ଜାମ୍ମୁ କାଶ୍ମୀରରେ ପ୍ରକୃତିର ତାଣ୍ଡବ ; ୨୪ ଘଣ୍ଟାରେ ଗଲାଣି ୫ ଜୀବନ, ଚାଲିଛି ଉଦ୍ଧାର କାର୍ଯ୍ୟ

ନୂଆଦିଲ୍ଲୀ ୨୧।୦୪; ଜାମ୍ମୁ କାଶ୍ମୀର ରାମବାନ ଜିଲ୍ଲାରେ ପ୍ରବଳ ବାଦଲ ଫଟା ବର୍ଷା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଏହା ସହିତ ଅନେକ ସ୍ଥାନରେ ଭୂସ୍ଖଳନ ଘଟିଛି । ଗତ ୨୪ ଘଣ୍ଟାରେ ୫ ଜଣଙ୍କ ଜୀବନ ଯାଇଛି । ଏହି ପରିପ୍ରେକ୍ଷୀରେ ରାମବାନ୍ ବରିଷ୍ଠ ପୋଲିସ ଅଧୀକ୍ଷକ କୁଲବୀର ସିଂ ରବିବାର କହିଛନ୍ତି, ଯେ ପ୍ରାକୃତିକ ବିପର୍ଯ୍ୟୟରେ ୫ ଜଣଙ୍କର ମୃତ୍ୟୁ ହୋଇଥିବାବେଳେ ଜିଲ୍ଲାରେ ୧୦୦ ରୁ ଅଧିକ ଲୋକଙ୍କୁ ଉଦ୍ଧାର କରାଯାଇଛି ।

#WATCH | J&K: Aftermath of flash floods that occurred yesterday in Ramban due to torrential rain. pic.twitter.com/TYiQOVqczW— ANI (@ANI) April 21, 2025

ବାଦଲ ଫଟା ବର୍ଷା ଏବଂ ଭୂସ୍ଖଳନ ଯୋଗୁଁ ୨୫୦ କିଲୋମିଟର ଲମ୍ବା ଜମ୍ମୁ-ଶ୍ରୀନଗର ଜାତୀୟ ରାଜପଥରେ ଯାତାୟାତ ବାଧାପ୍ରାପ୍ତ ହୋଇଥିଲା। ଯାହା ଫଳରେ ଶହ ଶହ ଯାନବାହନ ଫସି ରହିଥିଲା। ଭାରତୀୟ ସେନା ରିଲିଫ୍ କାର୍ଯ୍ୟ ଆରମ୍ଭ କରିଛି। NH-44 ରେ ଫସି ରହିଥିବା ଯାତ୍ରୀମାନଙ୍କୁ ଖାଦ୍ୟ, ବାସସ୍ଥାନ ଏବଂ ଚିକିତ୍ସା ସହାୟତା ଯୋଗାଇବା ପାଇଁ QRT ଗୁଡ଼ିକୁ ନିୟୋଜିତ କରାଯାଇଛି। ଆଠଟି ସେନା ବାହିନୀ ପ୍ରସ୍ତୁତ ଅଛନ୍ତି ଏବଂ ସ୍ଥାନାନ୍ତର କାର୍ଯ୍ୟ ଚାଲିଛି। ପ୍ରାରମ୍ଭିକ ଆକଳନ ଅନୁଯାୟୀ, ରାସ୍ତାରୁ ଭଗ୍ନାବଶେଷ ସଫା କରିବା ଏବଂ ଯାତାୟାତ ପୁନଃସ୍ଥାପିତ କରିବାକୁ ୪୮ ଘଣ୍ଟା ପର୍ଯ୍ୟନ୍ତ ସମୟ ଲାଗିପାରେ।

#WATCH | Union Minister Dr Jitendra Singh tweets, "In the aftermath of the torrential hailstorm yesterday, while the district administration team led by energetic DC Mr Baseer Haq has been commendably on the job since last night, it is time also to acknowledge and thank the… pic.twitter.com/6PerZPMDpL— ANI (@ANI) April 21, 2025

ରାମବାନର ଡେପୁଟି କମିଶନର କହିଛନ୍ତି ଯେ ଉଦ୍ଧାର କାର୍ଯ୍ୟ ଚାଲିଛି ଏବଂ ସମସ୍ତ ସରକାରୀ ସଂସ୍ଥା, ପୋଲିସ, ଏସଡିଆରଏଫ, ସେନା, ଏନଜିଓ ଏବଂ ସ୍ଥାନୀୟ ସ୍ଵେଚ୍ଛାସେବକମାନେ ରିଲିଫ କାର୍ଯ୍ୟରେ ନିୟୋଜିତ ଅଛନ୍ତି। ଜିଲ୍ଲାର ସମସ୍ତ ସ୍କୁଲ, କଲେଜ ଏବଂ ବୈଷୟିକ ଶିକ୍ଷାନୁଷ୍ଠାନ ଏବେ ବନ୍ଦ ରହିବ। କାଶ୍ମୀର ଉପତ୍ୟକାରେ ପ୍ରବଳ ବର୍ଷାକୁ ଦୃଷ୍ଟିରେ ରଖି, ସୋମବାର ସମସ୍ତ ସ୍କୁଲ ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଛି। ଶିକ୍ଷା ମନ୍ତ୍ରୀ ସକିନା ଟ୍ୱିଟରରେ ପୋଷ୍ଟ କରିଛନ୍ତି, 'ପିଲାମାନଙ୍କ ସୁରକ୍ଷା ଏବଂ ମଙ୍ଗଳକୁ ଧ୍ୟାନରେ ରଖି ଏକ ସତର୍କତାମୂଳକ ପଦକ୍ଷେପ ସ୍ୱରୂପ ଏହି ନିଷ୍ପତ୍ତି ନିଆଯାଇଛି।'