ଗାଁ ସମସ୍ୟା ନ ସୁଧୁରିଲେ ଭୋଟ ଦେବୁନି
ରାୟଗଡ଼ା,୧।୫(ଆଶିଷ ରଞ୍ଜନ ପଣ୍ଡା): ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ୍ ଧାମୁଣିପଙ୍ଗା ପଞ୍ଚାୟତ ଅନ୍ତର୍ଗତ ରାବୁଗୁଡ଼ା ଗ୍ରାମରେ ଆଜି ବି ମୌଳିକ ସୁବିଧା ଅପହଞ୍ଚ ହୋଇଛି। ଗାଁରେ ଆବଶ୍ୟକ ରାସ୍ତା ନ ଥିବା ବେଳେ ପାନୀୟ ଜଳ ଅଭାବ ଲୋକଙ୍କ ସମସ୍ୟାକୁ ଦ୍ୱିଗୁଣିତ କରିଛି। ସେହିପରି ଆବାସ ଯୋଜନାରେ ଅନେକ ଯୋଗ୍ୟ ବ୍ୟକ୍ତି ସାମିଲ ହୋଇନାହାନ୍ତି। ଫଳରେ ଲୋକଙ୍କ ସମସ୍ୟା ଦିନକୁ ଦିନ ବଢ଼ିବାରେ ଲାଗିଛି। ଗ୍ରାମର ସମସ୍ୟା ସମ୍ପର୍କରେ ବିଭିନ୍ନ ସମୟରେ ବ୍ଲକ୍ ଓ ଜିଲା ପ୍ରଶାସନକୁ […] The post ଗାଁ ସମସ୍ୟା ନ ସୁଧୁରିଲେ ଭୋଟ ଦେବୁନି appeared first on Dharitri Odia News.
ରାୟଗଡ଼ା,୧।୫(ଆଶିଷ ରଞ୍ଜନ ପଣ୍ଡା): ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ୍ ଧାମୁଣିପଙ୍ଗା ପଞ୍ଚାୟତ ଅନ୍ତର୍ଗତ ରାବୁଗୁଡ଼ା ଗ୍ରାମରେ ଆଜି ବି ମୌଳିକ ସୁବିଧା ଅପହଞ୍ଚ ହୋଇଛି। ଗାଁରେ ଆବଶ୍ୟକ ରାସ୍ତା ନ ଥିବା ବେଳେ ପାନୀୟ ଜଳ ଅଭାବ ଲୋକଙ୍କ ସମସ୍ୟାକୁ ଦ୍ୱିଗୁଣିତ କରିଛି। ସେହିପରି ଆବାସ ଯୋଜନାରେ ଅନେକ ଯୋଗ୍ୟ ବ୍ୟକ୍ତି ସାମିଲ ହୋଇନାହାନ୍ତି।
ଫଳରେ ଲୋକଙ୍କ ସମସ୍ୟା ଦିନକୁ ଦିନ ବଢ଼ିବାରେ ଲାଗିଛି। ଗ୍ରାମର ସମସ୍ୟା ସମ୍ପର୍କରେ ବିଭିନ୍ନ ସମୟରେ ବ୍ଲକ୍ ଓ ଜିଲା ପ୍ରଶାସନକୁ ଅବଗତ କରିଥିଲେ ମଧ୍ୟ କୌଣସି ସୁଫଳ ମିଳି ନ ଥିବା ଗ୍ରାମବାସୀ ଅଭିଯୋଗ କରିଛନ୍ତି। ଏପରିକି ସେହି ନିର୍ବାଚନମଣ୍ଡଳୀର ବିଧାୟକ ତଥା ମନ୍ତ୍ରୀ ଜଗନ୍ନାଥ ସାରକାଙ୍କୁ ମଧ୍ୟ ଗ୍ରାମର ସମସ୍ୟା ବିଷୟରେ ଅଭିଯୋଗ କରିଥିଲେ ମଧ୍ୟ କୌଣସି ସୁଫଳ ମିଳିନାହିଁ। ତେଣୁ ଗ୍ରାମର ସମସ୍ୟା ନ ସୁଧୁରିଲେ ରାବୁଗୁଡ଼ା ଗ୍ରାମର ସମସ୍ତ ଭୋଟର ଆଗାମୀ ସାଧାରଣ ନିର୍ବାଚନରେ ଭୋଟ ବର୍ଜନ କରିବା ପାଇଁ ନିଷ୍ପତ୍ତି ନେଇଛନ୍ତି। ଏଥିସହ କୌଣସି ରାଜନୈତିକ ଦଳ କିମ୍ବା ପ୍ରାର୍ଥୀଙ୍କୁ ଗାଁ ଭିତରେ ପଶେଇ ଦେଉନାହାନ୍ତି। ଗାଁ ଭିତରେ ପ୍ରଚାର ମନା ବୋଲି ରୋକ୍ଠୋକ୍ ଜଣାଇବା ସହ ଏଥିପାଇଁ ଗାଁ ମୁଣ୍ଡରେ ବାଡ଼ ଘେରାଇବା ସହ ଫଳକ ମଧ୍ୟ ଲଗାଇଛନ୍ତି। ଏପରିକି ଗାଁ ପ୍ରବେଶ ପଥ ରାସ୍ତା ମଧ୍ୟ ବନ୍ଦ କରାଯାଇଛି। ନିଜ ଅଧିକାର ପାଇଁ ଏହି ଅଭିନବ ପ୍ରତିବାଦ ନିଶ୍ଚିତ ଭାବରେ ସ୍ବାଗତଯୋଗ୍ୟ ବୋଲି ନିକଟସ୍ଥ ଗ୍ରାମର ଲୋକେ କହିଛନ୍ତି। ଆବଶ୍ୟକ ହେଲେ ରାବୁଗୁଡ଼ା ଗ୍ରାମର ଲୋକଙ୍କ ସହ ସେମାନେ ମଧ୍ୟ ସାମିଲହେବେ ବୋଲି କହିଛନ୍ତି।
ରାବୁଗୁଡ଼ା ଗ୍ରାମରେ ୩୧ ଆଦିବାସୀ ପରିବାର ବସବାସ କରୁଛନ୍ତି। ଜନସଂଖ୍ୟା ପ୍ରାୟ ୫୦୦। ସରକାରଙ୍କ ବିଭିନ୍ନ ଯୋଜନାରୁ ଆଜି ବି ଏହି ଗ୍ରାମବାସୀ ବଞ୍ଚତ୍ତ ରହିଛନ୍ତି। ଗାଁରେ ପାନୀୟଜଳର ସୁବିଧା ନ ଥିବାରୁ ଗ୍ରାମବାସୀ ବାଧ୍ୟହୋଇ ଝରଣାପାଣି ବ୍ୟବହାର କରୁଛନ୍ତି। ସେହିପରି ଆଦିବାସୀ ପରିବାରକୁ ଆବାସ ଯୋଜନାରେ ସାମିଲ ପାଇଁ ବାରମ୍ବାର ଅଭିଯୋଗ କରାଗଲେ ମଧ୍ୟ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଉନାହିଁ। ବର୍ଷାଋତୁରେ କଲ୍ୟାଣୀ ନଦୀ ବାଟ ଓଗାଳୁଥିବାରୁ ଅଧିକାଂଶ ସମୟ ଏହି ଗ୍ରାମ ଜଳବନ୍ଦୀ ରହୁଛି। ଗ୍ରାମବାସୀ ଏମିତି ନାନା ସମସ୍ୟା ଭିତରେ ପେଷି ହେବାପରେ ଏହି ଅଭିନବ ପ୍ରତିବାଦ କରିଛନ୍ତି। ଆଉ ଗାଁ ମୁଣ୍ଡରେ ବାଡ଼ ବେଢି ପ୍ରଚାର ପାଇଁ ଆସିବେ ନାହିଁ ବୋଲି ଫଳକ ଲଗାଇବା ପରେ କୌଣସି ରାଜନୈତିକ ଦଳ ଗାଁ ଭିତରକୁ ଯିବାକୁ ସାହସ କରୁନାହାନ୍ତି । ଏ ସମ୍ପର୍କରେ କଲ୍ୟାଣସିଂହପୁର ବିଡିଓ ମନୀଷା ଦାସ କହିଛନ୍ତି, କଲ୍ୟାଣୀ ନଦୀ ଉପରେ ପୋଲ ନିର୍ମାଣ ପାଇଁ ଗ୍ରାମ୍ୟ ନିର୍ମାଣ ବିଭାଗକୁ ଜଣାଯାଇଛି। ଖୁବ୍ଶୀଘ୍ର ପାନୀୟ ଜଳ ସମସ୍ୟା ସମାଧାନ କରାଯିବ। ଆବାସ ଯୋଜନା ତଥ୍ୟ ସଂଗ୍ରହ ହେଉଛି। ଏଥିସହ ସେହି ଗ୍ରାମର ଭୋଟର କିଭଳି ଭୋଟଦାନ କରିବେ ସେ ନେଇ ସଚେତନତା କରାଯାଉଛି ବୋଲି ବିଡିଓ ଦାସ କହିଛନ୍ତି।
The post ଗାଁ ସମସ୍ୟା ନ ସୁଧୁରିଲେ ଭୋଟ ଦେବୁନି appeared first on Dharitri Odia News.