କେଜ୍ରିୱାଲ ହିଁ ମାଷ୍ଟରମାଇଣ୍ଡ: କୋର୍ଟଙ୍କ ସାମନାରେ କ'ଣ-କ'ଣ କହିଲା ଇଡି, ୬୦୦ କୋଟିର ଲାଞ୍ଚ କରବାର ଦାବି

ନୂଆଦିଲ୍ଲୀ: ଦିଲ୍ଲୀର କଥିତ ମଦ ଦୁର୍ନୀତି ମାମଲାରେ ଗିରଫ ହୋଇଥିବା ମୁଖ୍ୟମନ୍ତ୍ରୀ ଅରବିନ୍ଦ କଜ୍ରିୱାଲଙ୍କୁ ନେଇ ପ୍ରବର୍ତ୍ତନ ନିର୍ଦ୍ଦେଶାଳୟ ଶୁକ୍ରବାର କୋର୍ଟରେ ଅନେକ ବଡ଼ ଦାବି କରିଛି । ରାଉଜ ଏଭେନନ୍ୟୁ କୋର୍ଟରେ ହାଜର କରି କେଜ୍ରିୱାଲଙ୍କୁ ଦୁର୍ନୀତିର ମଷ୍ଟରମାଇଣ୍ଡ ବୋଲି ଇଡ଼ି କହିଛି । ତଦନ୍ତକାରୀ ସଂସ୍ଥା ଅନେକ ଯୁକ୍ତି ସହ କୋର୍ଟକୁ ଏହା ଜଣାଇବାକୁ ପ୍ରୟାସ କରିଛି ଯେ ଦିଲ୍ଲୀର ମୁଖ୍ୟମନ୍ତ୍ରୀ ଭାବେ କିପରି ସେ ଅବକାରୀ ନୀତି ପ୍ରସ୍ତୁତ ଏବଂ ଲାଗୁ କରିବାରେ ଭୂମିକା ଗ୍ରହଣ କରିଥିଲେ ।

ଇଡି ପକ୍ଷରୁ ଯୁକ୍ତି ରଖୁଥିବା ଏଏସଜି ଏସଭି ରାଜୁ କୋର୍ଟଙ୍କୁ ୧୦ ଦିନିଆ ରିମାଣ୍ଡ ମାଗି କେଜ୍ରିୱାଲଙ୍କ ବିରୋଧରେ ଅନେକ ସଙ୍ଗୀନ ଅଭିଯୋଗ ଆଣିଛନ୍ତି । ଏଏଏଜି ରାଜୁ ଏହି ମାମଲାରେ କେଜ୍ରିୱାଲଙ୍କୁ ମାଷ୍ଟରମାଇଣ୍ଡ କହିବା ସହ ନୂଆ ଅବକାରୀ ନୀତିକୁ ପ୍ରସ୍ତୁତ ଏବଂ ଲାଗୁ କରିବାରେ ସେ ସିଧା ଯୋଡ଼ି ହୋଇଥିଲେ ବୋଲି କହିଛନ୍ତି । ଏହାସହ ମଦ ଦୁର୍ନୀତି ସହ ଜଡିତ ମନ ଲଣ୍ଡ୍ରିଂ ମାମଲାରେ ଗିରଫ ସମସ୍ତ ଅଭିଯୁକ୍ତଙ୍କ ସହ କେଜ୍ରିୱାଲଙ୍କ ସମ୍ପର୍କ କଥା ଉଲ୍ଲେଖ କରିଛନ୍ତି । ଏହି କେସରେ ଜେଲ ଯାଇ ସାରିଥିବା ବିଜୟ ନାୟରଙ୍କ କଥା ମଧ୍ୟ ଉଲ୍ଲେଖ କରି କେଜ୍ରିୱାଲଙ୍କ ସହ ତାଙ୍କ ଘନିଷ୍ଠ ସମ୍ପର୍କ ଥିବା କୁହାଯାଇଛି ।

ପଢନ୍ତୁ: ED ଅଫିସରେ କେମିତି କଟିଲା ଅରବିନ୍ଦ କେଜରିୱାଲଙ୍କ ରାତି, ଜାଣନ୍ତୁ ସକାଳୁ ଉଠି କଲେ କ’ଣ?

ଏଏସଜି କହିଛନ୍ତି ଯେ କେଜ୍ରିୱାଲ ଅପରାଧିକ ପ୍ରକ୍ରିୟାରେ ସାମିଲ ଥିଲେ ଏବଂ ଗୋଆ ନିର୍ବାଚନ ପ୍ରଚାର ସହ ଜଡିତ ଥିଲେ । ସେ ପାର୍ଟିର ମୁଖିଆ । ସେ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ସହ ଲଗାତାର ଯୋଗାଯୋଗରେ ଥିଲେ । ଏଏସଜି କହିଛନ୍ତି, ବିଜୟ ନାୟର କେଜ୍ରିୱାଲଙ୍କ ଘର ନିକଟରେ ରହୁଥିଲା । ସେ ଦିଲ୍ଲୀ ସରକାରରେ ମନ୍ତ୍ରୀ କୈଳାସ ଗେହଲଟଙ୍କୁ ମିଳିଥିବା ଘରେ ରହୁଥିଲା । କିନ୍ତୁ ଆପ୍ ଏବଂ ସାଉଥ୍ ଗ୍ରୁପ୍ ମଧ୍ୟରେ ମଧ୍ୟସ୍ଥି ଭୂମିକାରେ ରହିଥିଲା ।

ଇଡି କୋର୍ଟରେ ଦାବି କରିଛି ଯେ କେଜ୍ରିୱାଲ ଲାଭ ଦେବା ପାଇଁ ସାଉଥ୍ ଗ୍ରୁପକୁ ଲାଞ୍ଚ ମାଗିଥିଲେ । ଏସସଜି ନିଜ ପକ୍ଷରେ ଯୁକ୍ତି ରଖି କହିଥିଲେ ଯେ ଲାଞ୍ଚ ବଦଳରେ ସାଉଥ୍ ଗ୍ରୁପକୁ ଦିଲ୍ଲୀରେ ମଦ କରାବାର ଉପରେ ନିୟନ୍ତ୍ରଣ ଦିଆଯାଇଥିଲା । ଏଏସଜି କହିଛନ୍ତି, 'ମୁଁ ଅପରାଧ ପ୍ରକ୍ରିୟାରେ ତାଙ୍କ ଭୂମିକା ବିଷୟରେ ଜଣାଇବି । ଅପରାଧ କେବଳ ଲାଞ୍ଚରେ ମିଳିଥିବା ୧୦୦ କୋଟି ଟଙ୍କାର ନୁହେଁ, ବରଂ ଲାଞ୍ଚ ଦେଇଥିବା ବ୍ୟକ୍ତିଙ୍କୁ ହୋଇଥିବା ଲାଭ ମଧ୍ୟ ସାମିଲ ଅଛି । ଏହା ୬୦୦ କୋଟିରୁ ଅଧିକ ଥିଲା । ସେ ଏହା ମଧ୍ୟ ଦାବି କରିଛନ୍ତି ଯେ ସମସ୍ତ ଭେଣ୍ଡର୍ସଙ୍କୁ କ୍ୟାସ ଦିଆଯାଇଛି । ଏଏସଜି କିଛି ଚାଟଙ୍କୁ କୋର୍ଟଙ୍କ ଆଗରେ ରଖିଥିଲେ ।'