କେନ୍ଦ୍ରସରକାରଙ୍କ ବଜେଟରେ ଓଡ଼ିଶାକୁ ଉପେକ୍ଷା କରାଯାଇଛି : ବିଜେଡି ସାଂସଦ ମୁନା ଖାନ୍‌

କେନ୍ୟୁଜ(ବ୍ୟୁରୋ) : ଆଜି କେନ୍ଦ୍ର ସରକାରଙ୍କ ବଜେଟରେ ଓଡ଼ିଶାକୁ ଉପେକ୍ଷା କରାଯାଇଥିବା ନେଇ ଅଭିଯୋଗ କରିଛନ୍ତି ରାଜ୍ୟସଭା ସାଂସଦ ମୁନା ଖାନ୍‌ । ସେ କହିଛନ୍ତି ଯେ ବଜେଟରେ ଓଡିଶାକୁ ସେମିତି କିଛି ଦିଆଯାଇନାହିଁ । ଆନ୍ଦ୍ରପ୍ରଦେଶ ଓ ବିହାରକୁ ଯେଭଳି ଭାବେ ସ୍ପେସାଲ ପ୍ୟାକେଜ ଦିଆ ଯାଇଛି, ଓଡିଶାକୁ କେବଳ ଟ ୁରିଜିମ ଉପରେ ଅଳ୍ପ କିଛି ଦେଇ ଲଲିପପ୍‌ ଧରାଇ ଠକି ଦିଆଯାଇଛି । ଓଡ଼ିଶାରେ ଡବଲ ଇଂଜିନି ସରକାର ହେଲେ ଯାହାସବୁ କରିବେ ବୋଲି କହୁଥିଲେ କିଛି କରିନାହିଁ କେନ୍ଦ୍ର ସରକାର । ସେଥିପାଇଁ ଆମେ ବିଜେଡି ପକ୍ଷରୁ ପ୍ରତିବାଦ କରିଛୁ ଓ ବଜେଟ ଉପସ୍ଥାପନ ବେଳେ ଆମେ କକ୍ଷ ତ୍ୟାଗ କରିଛୁ । ଆଗାମୀ ଦିନରେ ଆମେ ପାର୍ଲ୍ୟାମେଣ୍ଟ ଭିତରେ ଓଡ଼ିଶାର ହକ୍‌ ପାଇଁ ଲଢ଼େଇ କରିବୁ । ବିଜେପି ଡବଲ ଇଂଜିନ ସରକାର ହେଲେ ଯାହା କରିବା କଥା କହିଥିଲା ତାହା କରିନାହିଁ । ଓଡ଼ିଶାକୁ ଠକି ଦେଇଛି, ତେଣୁ ଆଗାମୀ ଦିନରେ ଆମେ ବିଜେଡି ଦଳ ପକ୍ଷରୁ ଓଡିଶାର ହକ ପାଇଁ ଲଢ଼େଇ ଜାରି ରଖିବୁ ବୋଲି କହିଛନ୍ତି ସାଂସଦ ମୁନା ଖାନ୍‌ ।

The post କେନ୍ଦ୍ରସରକାରଙ୍କ ବଜେଟରେ ଓଡ଼ିଶାକୁ ଉପେକ୍ଷା କରାଯାଇଛି : ବିଜେଡି ସାଂସଦ ମୁନା ଖାନ୍‌ appeared first on KNews Odisha.