ଟ୍ରମ୍ପଙ୍କୁ ବଡ଼ ଝଟକା: ପ୍ରତିଶୋଧ ନେଲା ଚାଇନା, ଆମେରିକା ଛାନିଆ

ଓ୍ବାଶିଂଟନ୍‌, ଏବେ ବିଶ୍ୱର ଦୁଇ ମହାଶକ୍ତିଶାଳୀ ଦେଶ ଆମେରିକା ଏବଂ ଚାଇନା ମଧ୍ୟରେ ଏକ ଟାରିଫ୍‌ ଯୁଦ୍ଧ ଆରମ୍ଭ ହୋଇଯାଇଛି। ଗୋଟିଏ ପଟେ ଶନିବାର (ଫେବୃଆରୀ ୧)ରେ ଆମେରିକାର ଡୋନାଲ୍ଡ ଟ୍ରମ୍ପ ସରକାର ଚାଇନାରୁ ଆମଦାନୀ ହେଉଥିବା ସାମଗ୍ରୀ ଉପରେ ୧୦ ପ୍ରତିଶତ ଅତିରିକ୍ତ ଟାରିଫ୍‌ ଲାଗୁ କରିଥିଲେ। ଏବେ ଚାଇନା ମଧ୍ୟ ମଙ୍ଗଳବାର (ଫେବୃଆରୀ ୪) ଠାରୁ ଆମେରିକୀୟ ଉତ୍ପାଦ ଉପରେ ନୂତନ ଟାରିଫ୍‌ ଘୋଷଣା କରି ଆମେରିକା ବିରୋଧରେ ପ୍ରତିଶୋଧ ନେଇଛି।

ଆମେରିକୀୟ ଉତ୍ପାଦ ଉପରେ ଚାଇନା ଦ୍ୱାରା ଲାଗୁ କରାଯାଇଥିବା ଟାରିଫ୍‌ ସୋମବାର (ଫେବୃଆରୀ ୧୦)ଠାରୁ କାର୍ଯ୍ୟକାରୀ ହେବ। ଅନୁଯାୟୀ, ଆମେରିକାର ଟାରିଫ୍‌ ବିରୋଧରେ ପ୍ରତିଶୋଧ ସ୍ବରୂପ ଚାଇନା ମଧ୍ୟ ନୂତନ ଟାରିଫ୍‌ ଘୋଷଣା କରିଛି।

ମଙ୍ଗଳବାର ଚାଇନା ଅର୍ଥ ମନ୍ତ୍ରଣାଳୟ ଆମେରିକୀୟ ଉତ୍ପାଦ ଉପରେ ୧୦ରୁ ୧୫ ପ୍ରତିଶତ ଟାରିଫ୍‌ ଲଗାଇବାର ନିଷ୍ପତ୍ତି ବିଷୟରେ ସୂଚନା ଦେଇଛି। ପ୍ରକୃତରେ, ଚାଇନା ଆମେରିକାରୁ ଆମଦାନୀ ହେଉଥିବା କୋଇଲା, LNG ଉପରେ ୧୫ ପ୍ରତିଶତ ଏବଂ ଅଶୋଧିତ ତୈଳ, କୃଷି ଉପକରଣ, ପିକଅପ ଟ୍ରକ, ଉଚ୍ଚ ନିର୍ଗମନ ଯାନବାହନ ଉପରେ ୧୦ ପ୍ରତିଶତ ଅତିରିକ୍ତ ଟାରିଫ୍‌ ଲାଗୁ କରିବାକୁ ଘୋଷଣା କରିଛି। ଏହା ବ୍ୟତୀତ, ଚାଇନା ଆମେରିକାକୁ ରପ୍ତାନି ହେଉଥିବା କିଛି ପ୍ରମୁଖ ଖଣିଜ ପଦାର୍ଥ ଉପରେ ମଧ୍ୟ ନିୟନ୍ତ୍ରଣ ଲାଗୁ କରିଛି।

The post ଟ୍ରମ୍ପଙ୍କୁ ବଡ଼ ଝଟକା: ପ୍ରତିଶୋଧ ନେଲା ଚାଇନା, ଆମେରିକା ଛାନିଆ appeared first on Dharitri Odia News.