ଚୀନ ଛାଡୁଛନ୍ତି ଆମେରିକା କମ୍ପାନୀ, ନିବେଶକ ଅନୁକୂଳ ନୀତି ସୁହାଉଛି
ନୂଆଦିଲ୍ଲୀ ୨୩/୦୯: ଆମେରିକା ଏବଂ ଚୀନ ମଧ୍ୟରେ ବଢ଼ୁଥିବା ସମସ୍ୟା ଯୋଗୁ ଏବେ ଚୀନରେ ବ୍ୟବସାୟ ବାତାବରଣ ବଦଳୁଛି । ଏଭଳି ସ୍ଥିତିରେ ୫୦ ଆମେରିକୀୟ କମ୍ପାନି ଚୀନରୁ ନିଜ କାରବାର ବନ୍ଦ କରିବାକୁ ଏବେ ଯୋଜନା କରୁଛନ୍ତି । ଏହି କମ୍ପାନି ଗୁଡିକ ଚୀନରେ ୧୨ ଲକ୍ଷ କୋଟି ଟଙ୍କା ନିବେଶ କରିଛନ୍ତି । ଏହା ମଧ୍ୟରୁ ୧୫ କମ୍ପାନି ଭାରତ ଆସିବାକୁ ଚାହୁଁଛନ୍ତି । ଆମେରିକା ଚାମ୍ବର ଅଫ୍ କମର୍ସ ୩୦୬ କମ୍ପାନିଙ୍କ ଏକ ରିପୋର୍ଟ ଜାରି କରିବା ସହ ଏଭଳି ଦାବି କରିଛି । ଏହି ରିପାର୍ଟ ମୁତାବକ, ମେକ୍ସିକୋ, ୟୁରୋପ ଏବଂ ଆମେରିକାକୁ ଛାଡି ଭାରତ ଏବେ ନିବେଶକଙ୍କ ପସନ୍ଦ ପାଲଟିଛି । ନିବେଶ କ୍ଷେତ୍ରରେ ଗତ ବର୍ଷ ଭାରତ ୫ମ ସ୍ଥାନରେ ଥିଲା । ଚଳିତ ବର୍ଷ ଭାରତ ଦ୍ୱିତୀୟ ସ୍ଥାନରେ ରହିଛି । ପ୍ରଥମ ସ୍ଥାନରେ ଦକ୍ଷିଣ ପୂର୍ବ ଏସିଆ ରହିଛି । ଇଣ୍ଡୋନେସିଆ, ସିଙ୍ଗାପୁର ଏବଂ ମାଲେସିଆ ଭଳି ଦେଶ ଗୁଡିକ ନିବେଶକଙ୍କର ପସନ୍ଦ ପାଲଟିଛି । ଚୀନ ଏବେ ନିବେଶକଙ୍କ ବିଶ୍ୱାସ ହରାଉଛି । ୩୦୬ କମ୍ପାନିଙ୍କୁ ନେଇ ପ୍ରସ୍ତୁତ ଏହି ରିପୋର୍ଟ ମୁତାବକ, ୩୬% କମ୍ପାନିଙ୍କ ବାର୍ଷିକ ରାଜସ୍ୱ ୫୦ ହଜାର କୋଟି ଟଙ୍କା ରହିଛି । ୮୮% କମ୍ପାନି ଗତ ୧୦ ବର୍ଷ ହେବ ଚୀନରେ ନିଜ ଉପସ୍ଥିତି ବଜାୟ ରଖିଛନ୍ତି । ୨୦% କମ୍ପାନିର ରାଜସ୍ୱ ୧୦ରୁ ୫୦ ହଜାର କୋଟି ଟଙ୍କା ରହିଛି । ୧୯% କମ୍ପାନିଙ୍କ ନିକଟରେ ୨ ହଜାରରୁ ଉଦ୍ଧ୍ୱର୍ କର୍ମଚାରୀ କାମ କରୁଛନ୍ତି । ଅନ୍
ନୂଆଦିଲ୍ଲୀ ୨୩/୦୯: ଆମେରିକା ଏବଂ ଚୀନ ମଧ୍ୟରେ ବଢ଼ୁଥିବା ସମସ୍ୟା ଯୋଗୁ ଏବେ ଚୀନରେ ବ୍ୟବସାୟ ବାତାବରଣ ବଦଳୁଛି । ଏଭଳି ସ୍ଥିତିରେ ୫୦ ଆମେରିକୀୟ କମ୍ପାନି ଚୀନରୁ ନିଜ କାରବାର ବନ୍ଦ କରିବାକୁ ଏବେ ଯୋଜନା କରୁଛନ୍ତି । ଏହି କମ୍ପାନି ଗୁଡିକ ଚୀନରେ ୧୨ ଲକ୍ଷ କୋଟି ଟଙ୍କା ନିବେଶ କରିଛନ୍ତି । ଏହା ମଧ୍ୟରୁ ୧୫ କମ୍ପାନି ଭାରତ ଆସିବାକୁ ଚାହୁଁଛନ୍ତି ।
ଆମେରିକା ଚାମ୍ବର ଅଫ୍ କମର୍ସ ୩୦୬ କମ୍ପାନିଙ୍କ ଏକ ରିପୋର୍ଟ ଜାରି କରିବା ସହ ଏଭଳି ଦାବି କରିଛି । ଏହି ରିପାର୍ଟ ମୁତାବକ, ମେକ୍ସିକୋ, ୟୁରୋପ ଏବଂ ଆମେରିକାକୁ ଛାଡି ଭାରତ ଏବେ ନିବେଶକଙ୍କ ପସନ୍ଦ ପାଲଟିଛି । ନିବେଶ କ୍ଷେତ୍ରରେ ଗତ ବର୍ଷ ଭାରତ ୫ମ ସ୍ଥାନରେ ଥିଲା । ଚଳିତ ବର୍ଷ ଭାରତ ଦ୍ୱିତୀୟ ସ୍ଥାନରେ ରହିଛି ।
ପ୍ରଥମ ସ୍ଥାନରେ ଦକ୍ଷିଣ ପୂର୍ବ ଏସିଆ ରହିଛି । ଇଣ୍ଡୋନେସିଆ, ସିଙ୍ଗାପୁର ଏବଂ ମାଲେସିଆ ଭଳି ଦେଶ ଗୁଡିକ ନିବେଶକଙ୍କର ପସନ୍ଦ ପାଲଟିଛି । ଚୀନ ଏବେ ନିବେଶକଙ୍କ ବିଶ୍ୱାସ ହରାଉଛି । ୩୦୬ କମ୍ପାନିଙ୍କୁ ନେଇ ପ୍ରସ୍ତୁତ ଏହି ରିପୋର୍ଟ ମୁତାବକ, ୩୬% କମ୍ପାନିଙ୍କ ବାର୍ଷିକ ରାଜସ୍ୱ ୫୦ ହଜାର କୋଟି ଟଙ୍କା ରହିଛି । ୮୮% କମ୍ପାନି ଗତ ୧୦ ବର୍ଷ ହେବ ଚୀନରେ ନିଜ ଉପସ୍ଥିତି ବଜାୟ ରଖିଛନ୍ତି ।
୨୦% କମ୍ପାନିର ରାଜସ୍ୱ ୧୦ରୁ ୫୦ ହଜାର କୋଟି ଟଙ୍କା ରହିଛି । ୧୯% କମ୍ପାନିଙ୍କ ନିକଟରେ ୨ ହଜାରରୁ ଉଦ୍ଧ୍ୱର୍ କର୍ମଚାରୀ କାମ କରୁଛନ୍ତି । ଅନ୍ୟ କମ୍ପାନି ଗୁଡିକରେ ୫୦୦ରୁ ୨ ହଜାର ଯାଏ କର୍ମଚାରୀ ରହିଛନ୍ତି । ୪୭% କମ୍ପାନି ଆଗାମୀ ୫ ବର୍ଷରେ ଚୀନରେ କାରବାର ନେଇ ଆଶାବାଦୀ ରହିଛନ୍ତି । ମ୍ୟାନେଜମେଣ୍ଟ ସହ ଜଡିତ କମ୍ପାନି ଗୁଡିକ ଏବେ ଭାରତକୁ ପ୍ରାଥମିକତା ଦେଉଛନ୍ତି । ଗତ ବର୍ଷ ଚୀନରେ ନିବେଶ କରିବାକୁ ଇଛୁକ ଥିବା ୪୦% ଆମେରିକା କମ୍ପାନି ଭାରତ ଆସିବା ଲାଗି ମନ ବଳାଇଛନ୍ତି ।
ମ୍ୟାନେଜମେଣ୍ଟ କନସଲଟିଂ କ୍ଷେତ୍ରରେ ୫୪% କମ୍ପାନି ଭାରତ ଆସିବାକୁ ଇଛା ପ୍ରକଟ କରିଥିବା ଏହି ରିପୋର୍ଟରେ ଦାବି କରାଯାଇଛି । ସେହିଭଳି ପୋଷାକ ଏବଂ ବିନିର୍ମାଣ କ୍ଷେତ୍ରରେ ଥିବା କମ୍ପାନି ଗୁଡିକ ମଧ୍ୟ ଭାରତ ଆସିବା ଲାଗି ପ୍ରାଥମିକତା ଦେଉଛନ୍ତି । ରିପୋର୍ଟରେ ସାମିଲ ହୋଇଥିବା ୩୦୬ କମ୍ପାନି ମଧ୍ୟରୁ ଅଧିକାଂଶ ଏହା ମାନିଛନ୍ତି ଯେ, ଭାରତରେ ନିବେଶ ଲାଗି ଏକ ଅନୁକୂଳ ବାତାବରଣ ରହିଛି । ଭାରତରେ ରହିଥିବା ଏକ ବଡ ଉପଭୋକ୍ତା ବଜାର କମ୍ପାନିଗୁଡିକ ଆକର୍ଷଣ କରୁଛି ।
କରୋନା ପରେ ଚୀନରେ ନିବେଶ ସ୍ଥିତିରେ ବଡ ପରିବର୍ତ୍ତନ ଆସିଛି । ଏବେ ଚୀନ ବଜାର ବିଦେଶୀ କମ୍ପାନିଗୁଡିକ ଲାଗି ଏତେଟା ଆକର୍ଷଣୀୟ ହୋଇନାହିଁ । ସି ଜିନପିଙ୍ଗଙ୍କ ସରକାର ବେକାରୀ ଏବଂ ବୃଦ୍ଧ ହେଉଥିବା ଶ୍ରମଶକ୍ତି ସମସ୍ୟାକୁ ଲଢ଼ିବା ଲାଗି ଏବେ ନୀତିରେ ପରିବର୍ତ୍ତନ କରୁଛନ୍ତି । ଏହି ପରିବର୍ତ୍ତନ ଗୁଡିକ ଏବେ ନିବେଶକଙ୍କ ଭରଷାକୁ ଦୋହଲାଇ ଦେଇଛି ।
ଚୀନରେ ୧୬ରୁ ୨୪ ବର୍ଷୀୟ ଯୁବବର୍ଗଙ୍କ ମଧ୍ୟରେ ବେକାରୀ ହାର ୨୧.୩% ସ୍ତରରେ ପହଞ୍ଚିଯାଇଛି । ଯାହା ୩ ଦଶକ ମଧ୍ୟରେ ସର୍ବାଧିକ । ସେହିଭଳି ଜନସଂଖ୍ୟାର ଏକ ବଡ ଭାଗ ବାର୍ଦ୍ଧକ୍ୟ ଆଡକୁ ଗତି କରୁଥିବାରୁ ଏହା ଦେଶ ଲାଗି ସମସ୍ୟା ସୃଷ୍ଟି କରିବ ବୋଲି ବିଶେଷଜ୍ଞ ଆକଳନ କରିଛନ୍ତି । ଯାହା ଦ୍ୱାରା ଉତ୍ପାଦନ ଉପରେ ପ୍ରଭାବ ପଡୁଛି । ଆର୍ôଥକ ଓ ସାମାଜିକ ଚ୍ୟାଲେଞ୍ଜର ଚୀନର ଆର୍ôଥକ ସ୍ଥିରତା ଉପରେ ପ୍ରଶ୍ନବାଚୀ ସୃଷ୍ଟି କରିଛି ।
