କେଦାରନାଥରେ କେଉଁଠୁ ଆସିଲା ଡିଜେ? ଯୁବକଙ୍କ ନୃତ୍ୟକୁ ନେଇ ହଙ୍ଗାମା, Video Viral

ନୂଆଦିଲ୍ଲୀ,୬।୫: ଉତ୍ତରାଖଣ୍ଡର ଚାରି ଧାମ ହେଉଛି କେଦାରନାଥ, ବଦ୍ରିନାଥ, ଯମୁନୋତ୍ରୀ ଏବଂ ଗଙ୍ଗୋତ୍ରୀ ତୀର୍ଥସ୍ଥାନ। ପ୍ରତିବର୍ଷ ବହୁ ସଂଖ୍ୟକ ଭକ୍ତ ଏଠାକୁ ତୀର୍ଥଯାତ୍ରାରେ ଆସନ୍ତି। ଏବେ ଉତ୍ତରାଖଣ୍ଡର ଚାରିଧାମ ଯାତ୍ରା ଆରମ୍ଭ ହୋଇଛି। ପ୍ରାରମ୍ଭରେ, ଭକ୍ତମାନେ ବହୁ ସଂଖ୍ୟାରେ ଚାରିଧାମରେ ପହଞ୍ଚୁଛନ୍ତି। ଏହି ସମୟରେ ରୁଦ୍ରପ୍ରୟାଗ ଜିଲାରେ ଅବସ୍ଥିତ କେଦାରନାଥ ଧାମର ଏକ ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓ ଦେଖିବା ପରେ ଲୋକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି।

ଭିଡିଓ ଭାଇରାଲ ହେବା ପରେ ଲୋକଙ୍କ ମଧ୍ୟରେ ଅସନ୍ତୋଷ ଏବଂ କ୍ରୋଧ ପ୍ରକାଶ ପାଇଛି। କାଣଣ ଭାଇରାଲ ହୋଇଥିବା ଭିଡିଓରେ, କେଦାରନାଥ ମନ୍ଦିର ପରିସର ପଛରେ ଏକ ବଡ଼ ସ୍ପିକରରେ ବାଜୁଥିବା ପଞ୍ଜାବୀ ଗୀତର ତାଳେତାଳେ କିଛି ଯୁବକ ନାଚୁଥିବାର ଦେଖିବାକୁ ମିଳୁଛି। ଏହା ଏକ ସାର ଦୃଶ୍ୟ ପରି ମନେହେଉଛି। ସେଥିପାଇଁ ଲୋକମାନେ କ୍ରୋଧିତ ହେଉଛନ୍ତି। ଲୋକମାନେ ଏପରି କରିଥିବା ଯୁବକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି କରୁଛନ୍ତି। ସେମାନେ ଏହା ମଧ୍ୟ କହୁଛନ୍ତି ଯେ ମନ୍ଦିର ପ୍ରଶାସନ ଏପରି ଘଟଣା ପ୍ରତି ଧ୍ୟାନ ଦେବା ଉଚିତ। ଯାହା ଦ୍ୱାରା ଏହା ପୁନରାବୃତ୍ତି ନ ହୁଏ।

ଭିଡିଓରେ କେଦାରନାଥ ମନ୍ଦିର ପରିସର ପଛରେ ଏକ ସ୍ପିକର ଦେଖିବାକୁ ମିଳୁଛି। ପାର୍ଟି ଲାଇଟ ମଧ୍ୟ ଦେଖାଯାଉଛି। ସ୍ପିକରରେ ପଞ୍ଜାବୀ ଗୀତ ବାଜୁଛି ଏବଂ ଯୁବକମାନେ ନାଚୁଛନ୍ତି। ଏହି ଭିଡିଓଟି ସୋମବାର ସାମ୍ନାକୁ ଆସିଥିଲା। ଏହା ପରେ, ସୋସିଆଲ ମିଡିଆରେ ଲୋକଙ୍କ କ୍ରୋଧ ପ୍ରକାଶ ପାଉଛି। ମନ୍ଦିର ଭଳି ପବିତ୍ର ସ୍ଥାନରେ ଏପରି ଆଚରଣକୁ ଲୋକମାନେ ନିନ୍ଦା କରୁଛନ୍ତି।

କେହି ଜଣେ ସୋସିଆଲ ମିଡିଆରେ ଲେଖିଛନ୍ତି ଯେ କେଦାରନାଥ ଧାମରେ କି ଦୁର୍ଦ୍ଦଶା ସୃଷ୍ଟି ହୋଇଛି। ଆଉ କେହି ଜଣେ ଲେଖିଛନ୍ତି ଯେ ଏହି ଯୁବକମାନେ ବାହାରୁ ଆସିଛନ୍ତି। ସେ ଏହି ସ୍ଥାନର ପବିତ୍ରତାକୁ ଉଲ୍ଲଂଘନ କରିଛନ୍ତି। ସେମାନଙ୍କୁ କଠୋର ଦଣ୍ଡ ଦିଆଯିବା ଉଚିତ। ଯାହା ଦାରା ଏହିପରି ଭାବୁଥିବା ସମସ୍ତ ଲୋକଙ୍କ ପାଖରେ ଏକ ବାର୍ତ୍ତା ପହଞ୍ଚିପାରିବ। ଏହାକୁ ଆଦୌ ସହ୍ୟ କରାଯିବା ଉଚିତ ନୁହେଁ।

ଉଲ୍ଲେଖନୀୟ ଯେ କେଦାରନାଥ ଧାମ ହିନ୍ଦୁମାନଙ୍କ ପାଇଁ ଏକ ପବିତ୍ର ଆସ୍ଥା କେନ୍ଦ୍ର। ପ୍ରତିବର୍ଷ ଲକ୍ଷ ଲକ୍ଷ ଭକ୍ତ ଏଠାକୁ ବିଶ୍ୱାସ, ଭକ୍ତି ଏବଂ ଆଧ୍ୟାତ୍ମିକ ଶାନ୍ତି ପାଇଁ ଆସନ୍ତି। ଏପରି ପରିସ୍ଥିତିରେ, ଭାଇରାଲ ହୋଇଥିବା ଏହି ଭିଡିଓଟି ଅନେକ ଭକ୍ତଙ୍କୁ ଆଘାତ ଦେଇଛି।

The post କେଦାରନାଥରେ କେଉଁଠୁ ଆସିଲା ଡିଜେ? ଯୁବକଙ୍କ ନୃତ୍ୟକୁ ନେଇ ହଙ୍ଗାମା, Video Viral appeared first on Dharitri Odia News.