‘ଗୃହମନ୍ତ୍ରୀ ଥାଇ ବି କାଶ୍ମୀର ଗସ୍ତରେ ଭୟ ଲାଗୁଥିଲା’, ସୁଶୀଲ ସିନ୍ଦେଙ୍କ ବୟାନକୁ ନେଇ ଚର୍ଚ୍ଚା

ନୂଆଦିଲ୍ଲୀ: ଜାମ୍ମୁ କାଶ୍ମୀରରେ ପର୍ଯ୍ୟଟନ ବଢୁଛି । ଶ୍ରୀନଗର ଲାଲ ଚୌକରେ ପୂର୍ବରୁ ପାକିସ୍ତାନ ଏବଂ ଆଇଏସ୍‌ଆଇଏସ୍‌ର ପତାକା ଦେଖିବାକୁ ମିଳୁଥିଲା, କିନ୍ତୁ ଆଜି ତ୍ରିରଙ୍ଗା ସେଠାରେ ଫର୍‌ଫର୍‌ କରି ଉଡ଼ୁଛି । ଆଜି କାଶ୍ମୀରର ସୁନ୍ଦରତାକୁ ନିର୍ଭୟରେ ଲୋକେ ଉପଭୋଗ କରୁଛନ୍ତି । କିନ୍ତୁ ଦିନେ ସମୟ ଏପରି ଥିଲା ଯେତେବେଳେ ଦେଶର ଗୃହମନ୍ତ୍ରୀ ମଧ୍ୟ ଲାଲ୍ ଚୌକକୁ ଯିବା ପାଇଁ ଭୟ କରୁଥିଲେ । ଏହା ଆମେ ନାହୁଁ ବରଂ ୟୁପିଏ ସରକାରରେ କେନ୍ଦ୍ର ଗୃହମନ୍ତ୍ରୀ ଥିବା ସୁଶୀଲ କୁମାର ସିନ୍ଦେ ନିଜେ ଏକଥା କହିଛନ୍ତି । ନିଜର ପୁସ୍ତକ ‘ଫାଇଭ୍ ଡେକେଡ୍ ଅଫ୍ ପଲିଟିକ୍ସ’ର ଉନ୍ମୋଚନ ବେଳେ ସେ ଏହି କଥା କହିଛନ୍ତି ।

ସୁଶୀଲ କୁମାର ସିନ୍ଦେ କହିଛନ୍ତି, ‘ମୁଁ ଗୃହମନ୍ତ୍ରୀ ଥିବା ବେଳେ ଲାଲ୍ ଚୌକରେ ଭାଷଣ ଦେବାକୁ ଯାଇଥିଲି, କିନ୍ତୁ ମନ ଭିତରେ ମୁଁ ଭୟଭୀତ ଥିଲି । ଲାଲ୍ ଚୌକରେ ଭାଷଣ ଦେଇ ମୋତେ ପବ୍ଲିସିଟି ମଧ୍ୟ ମିଳିଲା, କିନ୍ତୁ ଭିତରେ ମୋତେ ଡର ଲାଗୁଥିଲା ।‘

#WATCH | Delhi: At the launch of his memoir 'Five Decades of Politics', Congress leader Sushilkumar Shinde says, "Before I became the Home Minister, I visited him (educationist Vijay Dhar). I used to ask him for advice. He advised me to not roam around but to visit Lal Chowk (in… pic.twitter.com/MJ4QhrKbwa— ANI (@ANI) September 10, 2024

ସୁଶୀଲ ସିନ୍ଦେଙ୍କ ପୁସ୍ତକ ଉନ୍ମୋଚନ ଅବସରରେ କଂଗ୍ରେସର ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ, ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଦିଗ୍‌ବିଜୟ ସିଂହ ବ୍ୟତୀତ ପ୍ରତିଷ୍ଠିତ ଶିକ୍ଷାବିତ୍ ବିଜୟ ଧର ଉପସ୍ଥିତ ଥିଲେ । ବିଜୟ ଧର ପୂର୍ବତନ ଗୃହମନ୍ତ୍ରୀ ସିନ୍ଦେଙ୍କ ଘନିଷ୍ଠ । ସୁଶୀଲ ସିନ୍ଦେ ଅନେକ ସମୟରେ ବିଜୟ ଧରଙ୍କଠାରୁ ପରାମର୍ଶ ନେଉଥିଲେ । ବିଜୟଙ୍କ ଏକ ପରାମର୍ଶ କଥା ଉଲ୍ଲେଖ କରି ପୂର୍ବତନ କେନ୍ଦ୍ର ଗୃହମନ୍ତ୍ରୀ ଲାଲ୍ ଚୌକ କଥା ମନେ ପକାଇଛନ୍ତି ।