀ ସଂସ୍ଥା କହିଥିଲା। ଅନ୍ୟପକ୍ଷରେ କେଜ୍‌ରିଓ୍ବାଲଙ୍କୁ ଜେଲରୁ ବାହାର କରାଇ ନ ଦେବା ପାଇଁ ତାଙ୍କୁ ସିବିଆଇ ଗିରଫ କରିଥିବା ବରିଷ୍ଠ ଆଇନଜୀବୀ ଅଭିଷେକ ମନୁ ସିଙ୍ଘଭି କହିଥିଲେ। ଏହାର କିଛି ଘଣ୍ଟା ପୂର୍ବରୁ ସିବିଆଇ କେଜ୍‌ରିଓ୍ବାଲଙ୍କ ବିରୋଧରେ ଦିଲ୍ଲୀର ରାଉସ୍‌ ଆଭେନ୍ୟୁ କୋର୍ଟରେ ଚାର୍ଜଶିଟ୍‌ ଦାଖଲ କରିଥିଲା। ସୂଚନାଯୋଗ୍ୟ, ମନିଲଣ୍ଡରିଂ ମାମଲା ଇଡି କେଜ୍‌ରିଓ୍ବାଲଙ୍କୁ ମାର୍ଚ୍ଚ ୨୧ରେ ଗିରଫ କରିଥିବାବେଳେ ସିବିଆଇ ତାଙ୍କୁ ଜାମିନ ମଞ୍ଜୁର କରିଥିଲେ। ସେ ତିହାର ଜେଲରୁ ବାହାରିବା ପୂର୍ବରୁ ଜୁନ୍‌ ୨୬ରେ ଅବକାରୀ ଦୁର୍ନୀତି ମାମଲାରେ ସିବିଆଇ ତାଙ୍କୁ ଗିରଫ କରିଥିଲା।

The post କେଜ୍‌ରିଓ୍ବାଲଙ୍କ ଜାମିନ ଆବେଦନ ରାୟକୁ ସଂରକ୍ଷିତ ରଖିଲେ ହାଇକୋର୍ଟ appeared first on Dharitri Odia News.