ଚୀନରେ ପ୍ରଳୟଙ୍କାରୀ ବନ୍ୟା, ପ୍ରଥମ ମହଲା ଯାଏଁ ଚାଲିଛି ପାଣି ସୁଅ, କାଗଜ ଡଙ୍ଗା ପରି ଭାସୁଛି କାର୍‌

ନୂଆଦିଲ୍ଲୀ: ସପ୍ତାହେ ଧରି ଲଗାଣ ବର୍ଷା ଚୀନରେ ଆସିଛି ପ୍ରଳୟଙ୍କାରୀ ବନ୍ୟା। ପାଣି ଘେରରେ ଅନେକ ପ୍ରଦେଶର ଲୋକ। ଗୁଆଙ୍ଗଡୋଙ୍ଗ ପ୍ରଦେଶ ପରେ ଏବେ ଗୁଇଝୋ ଏବଂ ଚୀନର ଉତ୍ତର ଅଞ୍ଚଳରେ ତାଣ୍ଡବ ରଚିଛି ବନ୍ୟା। ଗୁଇଝୋ ପ୍ରଦେଶର ରଙ୍ଗ ଜିଆଙ୍ଗ ସହରରେ ଏକ ବଡ଼ ସପିଂ ମଲ୍ ସମ୍ପୂର୍ଣ୍ଣ ପାଣିରେ ବୁଡ଼ି ଯାଇଛି। ବନ୍ୟାର ପ୍ରବଳ ସ୍ରୋତରେ ଅନେକ କାର ଭାସି ଯାଇଛି। 

ଏକ ଭିଡିଓରେ ଦେଖାଯାଉଛି ଯେ କାଗଜ ଡଙ୍ଗା ପରି ପାଣିରେ ଅନେକ ଓଜନର ଯାନବାହନ ଭାସୁଛି। ବନ୍ୟା ଯୋଗୁଁ ଭୂସ୍ଖଳନ ପାଇଁ ପୋଲ ଭାଙ୍ଗି ପଡ଼ିଛି। ହୁନାନ୍ ପ୍ରଦେଶରେ ମଧ୍ୟ ପରିସ୍ଥିତି ଗମ୍ଭୀର। ପ୍ରାୟ ଚାରି ଲକ୍ଷ ଲୋକ ବନ୍ୟାରେ ପ୍ରଭାବିତ ହୋଇଛନ୍ତି। ଏବଂ ୧ ଲକ୍ଷ ୧୦ ହଜାର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି। ଏହି ପରିସ୍ଥିତି ଚିନ୍ତାଜନକ। ରିଲିଫ୍ କାର୍ଯ୍ୟ ଜାରି ରହିଛି।

ଶୁଇ ଜିଆଙ୍ଗ ନଦୀରେ ପ୍ରବଳ ଜଳ ପ୍ରବାହ ଯୋଗୁଁ, ସହରାଞ୍ଚଳର ରାସ୍ତାଗୁଡ଼ିକ ନାଳର ରୂପ ନେଇଛି। ଡ୍ରୋନ ଫୁଟେଜରେ କାଦୁଅ ରଙ୍ଗର ପାଣିରେ କେବଳ ଉଚ୍ଚ କୋଠା ଏବଂ ବଡ ଗଛର ଉପରି ଭାଗ ଦେଖାଯାଉଛି। ଅନେକ ଅଞ୍ଚଳରେ ଜଳସ୍ତର ଏତେ ବୃଦ୍ଧି ପାଇଛି ଯେ କୋଠାର ପ୍ରଥମ ମହଲାକୁ ପହଞ୍ଚିଛି ବନ୍ୟା ପାଣି। କେବଳ ଘରର ଛାତ ଦେଖାଯାଉଛି।

ଟ୍ରପିକାଲ ଷ୍ଟ୍ରମ ଯୋଗୁଁ Wutip ଅଞ୍ଚଳରେ ପ୍ରବଳ ବର୍ଷା ଆଣିଥିଲା। ତା’ପରେ ଏହି ସପ୍ତାହ ଆରମ୍ଭରେ ମୌସୁମୀ ବର୍ଷା ହୋଇଥିଲା। ଏହା ପରିସ୍ଥିତିକୁ ଆହୁରି ଖରାପ କରିଥିଲା। ଝଡ଼ ଯୋଗୁଁ ଗୁଆଙ୍ଗସି ପ୍ରଦେଶର ଦୁଇଟି ଭିନ୍ନ ସ୍ଥାନରେ ଭୂସ୍ଖଳନ ହୋଇଥିଲା। ଏଥିରେ ଅତି କମରେ ପାଞ୍ଚ ଜଣଙ୍କର ମୃତ୍ୟୁ ହୋଇଥିଲା।

ଚାଇନା ଡେଲି ନ୍ୟୁଜ ଅନୁସାରେ ତାଙ୍କ ଦଳକୁ ଏକ ହସ୍ପିଟାଲରୁ ଗୁରୁତର ରୋଗୀଙ୍କୁ ବାହାର କରିବାକୁ ପଡ଼ିଥିଲା। ରେସ୍କ୍ୟୁ ଟିମ୍‌ ନବଜାତ ଶିଶୁ ସହିତ ଜଣେ ମହିଳାଙ୍କୁ କ୍ଷୀର ପାଉଡର ଏବଂ ପାଣି ପହଞ୍ଚାଇଥିଲା। ଏହା ବ୍ୟତୀତ, ଏକ ସ୍କୁଲରେ ଉପସ୍ଥିତ ପିଲା ଏବଂ ବୃଦ୍ଧଙ୍କୁ ମଧ୍ୟ ରିଲିଫ ପହଞ୍ଚାଯାଇଥିଲା।