ଟ୍ରମ୍ପଙ୍କୁ ସୀମା ସୁରକ୍ଷା ଚିନ୍ତା; ମେକ୍ସିକୋ ବର୍ଡରକୁ ଗଲେ ୧୫ଶହ ସୈନ୍ୟ

ନୂଆଦିଲ୍ଲୀ: ଡୋନାଲ୍ଡ ଟ୍ରମ୍ପ ଦ୍ବିତୀୟ ଥର ପାଇଁ ଆମେରିକାର ରାଷ୍ଟ୍ରପତି ହୋଇଛନ୍ତି । ଶପଥ ନେବା ପରେ ସେ ସୀମା ସୁରକ୍ଷା ଉପରେ ଫୋକସ୍ କରିଛନ୍ତି । ମେକ୍ସିକୋ ସୀମାକୁ ଅଧିକ ସଂଖ୍ୟକ ଯବାନ ପଠାଇବାକୁ ଆଦେଶ ଦେଇଛନ୍ତି । ପ୍ରାୟ ୧୫ଶହ ଅତିରିକ୍ତ ସୈନ୍ୟ ପଠାଇବାକୁ ନିର୍ଦ୍ଦେଶ ଦେଇଛନ୍ତି ଡୋନାଲ୍ଡ ଟ୍ରମ୍ପ । ବେଆଇନ ଭାବେ ଅନୁପ୍ରବେଶ କରୁଥିବା ଲୋକଙ୍କୁ ରୋକିବା ପାଇଁ ଏଭଳି ପଦକ୍ଷେପ ନେଇଛନ୍ତି ।

ହ୍ବାଇଟ୍ ହାଉସ୍ ପ୍ରେସ୍ ସଚିବ କ୍ୟାରୋଲିନ୍ ଲେବିଟ୍ ଜାନୁଆରୀ ୨୨ ତାରିଖରେ ସୂଚନା ଦେଇ କହିଥିଲେ, ରାଷ୍ଟ୍ରପତି ଡୋନଲ୍ଡ ଟ୍ରମ୍ପ ଏକ ଗୁରୁତ୍ବପୂର୍ଣ୍ଣ ଆଦେଶରେ ହସ୍ତାକ୍ଷର କରି ସେ ବର୍ଡରରେ ଅତିରିକ୍ତ ୧୫ଶହ ସୈନ୍ୟ ମୁତୟନ ପାଇଁ ଅନୁମତି ଦେଇଛନ୍ତି । ଏହା ଦ୍ବାରା ମେକ୍ସିକୋ ବର୍ଡରରେ ଯବାନଙ୍କ ସଂଖ୍ୟା ୪ ହଜାରକୁ ବୃଦ୍ଧି ପାଇଛି । ଟ୍ରମ୍ପଙ୍କ ଏହି ଆଦେଶ ପରେ ହଜାରେ ଯବାନ ଏବଂ  ୫ଶହ ମେରାଇନ୍ ସୈନ୍ୟ ସାମିଲ୍ ଅଛନ୍ତି । ଏହି ମେରାଇନ୍ ସେନାକୁ ପ୍ରଥମେ ଲସ୍ ଆଞ୍ଜେଲ୍ସ ଜଙ୍ଗଲରେ ନିଆଁ ଲିଭାଇବା ପାଇଁ ନିଯୋଜିତ କରାଯାଇଥିଲା । ଏବେ ତାଙ୍କୁ ମେକ୍ସିକୋ ବର୍ଡରକୁ ପଠାଯାଇଛି । 

ମେକ୍ସିକୋ-ଆମେରିକା ସୀମାରେ ବେଆଇନ ଭାବେ ବଢ଼ୁଥିବା ପ୍ରବାସୀଙ୍କୁ ନେଇ ଆମେରିକା ସରକାର  ସତର୍କ କରାଇଛନ୍ତି । ଡୋନାଲ୍ଡ ଟ୍ରମ୍ପଙ୍କ ଏହି ପଦକ୍ଷେପ ରାଜନୈତିକ ଭାବେ ବିବାଦୀୟ ରହିଛି । ହେଲେ ସମର୍ଥକମାନେ ଏହାକୁ  ଦେଶ ସୁରକ୍ଷା ବ୍ୟବସ୍ଥାକୁ ନେଇ ମହତ୍ତ୍ବପୂର୍ଣ୍ଣ ପଦକ୍ଷେପ ବୋଲି କହିଛନ୍ତି ।...